Lampa

Yarım milyon insan işıqsız qaldı

17
(Yenilənib 11:38 08.09.2019)
CTV-nin yaydığı kadrlarda güclü küləyin ağacları aşırdığı və evlərin damlarını uçurduğu görünüb. Halifaksda isə tikinti kranı aşıb

BAKI, 8 sentyabr — Sputnik. Kanadanın şərqində "Dorian" qasırğası tüğyan edir. Nyu-Braunsuik, Yeni Şotlandiya əyalətlərində və Şahzadə Eduard adasında 500 minədək abonent işıqsız qalıb.

Sputnik Azərbaycan bildirir ki, bu barədə məlumatı yerli CTV telekanalı yayıb.

Kanadanın CBC radioyayım korporasiyasının məlumatına görə, "Dorian" şənbə axşamı Halifaks liman şəhərinə yaxınlaşarkən gücü posttropik qasırğa həddinədək azalıb.

CTV-nin yaydığı kadrlarda güclü küləyin ağacları aşırdığı və evlərin damlarını uçurduğu görünüb. Halifaksda isə tikinti kranı aşıb. Xəsarət alanlar haqda hələlik məlumat yoxdur.

Telekanal bildirib ki, qasırğanın fəsadlarının aradan qaldırılmasında bazar günü 700-dək hərbçi iştirak edəcək.

"Dorian" sentyabrın 1-də Baham adalarına çatıb. Şimal hissədə yerləşən Abakonun infrastrukturuna ciddi ziyan vurub. Beynəlxalq Qırmızı Xaç və Qızıl Aypara Cəmiyyətləri Federasiyası (IFRC) bildirib ki, qasırğa nəticəsində 13 min ev dağılıb. 43 nəfər isə qasırğanın qurbanı olub.

17
Teqlər:
elektrik enerjisi, fəsad, Kanada, qasırğa
Əlaqədar
"Dorian" Trampın Polşa səfərini pozdu
"Dorian" ən yüksək həddə çatdı - VİDEO
"Dorian" ABŞ-ı vurdu, mindən çox aviareys təxirə düşdü
“Dorian” can almaqda davam edir – Qurbanların sayı qırxı keçdi
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

15
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

15
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

15
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

15