Bir gündə iki persona non grata elanı
(Yenilənib 21:21 13.08.2019)
Persona non grata elan edilən konsulluq əməkdaşı artıq Ukraynanı tərk edibBAKI, 13 avqust — Sputnik. Sankt-Peterburqdakı Ukrayna Baş Konsulluğunun əməkdaşını bu gün Rusiyadan çıxarıblar.
Sputnik Azərbaycan RİA-Novosti-yə istinadən bildirir ki, Rusiya Xarici İşlər Nazirliyindən bu addımı Kiyevin hərəkətinə cavab olaraq atdıqlarını bildiriblər.
©
Sputnik / Maksim Blinov
"Hələ 2019-cu ilin mayında Ukraynanın xüsusi xidmətləri Rusiyanın Lvovdakı Baş Konsulluğunun əməkdaşını əsassız olaraq persona non grata elan edib növbəti təxribat törətdi. Onun konsul idarəsindəki peşəkar vəzifəsi çərçivəsindən kənar, qanunazidd hərəkətləri barədə isə, adəti üzrə, heç bir sübut göstərilmədi", - diplomatik idarədən bildirilib.
Ukraynanın Təhlükəsizlik Xidmətinin bu məlumatı 3 ay açıqlamamasını XİN Kiyevdəki "daxili-siyasi oyunlarla" əlaqələndirib.
Bu gün Ukraynanın Təhlükəsizlik Xidməti məlumat yayıb ki, Rusiyanın Lvovdakı Baş Konsulluğunun işçisinin 2014-cü ildə ələ aldığı yerli sakin ona hansısa məlumatları ötürüb. Qeyd edilib ki, persona non grata elan edilən konsulluq əməkdaşı artıq Ukraynanı tərk edib, ukraynalı isə dövlətə xəyanət ittihamı ilə cinayət işinə cəlb olunub, onu 15 ilədək həbs cəzası gözləyir.
Teqlər:
COVID-19 bu amerikalı ulduzdan da yan keçmədi
(Yenilənib 22:42 11.08.2020)
"Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"Şahpəri Abbasova, Sputnik Azərbaycan
BAKI, 11 avqust — Sputnik. Dünyanı cənginə alan koronavirus (COVID-19) bəlası Amerikanın məşhur aktirisası Alissa Milanodan da yan keçməyib.
Virus nəticəsində aktirisanın saçları tökülüb. Ulduz saçının necə töküldüyünü göstərmək üçün instaqram səhifəsində video paylaşıb. Tanınmış aktirisa izləyicilərini maska taxmağa çağırdı. Milano, xəstəlik simtonlarını aprel ayında hiss etməyə başlayıb. Virusa görə test etdirən aktirasanın nəticələri pozitiv çıxıb. Xəstəliyinin hələ də davam etdiyini bildirən aktirisa bunları deyib: "Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"
Qeyd edək ki, A.Milano "Kommando", "Alatoranlıq vaxtı", "Şöhrətin parıltısı", "Gəlini öp", "Patologiya", "Köhnə Yeni il", "Qorxu" və s. filmlərində rol alıb.
Beyrutda ölənlərin sayı yenə artdı
(Yenilənib 19:45 11.08.2020)
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.BAKI, 11 avqust — Sputnik. Beyrut limanında baş verən partlayış nəticəsində ölənlərin sayı 171-ə çatıb. Sputnik Azərbaycan "RİA Novosti"-yə istinadən xəbər verir ki, bu barədə Livanın Səhiyyə Nazirliyi məlumat yayıb.
Məlumatda, həmçinin qeyd olunub ki, daha 30-40 nəfər itkin düşmüş hesab olunur.
Qeyd edək ki, avqustun 4-ü Beyrutda güclü partlayışlar baş verib. Biri digərindən güclü olan iki partlayış şəhərin liman hissəsində yerləşən anbar binalarında baş verib.
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.
Güclü partlayışlar nəticəsində həlak olanların sayı artıq 100 nəfəri ötüb, dörd mindən çox adam yaralanıb. Bununla yanaşı, Livan hakimiyyəti çoxlu sayda itkin düşmüş şəxslərin olması səbəbindən qurbanların sayının artacağını gözləyir.
Bakıda bələdiyyənin əməkdaşı cərimə edildi
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.
Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.
İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.
Bu istiqamətdə tədbirlər davam etdirilir.