İranlı dövlət bayrağının şəklinin yanından keçir

Çin ABŞ sanksiyalarından uduzmamağın yolunu tapdı: görün İranda edəcək

59
(Yenilənib 23:07 06.09.2019)
Çin həmçinin İranın nəqliyyat infrastrukturunun modernləşdirilməsi üçün əlavə 120 milyard dollar yatırım edəcək

BAKI, 6 sentyabr — Sputnik. Çin İranın enerji sektoruna (neft, qaz və neft-kimya sənayesi) 280 milyard dollar sərmayə yatırmağı planlaşdırır.

Sputnik Azərbaycan bildirir ki, bu barədə Petroleum Economist jurnalı İranın Neft Nazirliyinə yaxın mənbələrə istinadən məlumat yayıb.

Sergey Lavrov, arxiv şəkli
© Sputnik / Kirill Kallinikov

Bildirilir ki, bu barədə razılaşma avqustun sonunda İranın Xarici İşlər naziri Məhəmməd Cavad Zərifin Pekinə səfəri zamanı əldə olunub. Bu, əslində İranla Çin arasında 2016-cı ildəki razılaşma ilə səsləşir: həmin dövrdə neft-qaz sahəsinə yatırımlar çinlilərin 400 milyard dollarlıq investisiya planlarının tərkibinə daxil edilmişdi.

Razılaşmanın şərtləri İrana qarşı ABŞ sanksiyalarının pozulması nəticəsində Çin şirkətləri üçün yarana biləcək neqativ nəticələri minimuma endirməyə hesablanmış bir neçə maddəni də ehtiva edir. Məsələn, neftə görə ödəniş dollarla deyil, keçmiş sovet ölkələri və Afrikadakı biznesdən qazanılmış yuanla olacaq. Çin nefti, qazı və  neft-kimya məhsullarını zəmanətli 12% güzəştlə alacaq, üstəlik, ödənişin həyata keçirilməsi üçün 2 il möhlət hüququna malik olacaq. Həmçinin Çin İranda yeni və yenilənmiş neft-qaz və neft-kimya layihələrində üstün satınalma hüququ əldə edəcək. Çin şirkətləri cənub qonşumuzun ərazisində öz sərmayələrinin qorunması üçün 5 min nəfərədək təhlükəsizlik xidməti əməkdaşı, eləcə də neft tədarükü xətlərinin, o cümlədən Fars körfəzindəki istiqamətdə, təhlükəsizliyinin təmini üçün əlavə əməkdaşları yerləşdirə biləcək.   

Çin həmçinin İranın nəqliyyat infrastrukturunun modernləşdirilməsi üçün əlavə 120 milyard dollar yatırım edəcək.

59
Teqlər:
sanksiya, dollar, yuan, neft-kimya, qaz, neft, İran, ABŞ, Çin
Əlaqədar
Makronun milyardları ABŞ-ın İrana qarşı təzyiq strategiyasını poza bilər
ABŞ kosmosda müharibəyə hazırlaşır – Rusiya, İran...
"Bizim problemimiz Çin deyil" - Tramp
ABŞ dövlət qurumlarına Çin məhsullarından istifadəni qadağan edib
Zindanla çəkicin ortasında: Amerika və Çin arasında seçim ediləcək
Lady Qaqa

Ledi Qaqa büsbütün dəyişdi

12
(Yenilənib 22:51 26.02.2021)
35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

BAKI, 26 fevral — Sputnik. Albomları və "A Star Is Born" filmindəki aktrisalıq qabiliyyəti ilə müzakirələrə səbəb olan Ledi Qaqa xarici görünüşündə dəyişiklik edib.

Sputnik Azərbaycan xarici mətbuata istinadən bildirir ki, 35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

Hazırda film çəkillişlərində iştirak edən Ledi geyim tərzini və saç rəngini dəyişib. O, bunu rol aldığı ekran işi üçün edib.

Qeyd edək ki, Qaqa "Gucci" adlı ekran əsərində çəkilir.

12
Oskar mükafatı

Srebrenitsa soyqırımından bəhs edən film "Oscar"a namizəddir - VİDEO

6
"Hara gedirsən, Aida?" filmi nüfuzlu "Venesiya" və "Toronto" film Festivalı da daxil olmaqla, bir çox film festivallarında mükafat qazanıb

BAKI, 26 fevral — Sputnik. Bosniyalı rejissor Jasmila Jbanicin Türkiyənin TRT yayımçısı və TRT ilə əməkdaşlığı ilə lentə alınan, Srebrenitsa soyqırımından bəhs edən "Hara gedirsən, Aida?" ("Quo Vadis, Aida?") adlı filmi "Ən yaxşı xarici film" nominasiyasında "Oscar" mükafatına namizəd olub.

Sputnik Azərbaycan "TRT Russian"-a istinadən xəbər verir ki, filmdəki hadisələr Srebrenitsa şəhərindəki BMT bazasında, qadınlar və uşaqlar da daxil olmaqla minlərlə Bosniyalının Serbiya ordusu tərəfindən öldürüldüyü yerlərdə lentə alınıb. Sarayevoda anadan olan Jbanic, Bosniya müharibəsinin izlərini, o günlərin şahidlərinin dilindən təsvir edib. "Hara gedirsən, Aida?" filmi nüfuzlu "Venesiya" və "Toronto" film Festivalı da daxil olmaqla, bir çox film festivallarında mükafat qazanıb.

Qeyd edək ki, Srebrenitsa soyqırımı 1995-ci ilin iyulunda, keçmiş Yuqoslaviyada baş verib. Bu soyqırımı zamanı Serb ordusu ən azı 8300 bosniyalı müsəlmanı Srebrenitsa şəhərində qətlə yetirib.

6
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0