Abdullah Öcalanın rəsmi əks olunan bayraqlar, arxiv şəkli

Öcalanın Ərdoğana yeni barış mesajı Ekspert kürdlərin əsl niyyəti barədə

727
(Yenilənib 17:22 09.08.2019)
Əgər kürd qardaşlarımıza dair bir problem varsa, bu bir terror təşkilatı üzərindən həll olunmamalıdır

Eldar Tanrıverdiyev, Sputnik Azərbaycan

BAKI, 9 avqust — Sputnik. Türkiyədə ömürlük həbs cəzası çəkən Kürdüstan Fəhlə Partiyasının (PKK) lideri Abdullah Öcalan ötən gün sensasion bəyanatla çıxış edərək, kürd yaraqlıları və Türkiyə arasında silahlı münaqişəni dayandırmağa hazır olduğunu bildirib.

Öcalan eyni zamanda Türkiyə rəhbərliyini də kürd məsələsinin həllinə çağırıb: "Gəlin kürd məsələsini birgə həll edək. Bir həftə ərzində silahlı münaqişəni bitirə bilərik. Mən bunu həll edə bilərəm, mən buna inanıram. Mən nizamlanmaya hazıram. Lakin dövlət də ondan asılı olanı etməlidir".

PKK liderinin bu bəyanatı qardaş ölkədə xeyli marağa səbəb olsa da, birmənalı qarşılanmayıb. Ekspertlər isə bu bəyanatın Türkiyə və ABŞ arasında Suriyanın şimalında, Fərat çayından şərqdə əməliyyata başlanması ilə bağlı razılığın əldə olunmasına dair məlumatlar fonunda səsləndirilməsinə xüsusi diqqət çəkiblər.

Sputnik Azərbaycan bu mövzuda Türkiyənin terror və təhlükəsizlik üzrə tanınmış eksperti Abdullah Ağarla həmsöhbət olub.

Terror və təhlükəsizlik üzrə türkiyəli ekperti Abdullah Ağar
© Abdullah Ağarın şəxsi arxivindən
Terror və təhlükəsizlik üzrə türkiyəli ekperti Abdullah Ağar

Abdullah Ağar qeyd edib ki, Türkiyə daha öncə buna bənzər modelləri sınadı və bunların hamısının sonu tam bir xəyal qırıqlığı ilə yekunlaşdı: "Bu anlamda Türkiyənin təkrar belə bir şey sınayıb, buna dair bir xəyal qırıqlığı və yeni bir tələ ilə qarşı-qarşıya qalması halında Türkiyə Cümhuriyyəti hökumətinin öz etibarını itirmə riski var. Digər tərəfdən isə bölücü terror təşkilatının lideri Abdullah Öcalan artıq 20 ildir ki, həbsxanadadır. Uzun müddətdir həbsdə olan və bir xeyli yaşlanan Abdullah Öcalan isə sadəcə başlaması mümkün olan prosesdə bir aktor olmaq istəyir. Onun başlatmaq istədiyi proseslə bağlı motivasiyası şəxsi də ola və ya onun özü də kənardan idarə oluna bilər. Biz bunu hazırda dəqiqliklə deyə bilmərik. Keçmişdə yaşanan təcrübələr də nəzərə alınarsa, bir dövlətin bir terror təşkilatı ilə bir topluma – kürd qardaşlarımıza aid bir problemi həll etmək istəməsi nə dərəcədə doğrudur? Əgər siz terror təşkilatı ilə kürd problemi adı verilən bir problemi çözmək üçün tərəf kimi qəbul etsəniz, buradan çıxan nəticələr son dərəcədə ağır olur. Əgər kürd qardaşlarımıza aid bir problem varsa, bu, bir terror təşkilatı üzərindən həll olunmamalıdır".

Türkiyəli hərbi ekspert vurğulayıb ki, Öcalan meydanda aktorların işlərinə gəldiyi qədər qəbul etdikləri və gündəmdə saxladıqları bir fiqurdur: "Bu gün keçmişdə yaşanan təcrübələrə bağlı olaraq YPG/PKK-nın qərb dünyası tərəfindən istifadə olunan aparat-terror təşkilatı olduğunu deyə bilərik. Rəsmi Ankara bu terror təşkilatının Türkiyəyə qarşı istifadə olunmasına əngəl olmaq niyyəti və məqsədi ilə bir sıra tədbirlər həyata keçirə bilər. Bu tədbirlər içərisində qabaqlayıcı hərbi əməliyyatlar da daxildir. Bu bir nəzəriyyədir. Bu nəzəriyyəni tətbiq etməyə başlayanda bunun qarşılığında bir çox aktor manipulyasiya, təxribat və əks-effektlə qarşılaşa bilər. Burada önəmli olan kütlələrin, toplumların PKK üzərindən bir proses yaşamasının qarşısını almaqdır. Bu edilməzsə və PKK guya kürdləri təmsil edən bir qurum kimi mövqe sərgiləməyə başlayarsa, bu, bölgədəki kürdlərə son dərəcə böyük bir zərər vura bilər. PKK terror təşkilatıdır və bu terror təşkilatını tərəf kimi qəbul etmənin fayda və zərərini çox dəqiq şəkildə hesablamaq lazımdır".

