Ermənistanda təcridxana, arxiv şəkli

Ermənistanda son anda baş tutmayan qiyamın detalları açıqlandı

24
(Yenilənib 17:33 09.09.2019)
Təcridxana əməkdaşları əraziyə xeyli insanın yığışdığını görərək bu barədə Erebuni rayon polis idarəsinə müraciət ediblər. Dərhal hadisə yerinə operativ polis qrupu cəlb olunub

BAKI, 9 sentyabr — Sputnik. Yerevanda "Nubaraşen" istintaq təcridxanasında kütləvi qiyamın təşkilatçılarının adları məlum olub. Bu barədə Sputnik Ermənistan "shamshyan.com" nəşrinə istinadən xəbər verir.

Sayt yazır ki, istintaq təcridxanasında kütləvi qarşıdurmanı hazırda həbsdə olan və məhbuslar arasında xüsusi nüfuza malik olan Nverik Noqarqyuxski və Vaçik adlı şəxslər təşkil ediblər.

Belə ki, sentyabrın 5-i onlar artıq "zonaya baxmadıqlarını" və həbsxana işçiləri və məhkumlar arasında problemlərin həllinə yardım etməyəcəklərini bildiriblər.

Bundan əlavə, onlar məhbuslara yemək paylayan şəxslərə öz öhdəliklərini yerinə yetirməməyi, digər məhbuslara isə qiyama başlamağı tapşırıblar.

Sayt yazır ki, "Nubaraşen" təcridxanasının 3-cü və 4-cü korpuslarında "zonaya baxanların" tapşırığı ilə məhbuslar kamera və yemək verilən pəncərələri qırmağa başlayıblar. Sentyabrın 5-i saat 18-19 radələrində onlar həbsxana kameralarından istintaq təcridxanasının qorunan ərazisinə yanan predmetlər atıblar. Nəticədə yanğın baş verib.

Dərhal hadisə yerinə yanğınsöndürən maşınlar cəlb olunub və yanğın söndürülüb.

Bu arada qiyamın baş verdiyi vaxtda "Nubaraşen" təcridxanasının qarşısında təxminən 30 maşın və 100-ə yaxın şəxs toplaşıb. Onlar arasında daha əvvəl bu həbsxanada məhkum olmuş Koko ləqəbli şəxs də olub.

Təcridxana əməkdaşları əraziyə xeyli insanın yığışdığını görərək bu barədə Erebuni rayon polis idarəsinə müraciət ediblər. Dərhal hadisə yerinə operativ polis qrupu cəlb olunub.

Polislərin gəldiyini görən şəxslər dərhal ərazini tərk ediblər.

Həmin gün saat 21:00-da Ermənistan Ədliyyə Nazirliyinin Pentensiar xidmətinin rəisi Artur Qoyunyan Nubaraşen təcridxanasına gəlib. Operativ qrupun köməkliyi ilə o, qiyamın qarşısını alıb.

Xatırladaq ki, Ermənistanın ədliyyə naziri Rustam Badasyan bəyan edib ki, ölkə həbsxanalarında kütləvi qiyamın qarşısı alınıb.

"Sentyabrın 5-i istintaq təcridxanalarında kütləvi şəkildə itaətsizlik cəhdləri qeydə alınıb. Belə cəhdlərin qarşısı əməkdaşların operativ fəaliyyəti nəticəsində alınıb", - deyə Badasyan öz "Facebook" səhifəsində yazıb.

Nazir qeyd edib ki, hazırda vəziyyət nəzarət altındadır, qiyam yoxdur.

Onun sözlərinə görə, hadisələrin mümkün inkişafı zamanı o, səlahiyyətləri və yaranmış vəziyyət çərçivəsində bütün lazımi tədbirləri görəcək.

Xatırladaq ki, daha əvvəl erməni KİV-i həbsxanalarda kriminal avtoritetlərə təzyiqlər barədə məlumat yayıb. Məlumatda qeyd olunur ki, kadr təmizləmələri ilə yanaşı, Ermənistan Ədliyyə Nazirliyi məhbuslara təqdim olunan əşyalara və predmetlərə də ciddi nəzarət etməyə başlayıb. Bundan əlavə, yoxlamalar zamanı məhbuslarda telefonlar, internet avadanlıqları, həmçinin qadağan olunan maddələr aşkarlanıb.

24
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

16
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

16
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
ABŞ-da epidemioloji vəziyyət

Koronavirusa yoluxanların sayı 21 milyona yaxınlaşır

1
Avropada virusa yoluxanların sayına görə Rusiya ilk yerdədir. Belə ki, bu ölkədə 905 752 yoluxma qeydə alınıb

 

BAKI, 14 avqust — Sputnik. Dünyada koronavirusa yoluxanların sayı 20 907 410 nəfəri keçib. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 55 612 nəfər vəfat edib, 12 995 523 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 5 milyon 249 min 155 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 905 752 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

 

1
Teqlər:
dünya, Koronavirus, COVID-19
Mövzu:
Dünyanı cənginə almış bəla
Əlaqədar
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Hindistan koronavirus əleyhinə dərmanın satışına başladı - 64 manata
Həkim koronavirusun insanın beynini necə sıradan çıxarmasından danışıb
Koronavirusa qarşı peyvənddən xəstələnmək olarmı?
Əhalinin vaksinasiyaya münasibəti pisləşib: Epidemiya yoxdursa, niyə vaksin vurursuz