Baltik dənizi

Sualtı rəsədxana dənizin dibindən yoxa çıxdı

53
(Yenilənib 22:52 08.09.2019)
Elmi rəsədxana Almaniyanın şimal sahilləri yaxınlığındakı qadağan olunmuş zonada yerləşirmiş. Oraya qayıqları və balıqçı gəmilərini buraxmırlar

BAKI, 9 sentyabr — Sputnik. Elmi məlumatların toplanması üçün istifadə edilən stansiya Baltik dənizinin dibindən yoxa çıxıb.

Sputnik Azərbaycan bildirir ki, bu barədə Hemqolts adına Okean Araşdırmaları Mərkəzi - GEOMAR məlumat yayıb.

Avqustun 21-dən etibarən rəsədxanadan heç bir siqnal alınmayıb. Səbəbləri araşdırmaq üçün oraya dalğıcları göndəriblər. Ancaq onlar stansiyanın yerində məlumatların ötürülməsi üçün kabelin qırıqlarından başqa heç nə tapmayıblar.

Qeyd edilir ki, elmi rəsədxana Almaniyanın şimal sahilləri yaxınlığındakı qadağan olunmuş zonada yerləşirmiş. Oraya qayıqları və balıqçı gəmilərini buraxmırlar. Qurğu çox ağır olduğundan onun güclü axın, fırtına nəticəsində, yaxud da iri dəniz heyvanlarının "sayəsində" itdiyini demək çətindir.

Beləliklə, polis düşünr ki, hal-hazırda stansiyanın yoxa çıxmasının ən ağlabatan izahı onun oğurlanmasıdır. Ancaq bu stansiya kimə lazım idi, onu necə oğurlayıblar - bu suallar maraq doğurur. Alman polisi hadisəni araşdırır.

Araşdırma Mərkəzinin məlumatına görə, rəsədxana 2016-cı ildə 22 m dərinlikdə quraşdırılıb. Onun qiyməti təxminən 300 min avrodur.

53
Teqlər:
oğurluq, Baltik dənizi, Almaniya, stansiya, elm
İspaniyada epdimioloji vəziyyət

İspaniyada ikinci koronavirus epidemiyası qaçılmazdır ekspert

20
"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar".

BAKI, 27 may — Sputnik. İspaniyada ikinci koronavirus epidemiyasının payızda baş verməsi demək olar ki, qaçılmazdır, lakin hökumətin ağır karantinin qarşısını almaq və problemi digər yollarla həll etmək üçün vaxtı var. Sputnik Azərbaycan xəbər verir ki, bunu Navarra Universitetinin mikrobioloqu Gilyermo Martinez de Texada RİA Novosti-yə bildirib.

"Bir çox mütəxəssislər inanırlar ki, epidemiya oktyabrda yenidən baş verəcək. Mən də bu fikirdəyəm. Çox güman ki, belə olacaq. Amma yüz faizlik əminlik ola bilməz. Onun birinci epidemiya kimi güclü olub-olmayacağı da aydın deyil", - Martinez de Texada deyib.

Onun sözlərinə görə, hazırda cənub yarımkürəsində payızdır və orada xəstələrin sayında kəskin artım baş verib.

"Bu qrip kimi mövsümi bir virusa oxşayır", - mikrobioloq deyib.

İspaniya hakimiyyət orqanlarının yeni dalğaya hazırlaşmaq üçün bir neçə ay vaxtı var, lakin ölkə çətin ki, mart-aprel aylarında olduğu kimi sərt karantin tətbiq etsin.

"Bu, çox ağır olardı. Cənubi Koreya və Tayvan bütün əhalini karantinə salmadılar. Onlar tez reaksiya verməyə imkan verən sistemləri tətbiq etdilər", - Martinez de Texada deyib.

O qeyd edib ki, hər halda, epidemiyanın ikinci dalğasına həm hakimiyyət, həm tibb işçiləri, həm də ölkə sakinləri martdakından daha hazırlıqlı olacaqlar.

"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar", - mikrobioloq əlavə edib.

Bununla yanaşı, o, ölkənin payız və qışda barları, mağazaları və s. yenidən bağlamaq məcburiyyətində qalacağını istisna etməyib.

20
Arxeoloji qazıntılar, arxiv şəkli

Çində qədim tapıntı - İçində olduğu bilinmir

36
Alimlərin dəyərləndirməsinə görə, kuzənin 2 minə yaxın yaşı var. Kuzə qaz başları bəzədilib, içində isə naməlum sarı-qəhvəyi maye olub.

BAKI, 26 may — Sputnik. Çində içində naməlum maye olan qədim bürünc kuzə tapılıb.

Sputnik Azərbaycan xarici mətbuata istinadla xəbər verir ki, Henan əyalətindəki Sanmenxia şəhərinin yenidən qurulması zamanı bir qab, digər əşyalar və nefrit qılıncları olan bir məzar tapılıb.

Arexeoloqların sözlərinə görə, məzarın Tsin sülaləsi dövründə (221-207 bizim eradan əvvəl) tikilmə ehtimalı var. O yerli məmurlardan birinə aid ola bilər.

