Plasido Dominqo

Doqquz qadın məşhur müğənniyə qarşı - bizə təcavüz edib

54
(Yenilənib 11:43 13.08.2019)
Səkkiz müğənni və bir rəqqasə 80-ci illərdən bəri Plasido Dominqonun cinsi təhriklərinə məruz qaldıqlarını deyib

BAKI, 13 avqust — Sputnik. Bir neçə qadın İspaniyanın məşhur opera müğənnisi Plasido Dominqonu cinsi təcavüzdə ittiham edib.

Sputnik Azərbaycan bildirir ki, məlumatı Associated Press yayıb.

Agentliyin məlumatına görə, Dominqo qadınlara müəyyən rolları əldə etmək üçün onunla intim münasibətdə olmağı təklif edir, "onlar imtina etdikdə isə peşəkar sahədə cəzalandırırmış".

Səkkiz müğənni və bir rəqqasə 80-ci illərdən bəri Plasido Dominqonun cinsi təhriklərinə məruz qaldıqlarını deyib. Qadınlardan səkkizi anonim qalmağı xahiş edib və bunu  hələ də mədəniyyət sahəsində çalışmaları və ictimaiyyətin mümkün neqativ reaksiyasından narahat olacaqları ilə izah edib. Müğənni Patrisiya Vulf isə adını açıqlamağa icazə verib.

Bundan başqa, agentliyin məlumatına görə, daha "yarım düjün" qadın Dominqonun onlara ədəbsiz təkliflər etdiyini və buna görə utandıqlarını yazır.

Associated Press Dominqonun adına yaraşmayan tərzdə davranışlarını, seksual təhriklərini müşahidə etdiklərini bildirən teatrda işləyən təxminən 30 nəfər müğənni, musiqiçi, rəqqas və digər əməkdaşlarla müsahibə aparıb.

Dominqo isə bütün ittihamları rədd edib: "Adı çəkilməyən şəxslərin kökü 30 il bundan əvvələ dayanan bu ittihamları dərin narahatlıq doğurur və doğru deyil".

"Ən yaxşı niyyətlərimə rəğmən, nə vaxt baş verməyindən asılı olmayraq, kimisə incitdiyimi, yaxud özünü narahat hiss etməyinə səbəb olmağımı eşitmək çox ağırdır. Mən əminəm ki, mənim bütün qarşılıqlı hərəkətlərim və münasibətlərim həmişə xoş qarşılanıb və qarşılıqlı razılıq əsasında olub. Məni tanıyanlar, mənimlə işləyənlər bilirlər ki, kimisə qəsdən incidən, zərər verən, yaxud utandıran birisi deyiləm", - müğənni əlavə edib. 

"Eyni zamanda, anlayıram ki, bizim bu gün qiymətləndirildiyimiz və qiymətləndirilməli olduğumuz standart və qaydalar əvvəlkilərdən fərqlənir. Mənim üçün 50 illik opera keryerası böyük şərəfdir və mən özümü ən yüksək standartlarla mühakimə edəcəyəm", - Dominqo yekunlaşdırıb.

Agentlik öz növbəsində bildirib ki, heç bir qadın sözlərinə sübut-dəlil göstərə bilməyib. Araşdırma yalnız şifahi ifadələrə əsaslanır.

54
Teqlər:
İspaniya, ittiham, cinsi təcavüz, opera, müğənni
COVİD-19-da ölən şəxs, arxiv şəkli

ABŞ-da koronavirusa yoluxanların sayı 3 milyona çatır

2
(Yenilənib 12:07 07.07.2020)
Avropada virusa yoluxanların sayına görə Rusiya ilk yerdədir. Belə ki, bu ölkədə 686 852 yoluxma qeydə alınıb.

Eldar Tanrıverdiyev, Sputnik Azərbaycan

BAKI, 7 iyul — Sputnik. Dünyada koronavirusa yoluxanların sayı 11 622 741-yə çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 538 079 nəfər vəfat edib, 6 302 689 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 2 milyon 938 min 625 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 686 852 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

2
Planet, arxiv şəkli

Hazırlaşın, başqa yerə uçuruq! Alimlər həyat üçün yararlı planetlər tapdılar

74
(Yenilənib 22:25 06.07.2020)
Planetlər Lacaille 9352 və ya GJ 887 adlı bir ulduzun ətrafında fırlanır. Elm adamları Yer və Marsa bənzər iki qaya planetinin varlığını təsdiqləyiblər. Onların fikrincə, üçüncü planet də ola bilər.

BAKI, 7 iyul — Sputnik. Alimlər həyat üçün əhəmiyyətli hesab edilə bilən ekzoplanet kəşf ediblər. Sputnik Azərbaycan xarici mətbuata istinadla xəbər verir ki, o, Günəşdən 10,7 işıq ili uzaqlıqda yerləşir.

Planetlər Lacaille 9352 və ya GJ 887 adlı bir ulduzun ətrafında fırlanır. Elm adamları Yer və Marsa bənzər iki qaya planetinin varlığını təsdiqləyiblər. Onların fikrincə, üçüncü planet də ola bilər.

