Apple notbuku, arxiv şəkli

ABŞ-dan "Apple" notbuklarına qadağa

335
(Yenilənib 20:28 14.08.2019)
İyunda "Apple" bəzi 15 düymlük "MacBook Pro" notbuklarının batareyalarının həddindən artıq çox qızdığını aşkar edib

BAKI, 14 avqust — Sputnik. ABŞ-ın Federal Aviasiya Administrasiyası (FAA) "Apple" şirkətinin bəzi notbuklarının təyyarələrdə daşınmasına qadağa qoyub. Sputnik Azərbaycan xəbər verir ki, məlumatı "The Hill" nəşri yayıb.

Məlumata görə, 2015-ci ilin sentyabrından 2017-ci ilin fevralınadək satılmış "MacBook Pro" cihazları qadağa altına düşür.

Qeyd olunur ki, iyunda "Apple" bəzi 15 düymlük "MacBook Pro" notbuklarının batareyalarının həddindən artıq çox qızdığını aşkar edib. Bu problem yanğın riskini artırır və bununla bağlı olaraq şirkət sözügedən məhsullarını geri çağırdığını elan edib.

Federal Aviasiya Administrasiyası bu noutbukların batareyalarında aşkar olunmuş problemlə bağlı olaraq aviaşirkətləri təhlükəsizlik qaydalarına riayət etməyə çağırıb. Qaydalara görə, istehsalçı tərəfindən geri çağırılmış batareyaları olan cihazlar təyyarələrdə daşına bilməzlər.

2016-cı ildə ABŞ Nəqliyyat Nazirliyi "Samsung Galaxy Note 7" smartfonlarının təyyarələrdə daşınmasına qadağa qoyub. Bundan bir müddət öncə "Samsung" şirkəti "Galaxy Note 7" smartfonlarının akkumulyatorlarının yanması və partlaması səbəbindən bu cihazların istehsalını və satışını dayandırıb.

335
Teqlər:
ABŞ, təyyarə, noutbuklar, Apple
Zinəddin Zidan

Çempionat başlamamış Zidanı cərimə edəcəklər

0
(Yenilənib 01:14 25.05.2020)
Madrid sakinlərinə xüsusi səbəb olmadan şəhəri tərk etmək yasaqdır.  “Real”ın baş məşqçisini indi 1500 avro məbləğində cəza gözləyir

BAKI, 25 may — Sputnik. Madrid “Real”ının baş məşqçisi Zinəddin Zidan özünütəcrid qaydalarını pozub.

Sputnik Azərbaycan bildirir ki, bu barədə Sport.es yazır. Nəşrin məlumatına görə, mütəxəssis İspaniya paytaxtının yaxınlığındakı bir kəndə gedib. Zidan həmin yerdə təxminən bir il əvvəl özünə ev alıb. Qeyd olunur ki, Madrid sakinlərinə xüsusi səbəb olmadan şəhəri tərk etmək, hətta şəhər kənarındakı ikinci evlərinə getmək yasaqdır. Zidan isə həmin kəndə həftə ərzində artıq ikinci dəfə baş çəkib. Bazar günü gələrkən oğlu Luka da yanında olub.  

Əgər qonşularından kimsə “Real”ın baş məşqçisini həmin anda fotoya və ya videoya çəkibsə, o zaman onu 1500 avro məbləğində cəza gözləyir.

Qeyd edək ki, mayın 23-də İspaniya hökuməti ölkə çempionatını iyunun 8-dən bərpa etməyə qərar verib.

Son məlumatlara görə, dünyada 5,4 milyon insan SARS-CoV-2 koronavirusuna yoluxub, bunlardan 345 min nəfər koronavirusun səbəb olduğu COVID-19 xəstəliyindən dünyasını dəyişib, 2,2 milyon nəfər isə sağala bilib.

 

0
Əlaqədar
Zidanın taleyi aydın oldu
Messi etiraf etdi: "Yalnız Zinəddin Zidan"
Futbolda format dəyişir: Bir oyunda 16 nəfər oynaya bilər
Futbol klubundan cəsarətli addım: azarkeşləri görün nə ilə əvəz etdi
Kuryoz hadisə: Zidan təpik yedi - VİDEO
Moskvada COVID-19 hospitalı, arxiv şəkli

Koronavirusun fəsadlarının dərmanı dənizdən “çıxdı”

8
(Yenilənib 00:49 25.05.2020)
COVID-19-dan sağalan insanların bərpası üçün komponentlərin düzgün proporsiyaları tapılmalıdır, bu isə kompleks tədqiqat tələb edir

BAKI, 25 may — Sputnik. Rusiyada, Murmansk Dəniz Biologiyası İnstitutunun alqologiya laboratoriyası koronavirusun fəsadlarını dəniz kirpiləri ilə müalicə etməyi təklif edib.

Sputnik Azərbaycan RİA Novosti-yə istinadən bildirir ki, bu barədə laboratoriyanın müdiri Qriqori Voskoboynikov danışıb.

Alimin sözlərinə görə, COVID-19-dan sağalanlar dəniz kirpisinin kürüsü, yosunlar və bir sıra immun möhkəmlədici bitkilərin əsasında hazırlanmış preparatlar qəbul etməlidirlər. Bu cür preparatlar hələ iki il əvvəl kimya terapiyası keçmiş onkoloji xəstələrin reabilitasiyası üçün işlənilib hazırlanıb.

Dəniz kirpisinin kürüsü və bəzi bitkilər immun sistemini stimullaşdıran xüsusiyyətə malikdir. Ancaq COVID-19-dan sağalan insanların bərpası üçün komponentlərin düzgün proporsiyaları tapılmalıdır, bu isə kompleks tədqiqat tələb edir.

Mayın 24-də məlum olub ki, ABŞ hökuməti koronavirus vaksininin hazırlanması üçün Oksford Universitetinə 1 milyard dollardan çox vəsait ayırıb. Layihə uğurla yekunlaşacağı təqdirdə ABŞ 300 milyon doza vaksin əldə edəcək.

8
Mövzu:
Dünyanı cənginə almış bəla
Əlaqədar
Cərrah-onkoloq: Koronavirusa yoluxan xərçəng xəstələrini xilas etmək çox çətindir
Dörd həkimimizi koronavirus məhv etdi
Adil Qeybulla: "Vaksinasiya özü spekulyasiyadır"
İkinci mərhələ başlayır: Koronavirus əleyhinə peyvəndin bir addımlığında
Koronavirusdan ən çox belə xəstələr ölür