Taliban radikal hərəkatının üzvləri, arxiv şəkli

Əfqanlar Trampa cavab verdilər - ən çox amerikanlar zərər görəcəklər

51
(Yenilənib 12:48 09.09.2019)
Taliban eyni zamanda ABŞ-ın danışıqlar masasına geri qayıdacağına da əminliyini bildirib

BAKI, 9 sentyabr — Sputnik. Taliban radikal hərəkatı ABŞ-la sülh danışıqlarının ləğvindən sonra Əfqanıstanda öz mübarizəsini davam etdirəcəyini bəyan edib. Bu barədə Sputnik Azərbaycan "BBC"yə istinadən xəbər verir.

Taliblər iddia ediblər ki, danışıqlar və sülh sazişinin imzalanmasına dair proses son ana qədər yaxşı məcrada davam edib.

Onlar eyni zamanda bəyan ediblər ki, sülh danışıqlarının ləğvindən ən çox amerikalıların özləri zərər görəcəklər: "Biz xarici qüvvələr Əfqanıstandan çıxarılmayana qədər mübarizəmizi davam etdirəcəyik".

Taliban eyni zamanda ABŞ-ın danışıqlar masasına geri qayıdacağına da əminliyini bildirib.

Xatırladaq ki, daha əvvəl ABŞ Prezidenti Donald Tramp 8 sentyabrda planlaşdırılmış Taliban liderləri və Əfqanıstan Prezidenti Əşrəf Qani ilə görüşləri ləğv edib.

O, həmçinin 12 nəfərin ölümü ilə nəticələnmiş Kabildəki terror aktından sonra Əfqanıstanda sülh yolu ilə nizamlanmaya dair danışıqlarda iştirak etməyəcəyini bəyan edib.

​"Praktiki olaraq hamıdan gizli bütün Taliban liderləri və ayrı-ayrılıqda Əfqanıstan prezidentinin bazar günü Kemp-Devid iqamətgahında mənimlə görüşü planlaşdırılırdı. Onlar Birləşmiş Ştatlara bu gün axşam gəliblər. Təəssüf ki, əlavə təsir rıçaqı yaratmaq üçün onlar böyük əsgərlərimizdən birinin və daha 11 nəfərin ölümü ilə nəticələnmiş Kabil hücumunu həyata keçirdiklərini qəbul ediblər. Mən dərhal görüşü ləğv etdim və sülh danışıqlarından imtina etdim" , - Tramp öz "Twitter" səhifəsində yazıb.

51
Rio-de-Janeyroda karnaval, arxiv şəkli

Koronavirus bu əyləncəni əlimizdən aldı

9
(Yenilənib 00:26 23.01.2021)
"Mən heç vaxt bu mədəniyyət hadisəsinə marağımı və onun iqtisadi baxımdan şəhərimiz üçün nə qədər əhəmiyyət daşıdığına olan inamımı gizlətməmişəm".

BAKI, 23 yanvar — Sputnik. Braziliyanın Rio-de-Janeyro şəhər rəhbərliyi 2021-ci ildə məşhur karnavalın keçirilməsini təxirə salıb. RİA Novosti bildirir ki, bu barədə şəhərin meri Eduardu Pais Twitter-də məlumat verib.

Qeyd edək ki, sentyabr ayında Rio-de-Janeyro karnavalının təşkilatçıları koronavirus səbəbindən tədbirin 2021-ci ilin fevral ayınadək təxirə salınması ilə bağlı qərar qəbul etmişdi. Noyabr ayında isə Samba Məktəbləri Liqası təklif etmişdi ki, əgər əhalinin peyvənd olunması sahəsində irəliləyiş əldə olunarsa, karnaval iyulda keçirilsin.

"Mən heç vaxt karnavala marağımı və bu mədəniyyət hadisəsinin iqtisadi baxımdan şəhərimiz üçün nə qədər əhəmiyyət daşıdığına olan inamımı gizlətməmişəm. Bununla belə, hazırda iyul ayında karnavalı keçirə biləcəyimizi düşünməyin heç bir mənası yoxdur", – deyə Pais yazıb.

Rio-de-Janeyro merinin sözlərinə görə, karnaval böyük hazırlıq işi tələb edir ki, indi bunu reallaşdırmaq mümkün deyil.

Rio karnavalı hər samba məktəbinin öz kompozisiyası ilə çıxış etdiyi rəngarəng keçid paradıdır. Karnavalı çempionlar paradı tamamlayır. Tədbir çərçivəsində gözəllik müsabiqələri, maskaradlar və əlbisə yarışları da keçirilir.

Qeyd edək ki, dünyada Braziliya COVID-19 pandemiyasından ən çox əziyyət çəkmiş ölkələrdən biridir. Son məlumatlara əsasən, bu ölkədə 8 milyon 697 min 368 yoluxma halı qeydə alınıb, 214 min 147 nəfər isə dünyasını dəyişib.

9
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

17
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

17
Teqlər:
Pentaqon, ABŞ

Professor: “Yeni reallıqlar regional əlaqələrin dərinləşməsini zəruri edir”

0
(Yenilənib 09:51 23.01.2021)
Azərbaycan Dövlət İqtisad Universitetinin professoru Elşad Məmmədov deyir ki, yeni reallıqlar həm iqtisadi, həm də geosiyasi müstəvidə öz əksini tapmaqdadır
Elşad Məmmədov: “İranla iqtisadi əlaqələrimizdə qeyri-neft sektorunun böyük payı olacaq”

Tehranda İran-Azərbaycan Birgə İqtisadi Komissiyasının 14-cü iclası keçirilib. İclas çərçivəsində iki ölkə arasında müxtəlif sahələrdə, o cümlədən texniki, mühəndislik, su, enerji, dəmir yolu və s. sazişlər imzalanıb.

Azərbaycan-İran iqtisadi əlaqələrinin perspektivlərini Sputnik Azərbaycan-a şərh edən Azərbaycan Dövlət İqtisad Universitetinin (UNEC) professoru Elşad Məmmədov bildirib ki, Dağlıq Qarabağ münaqişəsinin həllindən sonra bölgədə yeni reallığın yaranmasının şahidi oluruq:

“Bu həm iqtisadi, həm də geosiyasi müstəvidə öz əksini tapmaqdadır. Yeni iqtisadi və siyasi reallıqların formalaşması regional əlaqələrin dərinləşməsini zəruri edir. Hesab edirəm ki, bu istiqamətdə çox böyük dəyişikliklərin şahidi olacağıq. İranla iqtisadi əlaqələrimizin dərinləşməsində xüsusən qeyri-neft sektorunun böyük payı olacaq”.  

Elşad Məmmədovun geniş şərhinə audiofaylda qulaq asa bilərsiniz

0