Yanğınsöndürmə nərdivanı, arxiv şəkli

Təqaüdçü qadının xətrinə dəydilər, iki adamı diri-diri yandırdı

35
(Yenilənib 16:37 08.09.2019)
Polis müəyyənləşdirib ki, hadisədən qabaq qadınla kişi tanış təqaüdçü qadınla birlikdə yeyib-içirmişlər

BAKI, 8 sentyabr — Sputnik. Moskvada iki insanın amansızlıqla öldürülməsində şübhəli bilinən təqaüdçü qadın həbs olunub.

Sputnik Azərbaycan RİA-Novosti-yə istinadən bildirir ki, məlumatı "Moskva" xəbər agentliyi yayıb.

Cümə günü paytaxtın xilasetmə xidmətindən hüquq-mühafizə orqanlarına Kaşirski şossesində yerləşən mənzildə yanğın başlaması barədə məlumat daxil olub. Yanğını söndürərkəm xilasedicilər bir qadınla kişinin meyitlərini tapıblar. Ölümün ilkin səbəbi kimi yanma məhsullarından zəhərlənmə əsas götürülüb.

Ekspertlər daha sonra təyin ediblər ki, yanğına səbəb bədbəxt hadisə deyil, qəsdən yandırma olub. Polis müəyyənləşdirib ki, yanğından qabaq qadınla kişi tanış təqaüdçü qadınla birlikdə yeyib-içirmişlər.

İlkin məlumatlara görə, sərxoş şəxslər arasında mübahisə düşüb. Təqaüdçü qadın içki yoldaşları yuxuya gedəndən sonra ədyalı yandıraraq evdən çıxıb. Onu artıq polis saxlayıb, istintaq davam edir.

35
Teqlər:
Moskva, qadın, təqaüdçü, yanğın, qətl