İllüminator, arxiv şəkli

Sərnişin başı ilə illüminatoru sındırmaq istədi, təyyarə məcburi eniş etdi

39
(Yenilənib 19:15 20.08.2019)
O, uçuş zamanı ictimai asayişi pozub, özünü aqressiv aparıb, ekipaj üzvlərinin iradlarına kobud şəkildə və ədəbsiz sözlərdən istifadə edərək cavab verib

BAKI, 20 avqust — Sputnik. Təl-Əvivdən Sankt-Peterburqa uçan təyyarə Krasnodarda məcburi eniş edib. Sputnik Azərbaycan RİA Novosti-yə istinadən xəbər verir ki, buna səbəb sərnişinlərdən birinin başı ilə illüminatoru sındırmaq cəhdi olub.

Rusiya Daxili İşlər Nazirliyinin rəsmisi İrina Volk deyib ki, sərnişin "uçuş zamanı ictimai asayişi pozub: o, özünü aqressiv aparıb, ekipaj üzvlərinin iradlarına kobud şəkildə və ədəbsiz sözlərdən istifadə edərək cavab verib, eləcə də başı ilə illüminatoru sındırmağa çalışıb".

Hadisəni törətmiş sərnişin saxlanılıb. Onun Leninqrad vilayətində yerləşən Kirovsk şəhərinin 32 yaşlı sakini olduğu bildirilir.

Sərnişinin 5 sutkalıq həbs olunduğu və ona qarşı cinayət işinin açıldığı bildirilir.

39
Teqlər:
hava limanı, Rusiya, eniş, sərnişin, təyyarə
Əlaqədar
AZAL-ın təyyarəsində problem yarandı, uçuş 12 saat ləngidi
Qağayılar sərnişin təyyarəsini "oturtdu" - təfərrüatlar
Tamer Karadağlı, arxiv şəkli

“Çocuklar duymasın”ın Haluku: “Azərbaycan üçün könüllü əsgərliyə gedərdim

164
"Bir millət, iki dövlətik. Əgər elə düşünürüksə, onun üçün gərəkli olanları da yerinə yetirməliyik" - Tamer Karadağlı

BAKI, 8 avqust — Sputnik. Azərbaycan əsilli məşhur türkiyəli aktyor Tamer Karadağlı maraqlı açıqlamalar verib. Karadağlı “Jülide Ateşle 40” verilişində qonaq olarkən Azərbaycanla bağlı maraqlı sualları da cavablandırıb.

“Azərbaycan mədəniyyəti üçün darıxırsınızmı?” sualına məşhur aktyor belə cavab verib:

“Xeyr, darıxmıram, çünki o mədəniyyəti yaşayıram. Bütün ailəmiz o mədəniyyəti yaşayırdı. Evimizdə həmişə Azərbaycan yeməkləri hazırlanırdı, xalalarım, əmilərim Azərbaycandaymış kimi danışırdılar. Hər nə qədər Azərbaycan əsilli olsam da, ilk dəfə iki il əvvəl getdim oraya və yeməkləri, insanları, danışıqları o qədər yaxın gəlmişdi ki mənə, izah edə bilmirəm”.

Aparıcının “Azərbaycan üçün könüllü əsgərliyə gedərsinizmi?” sualına cavab isə daha maraqlı olub: “Məni bu yaşdan sonra almazlar, amma əgər ehtiyac olsa, çağırsalar, niyə də olmasın? Bir millət, iki dövlətik. Əgər elə düşünürüksə, onun üçün gərəkli olanları da yerinə yetirməliyik”.

Qeyd edək ki, 53 yaşlı aktyor “Bir tutam baharat”, “Memlekette Demokrasi Var”,  “Şans Kapıyı Kırınca”, “Pamuk prens” və s. filmlərində rol alıb. Serial sahəsində daha çox tanınan Karadağlı Türkiyənin ən məşhur “Acayib hikayeler”,  “Doktorlar”, ”Fedai”, “Ah kalbim” və s. seriallarına çəkilib. Azərbaycan tamaşaçısı isə onu “Çocuklar duymasın”dakı Haluk obrazı ilə sevib.

164
Əlaqədar
Hollivud ulduzu Kemeron Diaz kinodan niyə getdiyini açıqlayıb
Gənc heykəltaraş bu dəfə polkovnikin xatirəsini əbədiləşdirib
Məşhur aktyor gizli şəkildə üçüncü dəfə evləndi
"Apple" və Di Kaprio: Hollivudda birgə filmlər çəkiləcək
Hələ ki açıq-saçıq səhnələr təklif etməyiblər: azərbaycanlı qız Moskvanı necə fəth edəcək?
ABŞ Prezidenti Donald Tramp, arxiv şəkli

Donald Tramp bunu "TikTok"-dan heç gözləmirdi

101
(Yenilənib 08:19 08.08.2020)
""TikTok" təhlükəsi ilə mübarizə haqqında" icraçı fərmana əsasən "ByteDance" proqramının sahibi ilə istənilən sazişlər 45 gün ərzində dayandırılır.

