Donald Tramp, arxiv şəkli

Trampı devirmək üçün yeni cəhd: bütün "günah"ları yada saldılar

53
(Yenilənib 17:56 08.09.2019)
Sosioloji sorğuların nəticələrinə görə, amerikalıların 60%-dən çoxu Trampa qarşı impiçment elan edilməsinin əleyhinədir

BAKI, 8 sentyabr — Sputnik. Amerika Prezidenti Donald Trampa impiçment elan oluna bilər. Müvafiq qətnamə ABŞ Konqresinin Nümayəndələr Palatasında hazırlanır.

Sputnik Azərbaycan bildirir ki, məlumatı CBS yayıb. Məlumata görə, sənəd bazar ertəsi hazır olacaq. İmpiçment üzrə səsvermə isə artıq gələn həftə baş tuta bilər.

ABŞ-ın Ədliyyə Nazirliyinin siyasəti fəaliyyətdə olan prezidentləri izləməyə imkan vermədiyindən Nümayəndələr Palatası Trampı keçmiş xüsusi prokuror Robert Müllerin Rusiyanın 2016-cı il seçkilərinə "müdaxiləsini" araşdırmasına mane olduğu üçün məsuliyyətə cəlb etməyə qadir yeganə qurumdur.

Bundan başqa, Trampın vəzifə səlahiyyətlərindən sui-istifadə edərək rəsmi tədbirləri özünə məxsus olan kurortlarda təşkil etməklə varlanma imkanı da mübahisə predmeti ola bilər. Həmçinin Prezidentə qarşı pornoaktrisa və fotomodelin susmaları üçün pul aldıqları iddiasının da irəli sürülməsi planlaşdırılır. Bu qadınlar əvvəllər bəyan etmişdilər ki, Trampla nikahdankənar əlaqəyə giriblər.

Trampın vergi bəyannamələri, Deutsche Bank-dakı maliyyə sənədləri, eləcə də Rusiya Prezidenti Vladimir Putinlə ünsiyyəti də diqqət altındadır.

Donald Tramp isə dəfələrlə demokratları bu tipli araşdırmalardan əl çəkərək ölkənin problemləri - məsələn, səhiyyə və infrastrukturla - məşğul olmalarını tövsiyə edib.

ABŞ-da indiyədək üç dəfə impiçmentə cəhd olub. 1868-ci ildə Endryu Consona və 1998-ci ildə Bill Klintona qarşı impiçment elan edilib. Ancaq bu prezidentləri Senat təmizə çıxarıb. 1969-1974-cü illərdə hakimiyyətdə olan Riçard Nikson isə Senatda dinləmələr başlanmadan öncə istefa vermişdi.

Sosioloji sorğuların nəticələrinə görə, amerikalıların 60%-dən çoxu Trampa qarşı impiçment elan edilməsinin əleyhinədir.

53
Teqlər:
Konqress, Nümayəndələr Palatası, impiçment, ABŞ prezidenti Donald Tramp
Əlaqədar
Tramp sirləri açdı, Tehran danışıqlara başlamağı təklif edib
Trampın iştahı orta əsrlər kralları səviyyəsində imiş
Məsləhətçisi Trampın sərsəm iddiada olduğunu təsdiq edib
"Söz verdim ki, Qrenlandiyaya bunu etməyəcəm" - Tramp
Trampdan Rusiya ilə bağlı gözlənilməz qərar
 Braziliyada epidemioloji vəziyyət

Virusdan ölənlərin sayı getdikcə artır

5
(Yenilənib 12:35 04.07.2020)
Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

Eldar Tanrıverdiyev, Sputnik Azərbaycan

BAKI, 4 iyul — Sputnik. Dünyada koronavirusa yoluxanların sayı 11 078 760-a çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 525 191 nəfər vəfat edib, 5 875 364 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 2 milyon 794 min 321 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 666 941 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

