Ermənistanın xarici işlər naziri Zöhrab Mnatsakanyan

Yerevan Vaşinqton arasında problemlər var Mnatsakanyan etiraf etdi

16
(Yenilənib 15:08 14.08.2019)
Bu il ərzində ABŞ-la ən yüksək səviyyədə "siyasi dialoqa dair defisit olmayıb"

BAKI, 14 avqust — Sputnik. Rəsmi Yerevan Vaşinqtonla siyasi dialoqa dair defisit hiss etmir. Sputnik Ermənistan xəbər verir ki, bunu Ermənistanın xarici işlər naziri Zöhrab Mnatsakanyan Yerevanda uruqvaylı həmkarı Rodolfo Nin Novoa ilə birgə keçirdiyi mətbuat konfransında bildirib.

Onun sözlərinə görə, Birləşmiş Ştatlar və Ermənistan arasında dialoq son zamanlar çox aktivdir: "Dialoqun davamlılığı və səviyyəsi bizim üçün prinsipial olaraq qaneedici səviyyədədir. Ən yüksək səviyyədə görüşə gəldikdə isə bu bizim gündəlikdə olub və hazırda da qalmaqdadır. Əminəm ki, bu an da gələcək".

O, bir daha xatırladıb ki, bu il ərzində ABŞ-la ən yüksək səviyyədə "siyasi dialoqa dair defisit olmayıb".

Nazirin sözlərinə görə, ikitərəfli münasibətlərin gündəliyində həm problemli, həm də gələcək əməkdaşlığa yönələn çoxsaylı məsələlər var. Bu məsələlər daima müzakirə olunur.

Mnatsakanyan qeyd edib ki, bu tərəfdaş ölkələr arasında normal münasibətlərdir.

Xatırladaq ki, Ermənistan baş naziri sentyabrın sonunda ABŞ-a səfər etmək niyyətindədir.

16
Teqlər:
problemlər, diplomat, ABŞ, Ermənistan
Yanğın, arxiv şəkli

Qonşumuzda müdhiş qəza - AES-də yanğın baş verdi

5
Mühafizəçilərin müdaxiləsi ilə meydana çıxan yanğın söndürülüb. Hazırda insidentlə əlaqədar araşdırma aparılır.

BAKI, 11 aprel - Sputnik. Bu gün səhər saatlarında İranın Nətanz Atom Elektrik Stansiyasında qəza olub.

AZƏRTAC İranın Atom Enerjisi üzrə Dövlət Agentliyinin nümayəndəsi Bəhruz Kəmalvəndinin açıqlamasına istinadla xəbər verir ki, qəza elektrik şəbəkəsində baş verən qısa qapanma nəticəsində baş verib.

Mühafizəçilərin müdaxiləsi ilə meydana çıxan yanğın söndürülüb. Hazırda araşdırma aparılır.

Qeyd edək ki, Nətanzda bir neçə dəfə qəza baş verib. Hətta ötən il bu stansiyada terror aksiyasına cəhd də olub. Lakin İranın xüsusi xidmət orqanları aksiyanın qarşısını alıblar.

5
Valetta şəhərinə mənzərə, arxiv şəkli

Bu Avropa ölkəsi turistlərə 200 avro ödəyəcək

80
(Yenilənib 23:13 10.04.2021)
"Bu sxem beynəlxalq turizm bərpa olunan vaxt hotellər arasında rəqabətin gücləndirilməsi məqsədi daşıyır", - deyə nazir atdıqları addımın məramını açıqlayıb.

BAKI, 11 aprel — Sputnik. Malta hakimiyyəti ölkədə turizm sahəsini inkişaf etdirmək məqsədilə turistlərə 200 avro pul ödəyəcək. Sputnik Azərbaycan xəbər verir ki, bu barədə "Reuters" agentliyi ölkənin Turizm Nazirliyinə istinadla xəbər yayıb. Nazir Kleyton Bartolo bildirib ki, Maltaya gələn əcnəbi turistlər bu pulu yalnız bir şərtlə ala biləcəklər: ölkədə ən az üç gün qalmaqla. Bunun üçün birbaşa yerli hotellərin vasitəsilə otaq bronlaşdırmaq tələb olunur. Bu şərtlərə əməl edənlərə beş ulduzlu hotellər 200, dörd ulduzlular 150, üç ulduzlular isə 100 avro ödəyəcəklər.

Malta arxipelaqındakı Qozo adasındakı hotellərdən nömrə götürənlərə ödənəcək vəsaitin məbləği isə 10 faiz artıq olacaq.

"Bu sxem beynəlxalq turizm bərpa olunan vaxt Malta hotelləri arasında rəqabətin gücləndirilməsi məqsədi daşıyır", - deyə nazir atdıqları addımın məramını açıqlayıb.

Malta hakimiyyəti ölkəyə 35 min turistin gələcəyini gözləyir.

"Reuters"in məlumatına görə, Avropa İttifaqında koronavirusdan ən yüksək vaksinasiya səviyyəsi Maltadadır. Bu ölkədə COVID-19-a yeni yoluxma halı kəskin şəkildə azalıb. Malta hökuməti gediş-gəlişi asanlaşdırmaq üçün Aİ-ni peyvənd pasportu tətbiq etməyə çağırıb.

80
Teqlər:
Avropa, Malta, ödəmə, avro, turist