Britaniya donanmasının HMS Duncan hərbi gəmisi Hörmüz boğazına tələsir

Böyük Britaniya Fars körfəzinə daha bir hərbi gəmi göndərdi

40
(Yenilənib 14:29 13.08.2019)
Ölkənin rəsmi nümayəndələri bildiriblər ki, Londonun İrana münasibətdə siyasəti dəyişməyib

BAKI, 13 avqust — Sputnik. Böyük Britaniya ABŞ-ın regionda təhlükəsizlik missiyası çərçivəsində bazar ertəsi Fars körfəzinə özünün HMS Kent hərbi gəmisini göndərib.

Sputnik bildirir ki,  Kral donanması İranla siyasi gərginliyin artması fonunda Hörmüz boğazında ticarət gəmilərinin təhlükəsizliyinin qorunmasında ABŞ Hərbi Dəniz Qüvvələri ilə birgə fəaliyyət göstərəcək.

NATO-nun baş katibi Yens Stoltenberq
© REUTERS / Francois Lenoir

"Fars körfəzində bizim diqqətimiz əvvəlkitək gərginliyin deeskalasiyasına cəmlənib. Ancaq biz azad dənizçiliyin və beynəlxalq dənizçilik normalarının təmin olunmasının tərəfdarıyıq və əməliyyatlar da buna hesablanıb", - deyə gəminin komandiri Endi Braun bildirib.

"Kent" boğazda işləyən digər Britaniya gəmisi "Dunkan"ı əvəz edəcək.

Avqustun 5-də Böyük Britaniya Amerikanın tankerləri müşayiət etmə missiyası ilə müqavilə imzalayıb. Lakin bu ölkənin rəsmi nümayəndələri bildiriblər ki, Londonun İrana münasibətdə siyasəti dəyişməyib və Vaşinqtonun Tehrana qarşı sanksiyalarına qoşulmayacaq.

40
Teqlər:
ABŞ, İran, Böyük Britaniya, hərbi gəmi, tanker, Fars körfəzi
Здание Конгресса США, фото из архива

Amerika Senatı Rusiyaya qarşı növbəti sanksiyaların tətbiqini tələb edib

7
(Yenilənib 08:27 23.10.2020)
Senatorlar dövlət katibi Mayk Pompeo və Maliyyə katibi Stefan Mnuçini rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya tətbiq etməyə çağırıb.

BAKI, 23 oktyabr - Sputnik. ABŞ-ın bir neçə senatoru dövlət katibi Mayk Pompeo və Maliyyə katibi Stefan Mnuçinə məktub ünvanlayıblar. Məktub rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya çağırışlarını özündə əks etdirir. 

Sputnik Azərbaycan RİA Novosti-yə istinadla xəbər verir ki, bu barədə “Bloomberg” nəşri məlumat yayıb. 

Məktubu Demokratlardan Ben Kardin, Dik Durbin, Kris Kuns, Respublikaçılardan isə Mitt Romni, Marko Rubio və Rojer Uiker imzalayıb. 

7
Vaşinqtonda Ağ Ev, arxiv şəkli

ABŞ İrana qarşı sanksiyalar siyahısını genişləndirib

14
Federal siyahıda İranın İslam İnqilabı Keşikçiləri Korpusu ilə əməkdaşlıqda şübhəli bilinən bir sıra təşkilatların adları yer alıb.

BAKI, 23 oktyabr - Sputnik. Amerika Birləşmiş Ştatları İrana qarşı sanksiyalar siyahısını genişləndirib.

Sputnik Aərbaycan xəbər verir ki, bu barədə ABŞ-ın Maliyyə Nazirliyi məlumat yayıb. 

Federal siyahıda İranın İslam İnqilabı Keşikçiləri Korpusu ilə əməkdaşlıqda şübhəli bilinən bir sıra təşkilatların adları yer alıb. Sanksiyalar o cümlədən İranın İraqdakı səfiri İrac Masjediyə də şamil edilib. 

Maliyyə Nazirliyinin bəyanatında qeyd olunur ki, İranın rəsmi qurumları Birləşmiş Ştatlarda "demokratik prosesi dağıtmaq" məqsədi ilə KİV adı altında maskalanır.

14

Fikrət Sadıxov: “Ermənistan münaqişənin dinc yolla həllini başa düşmədi”

0
(Yenilənib 08:28 23.10.2020)
Politoloq Fikrət Sadıxov deyir ki, baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur
Fikrət Sadıxov: “Azərbaycan artıq status-kvonu qəbul etmir”

“Baza prinsiplərinə gəldikdə, orada hər şey aydın şəkildə yazılıb. Azərbaycanın işğal olunmuş rayonlarının mərhələli şəkildə azad edilməsi nəzərdə tutulur”. Bunu Azərbaycan Respublikasının prezidenti İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində deyib.

Politoloq Fikrət Sadıxov Sputnik Azərbaycan-a deyir ki, Azərbaycan uzun illər danışıqlar masasında münaqişənin həlli üçün çalışıb:

“Münaqişənin həlli üçün təqdim olunan baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur. Amma Ermənistan aşkar şəkildə bundan imtina etdi. Ermənistan hakimiyyəti seperatçı rejimi danışıqlar masasında görmək istəyirdi. Ancaq bu, Azərbaycan üçün qəbuledilməz idi. Münaqişənin həlli prosesi hərbi müstəviyə keçib və Azərbaycan artıq status-kvonu qəbul etmir. Ermənistan münaqişənin dinc yolla həllini başa düşmədi. Azərbaycan torpaqlarının işğal altında qalması ilə razılaşmayacaq”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks hücum əməliyyatına başlayıb.

Fikrət Sadıxovun geniş şərhinə audiofaylda qulaq asa bilərsiniz

0