Alimlərin dəyərləndirməsinə görə, kuzənin 2 minə yaxın yaşı var. Kuzə qaz başları bəzədilib, içində isə naməlum sarı-qəhvəyi maye olub. Hazırda kimyaçılar onun tərkibini öyrənir.

36
Açar, arxiv şəkli

Ey hörmətli müəllim, hər kənddə, hər şəhərdə meyvələrin olsa da, evin yoxdur

3
(Yenilənib 09:00 27.05.2020)
"İlk növbədə, müəllim kommunal və nəqliyyat xərcindən azad olunmalıdır ki, onun aldığı məvacib ipotekaya yönələ bilsin. Çarəsizlikdən müəllimlər sosial ehtiyaclarını ödəmək üçün digər sahələrdə çalışırlar" - Kamran Əsədov

Nigar İsgəndərova, Sputnik Azərbaycan

BAKI, 27 may — Sputnik. Azərbaycan Respublikası İpoteka və Kredit Zəmanət Fondunun vəsaiti hesabına ipoteka kreditinin, o cümlədən, güzəştli ipoteka kreditinin verilməsi Qaydası"nda dəyişikliklər olunub. Bununla bağlı olaraq Prezident İlham Əliyev fərman imzalayıb. Belə ki, fərmanla ən azı 3 il dövlət ümumi təhsil müəssisəsində müəllim işləyən şəxslər güzəştli ipoteka kreditindən istifadə etmək hüququna malik olacaqlar. İndiyə qədər bu müddət 5 il idi.

Eyni zamanda, qaydalara edilən əlavəyə əsasən, ən azı 15 il dövlət ümumi təhsil müəssisəsində müəllim işləyən şəxslər güzəştli ipoteka kreditindən istifadə etmək hüququna malik olacaqlar. İndiyədək qanunvericilikdə bununla bağlı müddəa yox idi.

Bəs, müəllimlərin sosial yükünün azaldılması üçün başqa hansı addımlar atılmalıdır?

Təhsil eksperti Kamran Əsədov Sputnik Azərbaycan-a açıqlamasında bu haqda danışıb və bildirib ki, bu gün müəllimlərin ən böyük problemlərindən biri mənzil problemidir: "Ev almaq və tikmək onlar üçün çox çətindir. İpoteka kreditlərinin şərtləri isə onlar üçün ağır olduğuna görə bundan yararlana bilmirlər. Gələcəyimiz olan gənc nəsilləri yetişdirən müəllimlərin mənzil problemlərini həll edə bilmək üçün güzəştli ipotekadan istifadə edə bilməsi çox vacib məsələdir. Amma bu gün orta məktəb müəllimləri ipotekadan yararlanaraq öz mənzil problemlərini həll edə bilmirlər. Özəlliklə orta məktəb müəllimləri ipoteka üçün müraciət edəndə onların əməkhaqlarının ipotekanın ödənişi üçün lazım olan standartlardan aşağı olması və s. şərtlər əsas gətirilir və onların əksəriyyəti bu sistemdən yararlana bilmirlər".

Ekspert iş üçün regionlara göndərilən müəllimlər üçün dövlət tərəfindən görülən tədbirlərdən də danışıb: "Regionlarda çalışmağa yollanan müəllimlər üçün dövlət tərəfindən həvəsləndirmə tədbirləri həyata keçirilir. Həmin müəllimlər rayon mərkəzindən 20 kilometr aralıda yaşayırlarsa, onlara torpaq sahəsi ayrılır, ev tikmək üçün müəyyən dəstək göstərilir. Həmçinin, həmin müəllimlərin əmək haqlarna 100 manat əlavə olunur".

Azərbaycanda müəllimlərin orta əməkhaqqlarının 350-500 manat arasında dəyişdiyini deyən ekspert bildirir ki, bu məbləğlə ipotekanın ödənməsi reallığı əks etdirməyəcək. Bundan başqa, K.Əsədov bildirir ki, ilkin məbləğin ödənilməsi də müəllimlər üçün əlçatan deyil: "Mənzil şəraiti ağır vəziyyətdə olan və ya evsizlikdən əziyyət çəkən pedaqoqların sayı az deyil. Onlara dəstək olmaq lazımdır. Yaxşı olar ki, ipoteka ilə mənzil alan müəllimlərin aylıq əməkhaqqı özlərində qalsın. Bunun üçün bəzi işlər görülməlidir".

"İlk növbədə, müəllim kommunal və nəqliyyat xərcindən azad olunmalıdır ki, onun aldığı məvacib ipotekaya yönələ bilsin. Çarəsizlikdən müəllimlər sosial ehtiyaclarını ödəmək üçün digər sahələrdə çalışırlar. Hesab edirəm ki, müəllimlərə daha az faizlə, ilkin məbləğ üçün müəyyən edilən vəsait az olmaqla və uzunmüddətli ipoteka krediti verilərsə, bu, pedaqoqların həm evsizlik problemini həll edər, həm də onların sosial həyatı normal səviyyədə olar",- deyə o əlavə edib.

3