Fransa prezidenti Emmanuel Makron

Prezidentlərin arvad davası - yanğın bəhanə imiş

73
(Yenilənib 00:53 27.08.2019)
"Braziliyalılara çox hörmət etdiyimdən ümid edirəm ki, onların özünü normal aparmağa qadir prezidentləri olacaq", - Makron

BAKI, 27 avqust — Sputnik. Fransa Prezidenti Emmanuel Makron braziliyalı həmkarı Jair Bolsonarunun xanımı Bricit Makron haqqında işlətdiyi kinayəli ifadəyə reaksiya verib. Makron qeyd edib ki, Braziliya rəhbəri öz hərəkətinə görə utanmalıdır.

RİA-Novosti-nin məlumatına görə, bu barədə Fransa Prezidenti Biarritsdə mətbuat konfransında deyib.

Hər şey Facebook istifadəçisi Rodriqo Andreasın öz səhifəsində Amazon meşələrindəki yanğınla bağlı mübahisəsinə aid yazı yerləşdirməsindən sonra başlayıb.

Şəkillərin birində Bolsonaru özünün 37 yaşlı xanımı ilə, digərində isə Makron və 66 yaşlı Bricit olub.

"İndi siz bilirsiniz niyə Makron Bolsonarunu qarabaqara izləyir", - Andreas şəkillərə qeyd yazıb.

Şəklə birinci elə Bolsonaru özü şərh verib: "Adamı aşağılama. Lol".

Bu yazışmaya isə Makron: "Bunlar çox kədərlidir", - deyə reaksiya verib. Fransa Prezidenti qeyd edib ki, öz liderinin bu hərəkətinə görə, çox güman ki, Braziliya xalqı utanır.

"Braziliyalılara çox hörmət etdiyimdən ümid edirəm ki, onların özünü normal aparmağa qadir prezidentləri olacaq", - Makron deyib.

Biarritsdəki G7 sammitindən öncə Makron Braziliyadakı şəraitə diqqət çəkib. Amazon çayı sahillərində meşələrin yanmasından danışan Makron qeyd edib ki, bu, beynəlxalq miqyaslı böhrandır.

​Ancaq Braziliyanın Prezidenti Makronun bu humanist jestindən hiddətlənib: Bolsonarunu qıcıqlandıran Makronun onunla məsləhətləşməməsi və danışıqlara dəvət etməməsi olub.

​Bolsonaru özünün Twitter hesabından bəyan edib ki, Braziliyanın daxili problemini Makron öz məqsədləri üçün istifadə etməyə çalışır.

73
Teqlər:
G7 sammiti, yanğın, Amazon, Braziliya, Fransa prezidenti Emmanuel Makron
Əlaqədar
Rəsmi olaraq başlandı: "Böyük yeddilik" dünyanı müzakirə edir
Dünyanın dərdləri bir vərəqə sığışdı
Fransada polis etirazçıları "çimizdirdi": binaların birinci mərtəbələri sökülür - VİDEO
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

20
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

20
Ramil Quliyev

Dünya çempionu da "Qarabağ Azərbaycandır!" dedi

31
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

31
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0