Fransa Prezidenti Emmanuel Makron və ABŞ lideri Donald Tramp

Rəsmi olaraq başlandı: "Böyük yeddilik" dünyanı müzakirə edir

65
Sammitdən bir neçə saat öncə Makron fransızlara müraciət edərək iri dünyəvi böhranları, xüsusilə də İran, Suriya, Liviya, Ukrayna ətrafındakı məsələləri müzakirə etməyə çalışacaqlarını deyib

BAKI, 24 avqust — Sputnik. "Böyük yeddiliy"in sammiti rəsmi olaraq başlandı.

Sputnik Azərbaycan RİA Novosti-yə istinadən bildirir ki, Fransanın cənubundakı Biarritz şəhərində gələn qonaqları Prezident Emmanuel Makron və xanımı Brijit qarşılayırlar.

Hamıdan öncə Avropa İttifaqı Şurasının sədri Donald Tusk, ardınca istefaya çıxsa da, ölkəsini sammitdə təmsil edən İtaliyanın baş naziri Cuzeppe Konte gəliblər. 

Britaniya hökumətinin rəhbəri Boris Conson, Kanadanın Baş Naziri Castin Trüdo və yaponiyalı həmkarı Sindzo Abe də gecikməyiblər. Sonda isə Almaniya Kansleri Angela Merkel və ABŞ Prezidenti Donald Tramp xanımı Melaniya ilə təşrif buyurublar.

Makron onların hər biri ilə birgə foto çəkdirərək qısa hal-əhval tutub.

Rəsmi proqrama görə, G7 liderləri birgə şam edəcəklər.

Rəsmi açılışa qədər Makron Tramp və Merkellə görüşməyə imkan tapıb. Sammitdən bir neçə saat öncə Makron fransızlara müraciət edərək iri dünyəvi böhranları, xüsusilə də İran, Suriya, Liviya, Ukrayna ətrafındakı məsələləri müzakirə edəcəklərini, ticarət müharibələrindən çəkinməyə çalışacaqlarını, iqlim məsələlərinə, o cümlədən Amazon meşələrindəki yanğına diqqət çəkəcəklərini bildirib.

65
Teqlər:
Boris Conson, Sindzo Abe, Donald Tusk, Angela Merkel, Castin Trudo, Donald Tramp, Emmanuel Makron, Fransa, G7 sammiti
Əlaqədar
“Böyük Yeddiliy”in toplantısından hansı gözləntilər var - politoloq şərhi
G7-nin hədəfindəki İran - politoloq sammitdən gözləntilərini açıqladı
Makron Avropa əməkdaşlığını diriltmək üçün təşəbbüs göstərir - ekspert
Tramp Makronla nahardan sonra vədlər verdi
Robert Koçaryan, arxiv şəkli

Vəziyyətləri qəlizdir - Bütün keçmiş prezidentləri görüşürlər

76
Ötən gün Saakyan və Qukasyan Ermənistanın Baş naziri Nikol Paşinyan və Ermənistanın birinci prezidenti Levon Ter-Petrosyanla görüş keçirib.

BAKI, 21 oktyabr — Sputnik. Ermənistanın ikinci prezidenti Rober Koçaryan Azərbaycanın işğal altında olan torpaqlarında qurulan separatçı "rejim"in "sabiq liderləri" Bako Saakyan və Arkadi Qukasyanla görüşüb. Sputnik Ermənistan xəbər verir ki, görüşdə Ermənistanın sabiq prezidenti Serj Sarqsyan da iştirak edib.

Qeyd olunur ki, görüş Saakyan və Qukasyanın təşəbbüsü ilə baş tutub. Görüşün mövzusu Qarabağdakı vəziyyət olub.

Xatırladaq ki, ötən gün Saakyan və Qukasyan Ermənistanın Baş naziri Nikol Paşinyan və Ermənistanın birinci prezidenti Levon Ter-Petrosyanla görüş keçirib.

76
Mövzu:
Azərbaycan və Ermənistan arasında müharibə
Ermənistanın xarici işlər naziri Zöhrab Mnatsakanyan, arxiv şəkli

Ermənistan xarici işlər naziri yenə Moskvaya gedib - son on gündə üçüncü dəfə

50
Ermənistan xarici işlər naziri Zöhrab Mnatsakanyan son 10 gündə Moskvaya 3-cü səfərini edib. İlkin ehtimallara görə, söhbət Azərbaycan və Ermənistan liderləri İlham Əliyev və Nikol Paşinyanın görüşünə hazırlıq məqsədi daşıyır. 

BAKI, 21 oktyabr - Sputnik. Ermənistan xarici işlər naziri Zöhrab Mnatsakanyan Rusiyaya qısamüddətli işgüzar səfərə gedib.

Sputnik Ermənistan xəbər verir ki, bu barədə Ermənistan XİN-in mətbuat katibi Anna Naqdalyan bildirib.

Onun sözlərinə görə, hazırda Zöhrab Mnatsakanyan Rusiyanın paytaxtı Moskva şəhərindədir.

Səfərin məqsədinin detalları barədə məlumat verilmir. Lakin ilkin ehtimallara görə, söhbət Azərbaycan və Ermənistan liderləri İlham Əliyev və Nikol Paşinyanın görüşünə hazırlıq məqsədi daşıyır. 

Bu, son 10 gün ərzində Mnasakanyanın Moskvaya 3-cü səfəridir. 

Qeyd edək ki, Zöhrab Mnatsakanyan ABŞ dövlət katibi Maykl Pompeo ilə görüşmək üçün oktyabrın 23-də Vaşinqtonda olacaq.

50
Su-34 təyyarəsi, arxiv şəkli

Rusiyada qırıcı qəzaya uğradı

0
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

0