Borispol hava limanı, arxiv şəkli

Böyük mübadilə baş tutdu: Moskva Kiyev məhbusları qaytarırlar

33
Bu gün "RİA Novosti Ukrayna" portalının rəhbəri Kiril Vışinskinin də Moskvaya uçacağı bildirilib. Məlumatı "Rossiya Seqodnya" Beynəlxalq İnformasiya Agentliyinin baş direktoru Dmitri Kiselyov yayıb

BAKI, 7 sentyabr — Sputnik. Moskva və Kiyev arasında razılaşmaya əsasən azadlığa buraxılmış rusiyalıları daşıyan təyyarə Ukraynanın "Borispol" hava limanından qalxıb. Sputnik Azərbaycan xəbər verir ki, məlumatı "Strana.ua" nəşri yayıb.

"Təyyarə saat 10:06-da (Bakı vaxtı ilə saat 11:06-da – red.) "Borispol" hava limanından qalxıb" - xəbərdə bildirilir.

Razılaşmaya əsasən təyyarə 37 nəfəri Rusiyaya qaytaracaq.

Bundan başqa "Flightradar" saytı xəbər verir ki, ukraynalı məhbusları Rusiyadan daşıyan təyyarə artıq Kiyevdə eniş edib. "Strana.ua" saytının məlumatına görə, təyyarə rejissor Oleq Sentsovu və bir müddət öncə həbs olunmuş ukraynalı gəmiçiləri ölkələrinə qaytardığı güman edilir.

Qeyd edək ki, Ukrayna Prezidenti Vladimir Zelenski Moskva və Kiyevin məhbus mübadiləsi danışıqlarında adı çəkilən şəxsləri əfv edib. Bundan əvvəl isə Rusiya Prezidenti Vladimir Putin məhbusların azad edilməsinə dair məsələnin yaxın günlərdə həll olunacağını deyib.

Bu gün "RİA Novosti Ukrayna" portalının rəhbəri Kiril Vışinskinin də Moskvaya uçacağı bildirilib. Məlumatı "Rossiya Seqodnya" Beynəlxalq İnformasiya Agentliyinin baş direktoru Dmitri Kiselyov yayıb.

Xatırladaq ki, Ukrayna məhkəməsi avqustun sonlarında Kiril Vışinskini azadlığa buraxıb. Belə ki, ona qarşı irəli sürülmüş qətimkan tədbiri dəyişilərək, barəsində şəxsi zaminlik qətimkan tədbiri seçilib. Jurnalist birinci tələb əsasında məhkəməyə və ya müstəntiqin yanına gəlməlidir.

Kiril Vışinski 2018-ci il mayın 15-də saxlanılıb. O, Donbasın tanınmamış respublikalarını dəstəkləməkdə və dövlətə xəyanətdə günahlandırılır. Bu ittihamlarla bağlı olaraq jurnalist 15 il müddətində həbs edilə bilər.

Vışinski 400 gündən çox həbsdə olub. Ona qarşı irəli sürülən ittihamlarla bağlı məhkəmə hələ keçirilməyib. Jurnalist özü ittihamları rədd edib.

33
 Reanimasiyada COVİD-19 xəstəsi, arxiv şəkli

Ermənistanda koronavirusdan ölənlərin sayı 170-ə çatdı

7
(Yenilənib 12:44 03.06.2020)
Gürcüstanda isə daha 4 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 800-ə çatıb.

BAKI, 3 iyun — Sputnik. Ermənistanda koronavirusa yoluxanların sayı 10524-a çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, son 24 saat ərzində bu virusa yoluxanların sayı daha 515 nəfər artıb.

Ermənistanda son gündə daha 12 nəfər ölüb. Ümumilikdə bu virusdan ölənlərin sayı 170-ə çatıb. Xəstəlikdən sağalanların sayı 3454 olub. Hazırda bu ölkədə olan 6841 nəfər xəstəxanada müalicə alır.

Gürcüstanda isə daha 4 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 800-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 6,2 milyonu keçib, 375 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7
Vaşinqton küçələrində zirehli avtomobillər, arxiv şəkli

Özlərinə qənim kəsilənlər - Rusiya Çinin ABŞ-a edə bilmədiklərini Donald Tramp edir

149
(Yenilənib 12:16 03.06.2020)
O, vurğulayıb ki, hərbçilər "yüksək hərbi hazırlıq vəziyyətindədir", lakin ölkə rəhbərliyinə yardım etmir.

BAKI, 3 iyun — Sputnik. Qaradərili Corc Floydun ölümündən sonra baş qaldıran iğtişaşlarla bağlı 1,6 minə yaxın hərbçi paytaxt Vaşinqton ətrafına yerləşdirilib. Sputnik Azərbaycan "Reuters"-ə istinadən xəbər verir ki, bunu Pentaqonun rəsmi nümayəndəsi Conatan Hoffman bildirib.

"Həqiqi hərbi xidmət keçən hərbçilər Vaşinqtonun özündə yox, paytaxt regionun bazalarında yerləşdirilib", - deyə Hofman qeyd edib.

O, vurğulayıb ki, hərbçilər "yüksək hərbi hazırlıq vəziyyətindədir", lakin ölkə rəhbərliyinə yardım etmir.

Qeyd edək ki, ABŞ-ı sarsıdan iğtişaşlar dalğası Minneapolisdə afroamerikalı Corc Floydun polisin əli ilə öldürülməsindən sonra başlayıb.

Ümumilikdə, Los-Anceles, San-Fransisko, Beverli-Hills, Çikaqo, Orlando, Atlanta, Denver, Qərbi Hollivud və başqaları da daxil olmaqla Amerikanın 40-dan çox şəhəri öz ərazisində komendant saatı tətbiq edib.

Amerika Birləşmiş Ştatlarının Prezidenti Donald Tramp Demokrat Partiyasından olan qubernatorları və merləri vəziyyətin nizamlanması üçün Milli Qvardiyanı cəlb etməyə çağırıb.

149
Bakı məktəblərin birində, arxiv şəkli

Bu il Bakı məktəblərini bitirəcək şagirdlərin sayı açıqlandı

0
(Yenilənib 15:25 03.06.2020)
Bu göstərici nəzərdə tutulan şagird qəbulu proqnozunun təxminən 90 faizinə yaxındır. Bu barədə Bakı Şəhəri üzrə Təhsil İdarəsindən məlumat verilib.

BAKI, 3 iyun — Sputnik. "2019-2020-ci tədris ilində Bakı Şəhəri üzrə Təhsil İdarəsinin tabeliyindəki ümumi təhsil məktəblərinin IX siniflərini 30888, XI siniflərini isə 19736 nəfərin bitirməsi nəzərdə tutulur".

Sputnik Azərbaycan-a İdarədən verilən məlumatına görə, bu barədə Bakı Şəhəri üzrə Təhsil İdarəsindən məlumat verilib. İyunun 2-si saat 19:00-a olan məlumata əsasən, paytaxt məktəblərinin birinci sinfinə 43408 uşaq üçün elektron sistem (www.mektebeqebul.edu.az ) vasitəsilə müraciət edilib. Bu göstərici nəzərdə tutulan şagird qəbulu proqnozunun təxminən 90 faizinə yaxındır.

0