Lacaille 9352 ulduzu Günəşin yarısı boydadır, qırmızı cırtdan planetdir və Süd Yolunda çox yayılmış kiçik və nisbətən sərin işıqlandırıcıdır. Ulduz atmosferi və yaxınlıqdakı planetlərdə həyat əlamətlərini məhv edə biləcək gücdə parlaq deyil.

Alimlər bu sistemi 3 ay müddətində Çilidə La Silla teleskopu vasitəsilə araşdırıblar. İki ekzoplanet GJ887b və GJ88c adlandırılıb. GJ 887b Yerdən 4,2 dəfə böyükdür və ulduz ətrafında 9,3 günə fırlanır. GJ 887c isə Yerdən 7,6 dəfə böyükdür və 21,8 günə fırlanır.

Əlavə araşdırmalar aparılmadan planetlərin sıx və ya qazlı olub-olmadığını söyləmək mümkün deyil. Bu planetlər ulduza yaxın məsafədədir və demək olar ki, əlverişli zonanın sərhədindədirlər.

Üçüncü planetin mövcudluğu təsdiqlənərsə, Günəşdən ən əlverişli məsafədə olmalıdır. Həmin planetdə çox isti və çox soyuq olmayacaq. Onun orbital dövrü təxminən 50 gündür. Alimlər hesab edirlər ki, planetdə həyat üçün uyğun şərait yarana bilər.

"Əgər davamlı müşahidələr yaşayış zonasında üçüncü bir planetin olmasını təsdiqləsə, GJ 887 Günəşin yaxınlığında ən çox araşdırılan planetar sistemlərdən birinə çevrilə bilər", - deyə araşdırma müəllifləri bildirib.

74
Koronavirus vaksini, arxiv şəkli

Sonun başlanğıcı Koronavirus vaksininin vurulduğu könüllülər ilk dəfə danışdılar

8
(Yenilənib 12:30 07.07.2020)
Bütün könüllülər daimi olaraq tibbi işçilərinin nəzarəti altındadırlar: onlar gündəlik olaraq sorğu-sual edilir, təzyiqləri, nəbzləri, temperaturu ölçülür, preparatın vurulduğu yer yoxlanılır.

BAKI, 7 iyul — Sputnik. Rusiya Müdafiə Nazirliyinin Qameli adına Epidemiologiya və Mikrobiologiya Milli Araşdırma Mərkəzi ilə birgə koronavirus əleyhinə peyvəndi sınaqdan keçirdiyi ikinci qrupun vəziyyəti sabit, yaxşıdır. Sputnik Azərbaycan "RİA Novosti"-yə istinadən xəbər verir ki, bu barədə Rusiyanın Müdafiə Nazirliyi məlumat yayıb.

Bütün könüllülər daimi olaraq tibbi işçilərinin nəzarəti altındadır: onlar gündəlik olaraq sorğu-sual edilir, təzyiqləri, nəbzləri, temperaturu ölçülür, preparatın vurulduğu yer yoxlanılır. Lazımı sınaqlar protokoluna uyğun olaraq bütün laboratoriya və instrumental tədqiqatların spektri həyata keçirilir.

Könüllülər özlərini yaxşı hiss edirlər. Belə ki, müqavilə ilə xidmət edən hərbçi İvan bəyan edib ki, hazırda özünü yaxşı hiss edir, lakin vaksinin vurulduğu ilk gündə onun orqanizmində dəyişikliklərin olmaması onu narahat edirdi.

Digər könüllü isə, Sevastopoldan olan hərbi həkim Stanislov öz vəziyyətini əla olaraq dəyərləndirib: "Temperatur normaldır, şikayət üçün heç bir səbəb yoxdur. Əhvalım yaxşıdır və hər gün daha da yaxşılaşır. Çünki mən anlayıram ki, öz sevimli həyat yoldaşım və uşaqlarımın yanına qayıdacağam".

Sınaqların daha bir iştirakçısı etiraf edib ki, "yorulub", lakin vurğulayıb ki, bunda "qorxulu heç nə yoxdur": "İynədən sonra heç yerim ağrımır, nə temperaturum var idi, nə də təzyiqim qalxdı. Hər şey yaxşı idi. Mən çox təccüblənmişdim və buna sevindim. Sınaqlardan iki həftə keçəndən sonra da mənim vəziyyətim çox yaxşıdır və heç nə ilə fərqlənmir".

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda, demək olar ki, bütün dünyanı əhatə edən virusa yoluxanların sayı 11,6 milyonu keçib, 538 mindən çox adam isə virus səbəbilə ölüb.

Rusiyada indiyədək 686 mindən çox insan koronavirusa yoluxub, 10,2 nəfər isə virusun səbəb olduğu COVID-19 xəstəliyindən dünyasını dəyişib.

8
Teqlər:
Çin, Rusiya, vaksin, Koronavirus, COVID-19