Fast food arxiv şəkli

"Fast food" yeyən gənc kor kar qaldı

1375
(Yenilənib 20:55 03.09.2019)
Gənci müayinə edən həkimlər onda optik neyropatiya adlı xəstəliyi aşkar ediblər

BAKI, 4 sentyabr — Sputnik. Son 10 il ərzində spesifik dietaya riayət edən yeniyetmə görmə qabiliyyətini itirib.

Sputnik Azərbaycan "Independent" nəşrinə istinadən xəbər verir ki, hadisə Böyük Britaniyada baş verib.

Qeyd edilir ki, yeddi yaşında olarkən britaniyalı gəncdə "selektiv qida qəbulu" adlı sindrom aşkar edilib. Bu sindromdan əziyyət çəkən insanlar adətən müəyyən yeməkləri və ya məhsulları yeməkdən çəkinirlər. Britaniyalı gənc bu sindrom səbəbindən uzun illər boyu tərəvəz və meyvə yeməkdən qaçıb və təkcə çipslər, kolbasa məmulatları və ağ çörək yeyib.

Nəticədə 15 yaşı olarkən gəncin görmə və eşitmə qabiliyyəti ilə bağlı problemləri yaranıb. Onu müayinə edən həkimlər onda optik neyropatiya adlı xəstəliyi aşkar ediblər.

İki il sonra isə, artıq 17 yaşı olanda gənc görmə qabiliyyətini tamamilə itirib.

Qəzetin verdiyi məlumata görə, sağlamlıq vəziyyətinin pisləşməsinə baxmayaraq, gənc dietasını dəyişə bilməyib. Lakin hazırda o, həkimlərin nəzarəti altındadır və yeməklə birlikdə vitaminlər və minerallar qəbul edir.

1375
Teqlər:
kor, kar, pəhriz, xəstəlik, uşaq, fast-food
Əlaqədar
Yemək, günəş, dəniz... Bakıda orqanik məhsullar festivalı keçirilir
Avropadan milyonlar qazanmağın yolu - Bircə emalını qura bilsək...
Peçenye 24 yaşlı qadını öldürdü
Tapança, arxiv şəkli

Tanınmış repçini güllələyib öldürdülər

4
(Yenilənib 00:13 13.07.2020)
Hüquq mühafizə orqanlarından verilən məlumata görə, onlar yol nəqliyyat hadisəsi barədə məlumat alıblar. Hadisə yerinə gələn polislər orada 30 yaşlı reperin meyitini görüblər

BAKI, 13 iyul — Sputnik. Tanınmış repçi Lil Marlo ABŞ-ın Atlanta şəhərində güllələnərək qətlə yetirlib.

Sputnik Azərbaycan bildirir ki, bu barədə polisə istinadla TMZ yazıb.

Hüquq mühafizə orqanlarından verilən məlumata görə, onlar yol nəqliyyat hadisəsi barədə məlumat alıblar. Hadisə yerinə gələn polislər orada 30 yaşlı reperin meyitini görüblər.

Посмотреть эту публикацию в Instagram

Thanks For Making Me Y’all Father I Wouldn’t Trade Y’all For Da World 🌎 #kemora #Rihanna #Marlo #Rudy Da Johnson Family

Публикация от 1st & 3rd Out Now ‼️ (@lilmarlo_1)

İstintaq hesab edir ki, musiqiçiyə o, sükan arxasında olarkən hücum edilib. Polis hadisənin təfərrüatını araşdırır.

 

4
Almaniyada polis, arxiv şəkli

Ox-yayla silahlanmış kişi dörd polisi tapançasız qoydu

7
Polisdən bildirilib ki, axtarılan 31 yaşlı İv Rauşun daimi yaşayış yeri yoxdur, əvvəllər isə qanunsuz silah saxladığına görə bir neçə dəfə polis bölməsinə gətirilib

BAKI, 12 iyul — Sputnik. Almaniyada bu gün qəribə hadisə yaşanıb. Günün ikinci yarısında Oppenau şəhərində polis geniş əməliyyatına başlayıb.

Sputnik Azərbaycan Baden Online-a istinadən bildirir ki, 100-dən çox polis və bir neçə patrul maşını 31 yaşlı kişini axtarırlar. Üç polis helikopteri də axtarışa cəlb edilib.

Məlum olub ki, yerli vaxtla 9:30-da dörd polis nəfəri meşədəki daxmada ox-yayla silahlanmış adam görüb. O, əvvəlcə özünü adekvat aparırmış, sonra isə qəfildən tapança çıxararaq polislərə doğru yönəldib. Polislər qəfil hərəkətdən çaşıblar, kişi isə onların hamısının silahlarını alaraq meşəyə qaçıb.

​Mittelbadische Press nəşri yazıb ki, şübhəli şəxs meşədə yaşayır. Polisdən bildirilib ki, axtarılan 31 yaşlı İv Rauşun daimi yaşayış yeri yoxdur, əvvəllər isə qanunsuz silah saxladığına görə bir neçə dəfə polis bölməsinə gətirilib.

​Axtarışlarda istilik kamerasının da istifadə olunmasına rəğmən şübhəli hələ də tutulmayıb.

 

7
Minaatandan atəş, arxiv şəkli

Tovuzda vəziyyət yenidən gərginləşdi

18
(Yenilənib 00:19 13.07.2020)
Ermənistan silahlı qüvvələri Azərbaycan Ordusunun mövqelərini yenidən artilleriya atəşinə tutub. Azərbaycan Ordusu adekvat cavab tədbirləri həyata keçirir

BAKI, 12 iyul — Sputnik. Azərbaycan-Ermənistan dövlət sərhədinin Tovuz istiqamətində vəziyyət yenidən gərginləşib.

Sputnik Azərbaycan bildirir ki, bu barədə Müdafiə Nazirliyinin Mətbuat Xidmətindən verilən məlumatda deyilir.

Qeyd olunur ki, Ermənistan silahlı qüvvələri Azərbaycan Ordusunun mövqelərini yenidən artilleriya atəşinə tutub. Azərbaycan Ordusu adekvat cavab tədbirləri həyata keçirir.

Xatırladaq ki, iyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olublar.

Həkimlərimizin səyinə baxmayaraq ağır yaralanan hərbi qulluqçumuz əsgər Daşdəmirov Xəyyam Məhəmməd oğlu da şəhid olub.

18
Əlaqədar
Tovuz istiqamətində döyüş gedir: hər iki tərəfdən itki var
İtki verən Ermənistan ordusu geri oturdulub
Ermənistan mətbuatının iddialarına Azərbaycan Müdafiə Nazirliyindən cavab
"Ermənistan üçüncü ölkələri Ermənistan-Azərbaycan münaqişəsinə cəlb etməyə çalışır"
Müdafiə Nazirliyi Tovuzda şəhid olan hərbçilərimizin adlarını açıqladı