İmza, arxiv şəkli

Dünyanın dərdləri bir vərəqə sığışdı

85
(Yenilənib 22:53 26.08.2019)
G7 liderlərinin bəyanatı ticarət məsələləri, İranın nüvə proqramı, eləcə də Ukrayna, İran, Liviya və Honkonq ətrafındakı məsələləri əhatə edir

BAKI, 26 avqust — Sputnik. Fransanın Biarrits şəhərində keçirilən "Böyük yeddiliy"in yekun bəyanatı bir vərəqə sığışıb.

Birləşmiş Ştatlar prezidenti Donald Tramp
© REUTERS / JONATHAN ERNST

Sputnik Azərbaycan RİA-Novosti-yə istinadən bildirir ki, bəyanat ticarət məsələləri, İranın nüvə proqramı, eləcə də Ukrayna, İran, Liviya və Honkonq ətrafındakı məsələləri əhatə edir.

"Ölkələrin liderləri öz birliklərini və danışıqların pozitiv ruhunu qeyd etmək istəyirlər. Fransanın Biarrits şəhərində təşkil etdiyi G7 sammiti ölkə və hökumət rəhbərlərinə burada qısaca sadalanan bir çox bəndlər üzrə razılığa gəlməyə imkan verdi", - bəyanatın əvvəlində deyilir.

Siyahıda birinci maddə ticarət məsələlərinə aiddir. ""Böyük yeddilik" açıq və ədalətli beynəlxalq ticarət prinsiplərinə, eləcə də dünya iqtisadiyyatının stabilliyinə sadiqdir", - sənəddə bildirilir. Burada G7 ölkələrinin bəzi sahələrdə daha effektiv nəticələrə nail olmaq üçün Ümumdünya Ticarət Təşkilatını dəyişmək niyyəti əks olunur.

İranın nüvə proqramı siyahıda ikincidir.

"Biz iki məqsəddə qətiyik: İranın nüvə silahı əldə etməsinə imkan verməmək, eləcə də regionda sülh və sabitliyi saxlamaq", - G7 üzvləri bildiriblər. 

Üçüncü yerdə Ukrayna məsələsi qərarlaşıb. Burada qeyd olunur ki, Fransa ilə Almaniya yaxın həftələrdə "Normand formatı"nda görüş təşkil etmək fikrindədirlər.

Liviya məsələsinə gəlincə, G7 liderləri bu ölkədə davamlı atəşkəs rejimini sağlayacaq sülhün lehinədirlər. "Hesab edirik ki, yalnız siyasi həll Liviyada sabitliyə təminat verə bilər", - sənəddə qeyd edilir. Bildirilir ki, liderlər "bütün tərəflərin və regional aktorların iştirak edəcəyi yaxşı hazırlanmış beynəlxalq konfrans gözləyirlər.

Makron: “G7 ölkələri İranla müharibə istəmir”>>

Bəyanatın sonuncu bəndi Hinkonq hadisələrinə həsr edilib. Yekun bəyanatın müəllifləri güc tətbiq edilməsindən çəkindirərək 1984-cü ildə Böyük Britaniya ilə Çin arasında əldə olunmuş bəyannamənin vacibliyini vurğulayıblar.

"Böyük yeddiliy"in sammiti ötən şənbə Biarritsdə başlayıb və bazar ertəsi yekunlaşır.

85
Teqlər:
bəyannamə, G7 sammiti, Donald Tramp, ÜTT, Honkonq, Liviya, İran, Ukrayna, ticarət, dünya
Əlaqədar
Fransada polis etirazçıları "çimizdirdi": binaların birinci mərtəbələri sökülür - VİDEO
Tramp Makronla nahardan sonra vədlər verdi
Rəsmi olaraq başlandı: "Böyük yeddilik" dünyanı müzakirə edir
Rusiyaya “G8” lazımdırmı? Ekspertlər cavab verirlər
Tramp "G7" liderləri ilə mübahisə etdi – Rusiyaya görə
İlham Əliyev və Rəcəb Tayyib Ərdoğan, arxiv şəkli

İlham Əliyev Ərdoğana zəng etdi

6
(Yenilənib 19:21 26.02.2021)
Dövlətimizin başçısı Prezident Rəcəb Tayyib Ərdoğanı ad günü münasibətilə təbrik edib, dost və qardaş Türkiyənin inkişafı və firavanlığı naminə ona fəaliyyətində uğurlar və möhkəm cansağlığı arzulayıb.

 

BAKI, 26 fevral — Sputnik. Azərbaycan Respublikasının Prezidenti İlham Əliyev fevralın 26-da Türkiyə Respublikasının Prezidenti Rəcəb Tayyib Ərdoğana telefonla zəng edib.

Sputnik Azərbaycan xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Dövlətimizin başçısı Prezident Rəcəb Tayyib Ərdoğanı ad günü münasibətilə təbrik edib, dost və qardaş Türkiyənin inkişafı və firavanlığı naminə ona fəaliyyətində uğurlar və möhkəm cansağlığı arzulayıb.

Türkiyə Prezidenti göstərilən diqqətə və təbrikə görə Prezident İlham Əliyevə təşəkkür edib.

Prezident Rəcəb Tayyib Ərdoğan Xocalı soyqırımı ilə əlaqədar dövlətimizin başçısına və Azərbaycan xalqına başsağlığı verib.

Azərbaycan Prezidenti başsağlığına görə minnətdarlığını bildirib.

Dövlət başçıları Azərbaycan-Türkiyə münasibətlərinin bundan sonra da bütün sahələrdə uğurla inkişaf edəcəyinə və möhkəmlənəcəyinə əminlik ifadə edib, əlaqələrimizin gələcək perspektivləri ətrafında fikir mübadiləsi aparıblar.

6
Armen Sarkisyan, arxiv şəkli

Ermənistan prezidenti Paşinyana qarşı çıxdı Qarşıdurmanın yeni mərhələsi başlayır

9
(Yenilənib 19:11 26.02.2021)
Fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib.

BAKI, 26 fevral — Sputnik. Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib. Bu barədə Sputnik Azərbaycan Rusiya KİV-nə istinadən xəbər verir.

Jurnalistlərin əldə etdiyi məlumata görə, bu müxalifət nümayəndələrinin Sarkisyanla görüşündən sonra məlum olub.

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

9
Yas çadırı

Yas toy mərasimlərinin bərpası ilə bağlı addımlar atılır - Rəsmi

0
(Yenilənib 20:20 26.02.2021)
"Həmin qurum bununla bağlı tibb mütəxəssislərinin pandemiya ilə bağlı yaranmış vəziyyətə dair qiymətləndirməsini nəzərə alaraq qərarlar qəbul edəcək"

BAKI, 26 fevral — Sputnik. Dini mərasimlər və toyların təşkilinin bərpası ilə bağlı müvafiq addımlar atılacaq. Sputnik Azərbaycan-ın məlumatına görə, bunu jurnalistlərə açıqlamasındə Dini Qurumlarla iş üzrə Dövlət Komitəsinin sədri Mübariz Qurbanlı deyib.

O bildirib ki, toy və yas mərasimlərinin keçirilməsinə icazə verilməsi operativ qərargahən səlahiyyətindədir: "Həmin qurum bununla bağlı tibb mütəxəssislərinin pandemiya ilə bağlı yaranmış vəziyyətə dair qiymətləndirməsini nəzərə alaraq qərarlar qəbul edəcək".

0