Abdullah Öcalanın şəkli ks olunan bayraqlar

Sülh istəyinin pərdəarxası, İsrail yunanlar Türkiyəyə qarşı

1727
(Yenilənib 23:48 10.08.2019)
Türkiyə dövləti bu gün, Suriyanın şimalının böyük bir hissəsini kürdlər vasitəsilə rəsmən işğal etmiş və PKK, PYD, YPG kimi terror ünsürlərinə təlim keçən, silahlandıran ABŞ-la qarşı-qarşıyadır

Eldar Tanrıverdiyev, Sputnik Azərbaycan

BAKI, 10 avqust — Sputnik. Artıq bir neçə gündür ki, Türkiyədə ömürlük həbs cəzası çəkən Kürdüstan Fəhlə Partiyasının (PKK) lideri Abdullah Öcalan sensasion bəyanatı müzakirə olunur.

Terror təşkilatının lideri vəkilləri vasitəsilə yayımladığı bəyanatında kürd yaraqlıları və Türkiyə arasında silahlı münaqişəni dayandırmağa hazır olduğunu bildirib.

PKK liderinin bu bəyanatı Türkiyədə bir mənalı olaraq qarşılanmayıb və geniş müzakirələrə səbəb olub.

Sputnik Azərbaycan qardaş ölkədə baş verənlər barədə türkiyəli professor, Anadolu Aydınlar Ocağının sədri İbrahim Öztəkin fikirlərini öyrənib.

Türkiyəli professor qeyd edib ki, 30 ildən artıq müddətdən bəri türk millətinə qarşı əli qanlı, bir uşaq qatili kimi hərəkət edən Abdullah Öcalan, həbs olunub gətirildiyindən gündən Türkiyəyə xidmət etmək istəyir: "Buna icazə verin demək istəyir. Yüksək təhlükəsizlik şəraitində həbsdə saxlanılan bu şəxs Türkiyə ilə terror qruplaşmaları arasında vasitəçi olmaq gücünü haradan alır? O kukla idi və onun missiyası bitdi. Görəsən PKK və onu dəstəkləyən qruplar üçün bu gün Öcalan kimdir və hansı sifətdədir? O, öz ağlınca vasitəçilik edəcək və özünə divident qazanacaq. Türkiyə dövləti daha öncə bu terrorçu üzərindən bir qədər səmərə əldə elə biləcəyini düşündü. Fəqət nə oldu? Şəhərlərimizdə terror təşkilatı tərəfindən terror aktları törədildi".

Aydınlar Ocağının sədri xartladıb ki, terrorçudan heç bir vaxt kömək ummazlar: "İlan ilandır və onun işi hər zaman çalmaqdır. Bu cani heç bir vaxt Türkiyə Cümhuriyyəti tərəfindən tərəf kimi qəbul oluna bilməz. Terroru bitirmə səlahiyyətinə və gücünə sahib olan, terror bitirsin. Terroru bitirəcək şəxsə kimsə bu terror niyə bitirdin deməz!".

İbrahim Öztək vurğulayıb ki, Türkiyə dövləti bu gün, Suriyanın şimalının böyük bir hissəsini kürdlər vasitəsilə rəsmən işğal etmiş və PKK, PYD, YPG kimi terror ünsürlərinə təlim keçən, silahlandıran ABŞ-la qarşı-qarşıyadır: "Birləşmiş Ştatların Suriyada fəaliyyəti Türkiyə üçün təhdiddir. Suriyada ABŞ-ın aktivliyi və gücü Türkiyəni iqtisadi olaraq təzyiq altına almağı, şantaj ünsürləri isə Türkiyəyə baha nə sata bilirəm fikrinə xidmət edir. Təsadüfü deyil ki, son Yaponiya görüşündə Birləşmiş Ştatlar prezidenti Tramp "S-400", "F-35" kimi məsələlər deyərkən, 100 ədəd "Boeing" satmış bir tacirdir. Öcalanın son çıxışı da, görəsən özümə bir pay qopara bilərəmmi kimi xəyaldır".

Aydınlar Ocağının sədrinin sözlərinə görə, Türkiyənin 8-9 il öncə Fərat çayının şərqinin formalaşdırılması prosesində səhvləri olub: "Terror ünsürlərindən istifadə edərək Birləşmiş Ştatların formalaşdığı Rojovo dəhlizini, ABŞ maraqlarının Aralıq dənizinə dair maraqlarını vaxtında hesablaya bilmədik. İndi biz görürük ki, Birləşmiş Ştatlar üçün on baza qurduğu Suriya torpağından daha çox dəniz əhəmiyyətlidir. Çünki dünyanın ən böyük neft-qaz yataqları Aralıq dənizi və Kipr adası ətrafındadır. ABŞ indi də boş durmayacaq, bu səfər İsrail, yunanlarla bir araya gələrək Türkiyəni sıxışdıracaq. İllər öncə dediyim kimi Yaxın Şərqdə 100 il daha neftin qiyməti qanla ödənəcək".

1727
Vebinar, arxiv şəkli

"Qoşulmama Hərəkatı COVID-19" mövzusunda vebinar keçirilib

2
(Yenilənib 22:47 04.08.2020)
Xalid Teymur Əkrəm deyib ki, dünyanın üzləşdiyi müxtəlif aspektli böhran şəraitində Qoşulmama Hərəkatı beynəlxalq əməkdaşlığın və həmrəyliyin yaradılması üçün mühüm rol oynayır.

