Rusiya yeni raketini sınaqdan keçirib

Amerikalılar rusların "Ölü əl"ini istəyirlər

60
(Yenilənib 00:28 18.08.2019)
ABŞ-ın rəqibləri gələcək geostrateji quruluşun özləri təxmin elədikləri variantını inkişaf etdirirlər, bu isə yolverilməzdir

BAKI, 18 avqust — Sputnik. ABŞ-a kütləvi nüvə hücumunun dəf edilməsi üçün Sovet-Rusiya istehsalı olan "Perimetr" avtomatik idarəetmə kompleksinin analoqu lazımdır.

Sputnik Azərbaycan bildirir ki, qərbdə "Dead Hand" - "Ölü əl" adlandırılan "Perimetr" kompleksinin xüsusiyyətləri haqda  War on the Rocks nəşrində amerikalı hərbi mütəxəssislər Adam Louter və Kertis MakGiffin yazıblar.

Bu cür sistemin vacibliyini mütəxəssislər potensial düşmənlərin hipersəs sürətinə malik silahlar, qanadlı raketlər əldə etməsi, süni intellekti tətbiq etməyə başlaması və bunun müqabilində Amerika rəhbərliyinin cavab zərbəsi endirmək üçün qərar qəbul etməkdə vaxtının daralması ilə izah ediblər.

Amerika tərəfi üçün təhlükəli silahlar arasında Louterlə MakGiffin "Kalibr-M" və X-102 qanadlı raketlərini, sualtı pilotsuz nüvə başlıqlı "Poseydon"u və "Avanqard" kompleksini göstəriblər. Mütəxəssislər əmindirlər ki, əgər Rusiya ABŞ-a qarşı bu cür silahlardan istifadə etsə, o zaman okeanın o tayındakılar alınan məlumatları emal etməyə vaxt tapmayaraq cavab zərbəsi endirmək üçün qərar verə bilməyəcəklər.

Bundan çıxış yolu kimi, ABŞ-da Rusiyanın "Perimetr" kompleksinin analoqunu yaratmaq göstərilir. "Perimetr" daxil olan təhlükəyə müvafiq olaraq cavab zərbəsi endirmək üçün  özü müstəqil qərar qəbul edir. Bunun üçün müəlliflər təklif edirlər ki, qitələrarası ballistik raketlərin buraxılması üçün ölkə ərəzində mobil komplekslər yaradılmalı, müşahidə və kəşfiyyat işləri gücləndirilməlidir ki, ABŞ nüvə zərbəsini birinci endirə bilsin. Yaxud da başqa variant kimi, nüvə raketlərinin ölkənin mövqelərinə uçuşunu qısaltmaq olar, məsələn, düşmənin sərhədləri yaxınlığında orta mənzilli raketlər yerləşdirməklə.

Rus raketlərinin NATO-ya zərər verəcəyinə dair sübut yoxdur – Ərdoğan>>

Ekspertlər həmçinin süni intellektdən istifadə etməyin mümkün olduğunu da deyirlər, amma bir qədər ehtiyatla: çünki onların fikrincə, nəhayətdə insan süni inteellektə nəzarəti itirə bilər.

Müəlliflər əmindirlər ki, ABŞ-ın rəqibləri (mətndə Rusiya və Çinin adı çəkilir) nüvə silahları barədə cari razılaşmaların qorunub-saxlanmasında maraqlı deyillər və gələcək geostrateji quruluşun özləri təxmin elədikləri variantını inkişaf etdirirlər, bu isə yolverilməzdir. 

60
Teqlər:
daşıyıcı raket, raket hücumu, qanadlı raket, nüvə silahı, Rusiya, ABŞ
Co Bayden

Co Baydendən transgenderlərə yaşıl işıq

21
Ağ Ev: Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək.

BAKI, 25 yanvar - Sputnik. ABŞ prezidenti Co Bayden sələfi Donald Trampın ABŞ Silahlı Qüvvələrində transgenderlərin xidmətinə qoyduğu qadağanı ləğv edib.

Sputnik Azərbaycan xəbər verir ki, bu barədə məlumat Ağ Evdən yayılıb. Məlumatda deyilir: 

“Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək. Co Bayden inanır ki, cinsiyyət hərbi xidmətə mane olmamalıdır”.

Qeyd edək ki, Ağ Evə gəldikdən qısa müddət sonra keçmiş prezident Donald Tramp transgenderlərin ABŞ ordusunda hər hansı bir vəzifə tutmasının əleyhinə olduğunu bəyan etmişdi.

2019-cu ildə ABŞ Müdafiə Nazirliyi transgenderlərin əksəriyyətinin ABŞ ordusunda xidmətini qadağan edən direktiv imzalayıb.

21
Teqlər:
Co Bayden
Plastik tullantılar, arxiv şəkli

Plastik tullantılardan insanları gözəlləşdirmək üçün istifadə edəcəklər

10
(Yenilənib 20:19 25.01.2021)
Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

BAKI, 25 yanvar — Sputnik. Şimal-Qərb Universitetinin, Argonne Milli Laboratoriyasının və Eymes Laboratoriyasının alimləri plastik tullantıların təkrar emalı üçün yeni bir üsul icad ediblər.

Sputnik Azərbaycan xarici mətbuata istinadla xəbər verir ki, onun köməyi ilə zibil motor yağları, sürtkü yağları, yuyucu vasitələr və hətta kosmetika istehsalı üçün uyğun bir maye halında olan maddəyə çevrilə bilər.

Məlumdur ki, dünyada hər il 380 milyon ton plastik istehsal olunur. Mütəxəssislərin fikrincə, 2050-ci ilə qədər bu rəqəm dörd dəfə arta bilər. Məhsulların 75% -dən çoxu birdəfəlik istifadədən sonra atılır və ətrafa, o cümlədən çaylara, dənizlərə və okeanlara daxil olur.

Plastik tullantıları emalının müasir üsulları problemi həll edə bilməz. Birdəfəlik məhsullar əriyib emal edilə bilər. Amma nəticədə aşağı keyfiyyətli material alınır.

Yeni araşdırmanın müəllifləri məsələyə fərqli yanaşıblar.

Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

Müəyyən şərtlərdə katalizator plastikin karbon-karbon bağını parçalayır və maye karbohidrogenlər əldə edilir. Belə bir maye müxtəlif texniki və ya kosmetik məhsulların istehsalı üçün uyğundur.

10

Xırdalanda partlamış evin dağıntıları altından qadın meyiti çıxarılıb

0
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

0