ABŞ prezidenti Donald Tramp, arxiv şəkli

Senator: Tramp büdcədən pul oğurlayaraq divar tikintisinə xərcləyib

15
(Yenilənib 20:20 06.09.2019)
"Tramp artıq iki dəfə Rusiyaya NATO və transatlantik əlaqələri sarsıtmağa kömək edib"

BAKI, 6 sentyabr — Sputnik. ABŞ Prezidenti Donald Tramp hərbi və siyasi baxımdan Rusiyanın qarşısının alınması üçün nəzərdə tutulmuş büdcədən götürdüyü 800 milyon dollara yaxın pulu Meksika ilə sərhəddə divarın tikintisinə xərcləyib.

Sputnik Azərbaycan RİA Novosti-yə istinadən xəbər verir ki, bunu demokratların Senatdakı lideri Çak Şumer bəyan edib.

"Ştatların iqtisadiyyatından və bütün ölkə üzrə yerli iqtisadiyyatdan oğurlanmış vəsaitə əlavə olaraq, Prezident Tramp Avropa Müdafiə Təşəbbüsündən 771 milyon dollar götürür. Bu proqram silahlı qüvvələrimizin komandanlığının tələbinə əsasən elə qurulub ki, Rusiyanın Avropada təcavüzünə reaksiya verməyə imkan yaradır", - Şumer yaydığı bəyanatında deyib.

O, həmçinin Trampın Ukraynaya hərbi yardım məsələsində "yavaş irəlilədiyini" bildirib. Şumer iddia edir ki, Tramp beləliklə, Rusiya Prezidenti Vladimir Putinə artıq iki dəfə "NATO və transatlantik əlaqələri sarsıtmağa" kömək edib.

"Prezident Tramp yenə Vladimir Putini Amerika xalqının və müttəfiqlərinin təhlükəsizliyindən üstün tutur. Prezidentin siyasi motivlərə əsaslanan özünüreklam layihəsini irəlilətmək məqsədilə sadiq avropalı müttəfiqlərimizi Rusiyanın təcavüzünə qarşı qüvvətləndirməyə yönəlmiş maliyyə vəsaitini ixtisar etməsi biabırçılıqdır, səhvdir və bu, milli təhlükəsizliyimizi zəiflədir", - Şumer əlavə edib.

"İki həftə ərzində hazırkı prezidentin Amerikanın rəqibi olan Vladimir Putinə iki qələbə qazandırması qıcıqlandırır və hiddətləndirir", - Şumer əlavə edib.

O, həmçinin Rusiyanı ABŞ-da keçiriləcək seçkilərə müdaxilə etməyə hazırlaşmaqda günahlandırıb.

Bir müddət öncə, Tramp Meksika ilə sərhəddə divarın tikilməsi üçün büdcədən təxminən 3,6 milyard dollar götürəcəyini bəyan edib. Bunu etmək üçün isə Tramp sərhəddə fövqəladə hal elan edib. Belə ki, fövqəladə hal elan edilməsi Konqres tərəfindən başqa məqsədlər üçün ayrılmış vəsaiti divarın tikilməsinə yönəltməyə imkan verir.

15
Teqlər:
divar, Meksika, senator, Senat, Rusiya, ABŞ
Əlaqədar
Məsləhətçisi Trampın sərsəm iddiada olduğunu təsdiq edib
"Söz verdim ki, Qrenlandiyaya bunu etməyəcəm" - Tramp
Trampdan Rusiya ilə bağlı gözlənilməz qərar
"Dorian" Trampın Polşa səfərini pozdu
Trampın yeni tələbi: Pekin imperatorların borclarını ödəməlidir
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

13
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

13
Teqlər:
partiya, Rusiya, Vladimir Jirinovski

Dmanisidəki hadisəni etnik qruplar arasında münaqişəyə çevirmək cəhdləri təəssüf doğurur

4
(Yenilənib 00:01 18.05.2021)
Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

BAKI, 17 may - Sputnik. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Gürcüstanın Dmanisi rayonunda azərbaycanlı sahibkara məxsus mağazanın qarşısında həmin şəxsə, eləcə də digər azərbaycanlı gənclərə hücum edilməsi nəticəsində baş vermiş kütləvi dava ilə bağlı Gürcüstanın Xalq Müdafiəçisi Nino Lomcariyaya müraciət edib.

Sputnik Azərbaycan-ın məlumatına görə, Azərbaycan Ombudsmanı hadisəni etnik qruplar arasında münaqişəyə çevirmək cəhdlərinin təəssüf və narahatlıq doğurduğunu bildirib. Azərbaycan və Gürcüstanın strateji tərəfdaş olduğunu qeyd edən Ombudsman müvafiq orqanlar tərəfindən məsələnin araşdırılması üçün zəruri tədbirlər görüləcəyinə inamını ifadə edib.

Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

Qeyd edək ki, 16 may 2021-ci il tarixində, saat 17.00 radələrində Gürcüstanın Dmanisi rayonunun "9 aprel" küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb. İnsident iştirakçılarından 8 nəfəri Gürcüstanın hüquq mühafizə orqanları tərəfindən saxlanılıb.

Məsələni bir neçə qurum nəzarətdə saxlayır.

Eləcə də oxuyun:

* Dmanisidə 8 nəfər saxlanıldı, Azərbaycan səfirliyi bəyanat yaydı

* Nazir: "Azərbaycanlılar gürcülərin qardaşlarıdır, qarşıdurmaya imkan verməyəcəyik"

* Gürcüstanda svanlar azərbaycanlılara hücum etdilər, dava düşdü - VİDEO

 

4
Teqlər:
insident, Gürcüstan, Azərbaycan, ombudsman