BAKI, 4 avqust — Sputnik. Beynəlxalq Münasibətlərin Təhlili Mərkəzinin (BMTM) təşkilatçılığı ilə "Qoşulmama Hərəkatı və COVID-19 pandemiyası" mövzusunda beynəlxalq vebinar keçirilib.

BMTM-nin mətbuat xidmətindən Sputnik Azərbaycan-a verilən xəbərə görə, vebinarın moderatoru, Mərkəzin İdarə Heyətinin sədri Fərid Şəfiyev bu ilin mayında Azərbaycan Prezidenti İlham Əliyevin təşəbbüsü ilə təşkil edilmiş Qoşulmama Hərəkatının virtual sammitini xatırladıb.

O bildirib ki, bu tədbir təşkilat tarixində vacib hadisə olmaqla yanaşı, onun güclənməsinə və koronavirus böhranına adekvat reaksiya verməsinə şərait yaradıb.

Pakistanın Qlobal və Strateji Araşdırmalar Mərkəzinin Direktoru Xalid Teymur Əkrəm deyib ki, dünyanın üzləşdiyi müxtəlif aspektli böhran şəraitində Qoşulmama Hərəkatı beynəlxalq əməkdaşlığın və həmrəyliyin yaradılması üçün mühüm rol oynayır.

BMTM-in baş məsləhətçisi Vasif Hüseynov çıxışı zamanı bildirib ki, Qoşulmama Hərəkatının üzvləri təşkilatın 2019-2022-ci illərdə sədri olan Azərbaycan Prezidentinin pandemiya ilə mübarizə üçün təqdim etdiyi təşəbbüsləri yüksək qiymətləndirir. Onun sözlərinə görə, bu təşəbbüslər içərisində BMT Baş Assambleyasının xüsusi sessiyasının təşkil edilməsi təklifi xüsusi qeyd edilməlidir: "Yalnız Ermənistanın qarşı çıxdığı bu təşəbbüsə 130-dan artıq dövlət dəstək göstərib".

Pandemiyanın dövlətlər arasındakı münaqişələrə təsirindən danışan V.Hüseynov diqqəti Ermənistan-Azərbaycan sərhədində iyulda yaşanan hadisələrə çəkərək, Ermənistanın Azərbaycana qarşı təcavüzünün səbəblərindən birinin ölkənin daxilində olan böhranlı vəziyyət olduğunu qeyd edib.

Daha sonra çıxış edən Belarus Strateji Araşdırmalar Mərkəzinin nümayəndəsi Jauhen Zadrucki deyib ki, koronavirus pandemiyasının beynəlxalq ticarət əlaqələrinə, investisiyalara və s. zərər verməsinə imkan verilməməlidir. Onun sözlərinə görə, ölkəsi Qoşulmama Hərəkatının bu cəhətdən fəaliyyətini və Qoşulmama Hərəkatının sədri kimi Azərbaycanın təşəbbüslərini yüksək qiymətləndirir.

Vebinar sual-cavab sessiyası ilə davam edib.

2
Beyrutda partlayış

Beyrutdakı partlayışda baş nazirin ailəsi xəsarət alıb - VİDEO

1163
(Yenilənib 22:52 04.08.2020)
Hadisə zamanı həmçinin yüzlərlə insanın xəsarət aldığı bildirilir. Xəsarət alanlar arasında Qazaxıstanın bu ölkədəki konsulu da var.

BAKI, 4 avqust - Sputnik. Livanın paytaxtı Beyrutda baş verən ard-arda iki partlayışda baş nazir Həsən Diabın həyat yoldaşı və qızı xəsarət alıblar. Bu barədə Sputnik Azərbaycan xarici mətbuata istinadən xəbər verir..

Partlayışda azı 11 nəfər ölüb. Ölənlər aeasında "Əl-Kataib" partiyasının baş katibi Nazar Nacaryan da var.

Hadisə zamanı həmçinin yüzlərlə insanın xəsarət aldığı bildirilir. Xəsarət alanlar arasında Qazaxıstanın bu ölkədəki konsulu da var.

Bildirilib ki, partlayışın səsi Kiprdə belə eşidilib. Partlayış episentrinə yaxın olan binaların şüşələri dağılıb.

Hadisənin terror aktı olmadığı bildirilir.

1163
Kvas içən şəxs

Diqqət! Bu içkilər artıq çəkiyə səbəb olur

0
Bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

BAKI, 4 avqust — Sputnik. Şirələrin, kvasların və qazlaşdırılmış suların tərkibində çox miqdarda qlükoza var və onlar yüksək qlikemik indeksə malikdir. Bu içkiləri müntəzəm olaraq içmək mədəaltı vəz üçün böyük yük yaradır və artıq çəkiyə səbəb olur.

Sputnik Azərbaycan xəbər verir ki, bu barədə rusiyalı həkim-endokrinoloq Yekaterina İvannikova "Komsomolskaya Pravda" qəzetinə müsahibəsində deyib.

Bundan əlavə, bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

İvannikova içkilərinə dad qatmaq istəyənlərə suya təzə xiyar, nanə və ya limon əlavə etməyi və belə bir içkidən bir kiloqrama 30 millilitr həcmində istifadə etməyi məsləhət görüb.

0