5
İT mütəxəssisi Vahid Qasımov

İT mütəxəssisi: “5G-nin insan bədəninə ziyanından danışmaq əsassızdır”

114
(Yenilənib 11:44 04.07.2020)
İT mütəxəssisi Vahid Qasımov deyir ki, necəki 3G, 4G texnologiyaları tətbiq edilməyə başlayanda müxtəlif nağıllar danışılırdısa, indi də daha geniş imkanlara sahib 5G haqqında belə nağıllar dolaşır
Vahid Qasımov: “Azərbaycanda 5G texnologiyasının sürətlə yayılması ehtimalı aşağıdır”

Azərbaycanda 5G texnologiyası tətbiq olunmur. Bu barədə Nəqliyyat, Rabitə və Yüksək Texnologiyalar Nazirliyindən bildirilib.

İT mütəxəssisi Vahid Qasımov Sputnik Azərbaycan-a deyir ki, 5G texnologiyası bizim gündəlik istifadə etdiyimiz mobil internet texnologiyalarının yeni versiyasıdır:

“Necəki 3G, 4G texnologiyaları tətbiq edilməyə başlayanda müxtəlif nağıllar danışılırdısa, indi də daha geniş imkanlara sahib 5G haqıqnda belə nağıllar dolaşır. Bu texnologiyalarından istifadə olunması ilə bağlı beynəlxalq təşkilatlar təfindən müəyyən qaydalar hazırlanır və ondan sonra tətbiq edilməyə başlanır. Ona görə də 5G-nin insan bədəninə hansısa ziyanından danışmaq hazırkı məqamda əsassızdır. Artıq 5G şəbəkələri dünyanın 20-25 ölkəsində aktiv şəkildə tətbiq edilir. Azərbaycanda isə 5G texnologiyasının sürətlə yayılma ehtimalı aşağıdır”.

Vahid Qasımovun geniş şərhinə audiofaylda qulaq asa bilərsiniz

114
Bakıda alternativ qaz xətləri yaradılır

Bakıda alternativ qaz xətləri yaradılır

0
Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb.

BAKI, 4 iyul — Sputnik. Bakı şəhərində bir sıra ərazilərdə mövcud qaz xətlərinə alternativ xətlərin çəkilməsinə diqqət ayrılıb.

"Azəriqaz" İstehsalat Birliyindən verilən məlumata görə, bu cür üsuldan istifadə etməklə müəyyən ərazilərdə hər hansı texniki problemlər aradan qaldırılarkən qaz təchizatının dayandırılmasını minimuma endirməyə çalışacaq.

Dairəvi sistem kimi çalışacaq bu xətlər qəza hadisələrinin təsirindən yaranan təchizatdakı dayandırmaların əhatə dairəsini azaldacaq. Hazırda Xəzər rayonu ərazisində 219 mm diametrində olan 5800 metr uzunluqda "Aşağı Şağan" qaz xəttinin 2500 metrlik hissəsi əsaslı təmir olunur. 2003-cü ildə istifadəyə verilən bu xətlə qaz alan Buzovna, Şağan, Şüvəlan və Mərdəkan qəsəbələrinin təqribən 19 min abonenti tez-tez təchizatdakı problemlərdən narahatlıqlarını ifadə edirdilər. Bu xəttin böyük bir hissəsi torpaq altında qalıb, dirəklərdən düşmüş vəziyyətdədir.

© Photo : AzeriGas Production Union
Bakıda alternativ qaz xətləri yaradılır

Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb. Onu da qeyd edək ki, haqqında danışılan qaz xətti Sabunçu rayonunda hər hansı səbəbdən qaz verilişində fasilə yaranarsa, alternativ xətt kimi istifadə ediləcək. Belə ki, fasilələr zamanı bu rayonda Bilgəh, Pirşağı və Kürdəxanı qəsəbələrinin təqribən 15 min abonentinin ehtiyaclarını "Aşağı Şağan" qaz xətti ilə ödəmək mümkün olacaq.

0