BAKI, 8 avqust — Sputnik. "TikTok" sosial şəbəkəsi ABŞ Prezidenti Donald Trampın "TikTok" proqramına qarşı tədbirlərin görülməsi haqqında icraçı fərmanı ilə bağlı ABŞ məhkəməsinə müraciət edə biləcəyini bildirib.

"Biz çox aydın şəkildə bəyan etmişik ki, biz heç vaxt istifadəçilərin məlumatlarını hökumətə ötürməmişik. Biz hətta ABŞ-da olan biznesimizi ABŞ şirkətinə də satmağa hazır olduğumuzu ifadə etmişik", - deyə sosial şəbəkənin nümayəndələri bildirib.

Şirkət vurğulayıb ki, onlar hakimiyyətlə razılaşmaq üçün təxminən bir il xərcləyiblər, lakin hakimiyyət kompromisə getmək istəmədi. Bundan əlavə "TikTok" ABŞ hökumətini hüquqi prosedurları pozmaqda və özəl biznesə müdaxilədə ittiham etdi.

Qeyd edək ki, ABŞ Prezidenti Donald Tramp "TikTok" proqramına qarşı tədbirlərin görülməsi haqqında icraçı fərmanı imzalayıb. Tramp "TikTok"un sahibi "ByteDance" və onun törəmə şirkətləri ilə hər hansı bir əməliyyata qadağa qoyub.

"TikTok" təhlükəsi ilə mübarizə haqqında" icraçı fərmana əsasən "ByteDance" proqramının sahibi ilə istənilən sazişlər 45 gün ərzində dayandırılır.

"ABŞ yurisdiksiyasında "ByteDance" ilə hər hansı (hüquqi və ya fiziki şəxs tərəfindən) əməliyyat qadağan edilir", - fərmanda deyilir.

"Çində yerli şirkətlər tərəfindən hazırlanan mobil tətbiqlərin ABŞ-da yayılması Birləşmiş Ştatların milli təhlükəsizliyini, xarici siyasətini və iqtisadiyyatını təhdid etməkdə davam edir", - fərmanda deyilir.

"İndi konkret bir tətbiqin – "TikTok"un təhdidinə cavab vermək üçün səy göstərilməlidir", - deyə Tramp əlavə edib.

ABŞ Prezidenti həmçinin Çinin internet nəhəngi "Tencent" və onun sahibi olduğu "WeChat" sosial şəbəkəsi üzərindəki törəmə şirkətlərlə sövdələşmələri qadağan edən fərman da imzalayıb. Sənədin mətni Ağ Evin mətbuat xidməti tərəfindən yayılıb.

Qadağa fərmanın nəşrindən 45 gün sonra, yəni sentyabrın sonunda qüvvəyə minir. "WeChat"a aid olan istənilən sazişlər qadağaya aiddir.

101
Bakı məktəblərin birində tədris prosesi, arxiv şəkli

Təhsillə bağlı qərar verməkdə çətinlik var

0
Bu gün əlimizdə olan rəqəmlər əsasında hansısa qərar qəbul etsək, iki həftə sonra bu rəqəmlər dəyişə bilər - Şahmar Mövsümov

BAKI, 8 avqust — Sputnik. “İki həftədir, tədrislə bağlı məsələ müzakirə edilir. Bütün dünya ölkələrinin təcrübəsi öyrənilir”.

Sputnik Azərbaycan bildirir ki, bunu Nazirlər Kabineti yanında Operativ qərargahın birifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

Onun sözlərinə görə, problem odur ki, vəziyyət çox dinamikdir: “Bu gün əlimizdə olan rəqəmlər əsasında hansısa qərar qəbul etsək, iki həftə sonra bu rəqəmlər dəyişə bilər. Növbəti brifinq tədris məsələlərinə həsr olunacaq. Bu zaman tədrislə bağlı bütün suallara aydınlıq gətiriləcək”.

0
Əlaqədar
Hər kəs oxuyacaq - Nazirlik yeni tədris ili məsələsinə aydınlıq gətirdi
Müəllimlərin işə qəbulu ilə bağlı qərar verildi
Qəbul imtahanları başlayır: 13 və 14 avqusta təyin olunub
Yeni modelə keçidin başlanğıcı: Azərbaycanda pandemiya dövründə təhsil inqilabı