Ərdoğan əməliyyat anonsu verdi, indi başlamasaq...>>

Öcalanın bəyanatının Türkiyə - ABŞ arasında Suriyada, Fərat çayından şərqdə hərbi əməliyyata başlamasına dair razılığa gəlməsi barədə məlumatlar fonunda yayılmasına xüsusi diqqət çəkən Abdullah Ağar qeyd edib ki, ABŞ ən başından bəri Suriyada yeni bir sülh prosesini başlatmaq istəyir: "Amma mənim fikrimcə, bu sülh prosesi deyilən şey PKK-nı, PKK-nın Suriyada işğal etdiyi əraziləri Türkiyəyə qəbul etdirməkdir. ABŞ PKK-nı Türkiyəyə zərər verməsi üçün təşviq edir. PKK zatən orada bir terror dövləti qurmaqla gələcəkdə Türkiyəyə çox böyük zərər verəcək. Bu gün gələcəkdə nə olacaq sualına tam olaraq cavab almadan PKK-nın Suriyada nəzarətə götürdüyü əraziləri tanıyaraq hər hansı bir prosesə başlamağımızın düzgün addım olmayacağını düşünürəm".

Hələbin şərq hissəsində dalğalanan Suriya bayrağı, 11 dekabr 2016-cı il
© Photo : SANA/Handout via REUTERS

Təhlükəsizlik üzrə ekspert xatırladıb ki, bölücü terror təşkilatının müxtəlif aktorları Türkiyədə daxili siyasəti, ictimai birlik və bərabərliyi manipulyasiya edə biləcəyi tərzdə çox fərqli terror siyasəti və strategiyası yeritməyə başlayıblar: "Biz bunu Türkiyədə keçirilən son bələdiyyə seçkilərində də gördük. Əvvəllər mən PKK Türkiyənin cənub-şərqini qoparıb orada terror dövləti qurmaq istədiyini bildirirdim. İndi isə PKK öz strategiyasını tamamilə dəyişib və toplumları bölə biləcək, insanlar arasında qarşıdurma yaratma kimi siyasi təxribatlara əl atır. Türkiyədə siyasi xadimlərin bu cür tələləri sezib, onlara qarşı tədbirlər görməsinin vacibliyini düşünürəm".

727
Teqlər:
Ərdoğan, Abdullah Öcalan, PKK, kürdlər, Türkiyə
Əlaqədar
Öcalandan sensasion qərar - türklərlə münaqişəyə son qoymağa hazıram
Ekronaplan Lun, arxiv şəkli

"Xəzər canavarı"nın dirçəlişi: olmaq, ya da olmamaq

2
(Yenilənib 19:57 06.08.2020)
Ekranoplanlar SSRİ donanması üçün düşmən gəmilərini məhv etməyin vasitəsi kimi yaradılıb. "Lun" ekranoplanının ilk uçuşu 1985-ci ildə baş tutub.

BAKI, 6 avqust — Sputnik, Aleksandr Xrolenko, hərbi şərhçi. Ağır döyüş ekranoplanları yaxın zamanlarda Rusiyanın Hərbi Dəniz Qüvvələrinə qayıdacaq – ən yeni variantda, qanadlı raketlərlə. Onlar həm doğma sahillər yaxınlığında, həm də planetin ən ucqar regionlarında, istənilən iqlim şəraitində, baza infrastrukturu olmadan fəaliyyət göstərə biləcəklər.

Dünyada yeganə Rusiya istehsalı olan "Lun" raketli ekranoplanı iyulun 31-də Kaspiysk şəhərindən Dərbəndə yola düşüb.

34 il bundan əvvəl Nijni Novqorodda tikilmiş "Lun" ekranoplanı uzun müddət sınaqdan keçirildikdən sonra 1991-ci ildə sınaq istismarı üçün Xəzər Donanmasına təhvil verilib. "Lun" ekranoplanı 903 layihəsi çərçivəsində qalan yeganə ekranoplandır. Amma ekranoplanlar tarixə qovuşmadılar.

Yüksək sürəti (500 km/saat) və aşağı uçuş hündürlüyü (7-10 metr) sayəsində, raket daşıyıcı ekranoplanlar minlərlə kilometr məsafəni radara görünmədən qət edərək gözlənilməz istiqamətlərdən düşmənin hərbi-dəniz bazalarına və ya təyyarə hücum qruplarına yaxınlaşa və zərbə vura bilər.

Yeni ekranoplanlar hərbi dəniz donanmasının döyüş imkanlarını genişləndirməyə imkan verəcək. Bir müddət əvvəl Rusiya Hərbi Dəniz Donanmasının Gəmiqayırma İdarəsinin rəisi, 1-ci ranq kapitanı Vladimir Tryapiçnikov bəyan edib ki, ekranoplanların inkişafı 2050-ci ilədək gəmi tikintisi proqramına daxil ediləcək. Rusiya Müdafiə Nazirliyi yeni ekranoplanların yaradılması üçün taktiki-texniki tapşırıq formalaşdırıb, təcrübə-konstruktor işləri aparılır. İlkin məlumatlara görə, yeni ekranoplan 2022-ci ildə havaya qalxacaq.

Mediada "Xəzər canavarı"nın (Qərbdə bu ekranoplanı böyük ölçülərinə və fantastik zahiri görünüşə görə belə adlandırıblar) dirçəlişi fəal şəkildə müzakirə olunur. Nə ABŞ-ın "National Interest", nə də Çinin "Sohu" nəşri mövzudan yan keçib.

Elmi-texnoloji və istehsalat bazası mövcuddur – Rusiya çoxməqsədli ekronoplanların inkişafında Qərb ölkələrini xeyli qabaqlayıb. Belə ki, "Lun" hələ 29 il əvvəl yaxşı uçurdu və raket atışlarını həyata keçirirdi. 1990-cı illərin sonlarından ABŞ-da layihələndirilən və yükgötürmə qabiliyyəti 1200 ton olan "Boeing Pelican" yük ekranoplanı isə (17 ədəd "Abrams" tankını daşımaq üçün nəzərdə tutulub) hətta prototip şəklində istehsal edilməyib.

Bəs bu gün Rusiya Hərbi Dəniz Donanmasının döyüş ekranoplanlarının dirçəldilməsi perspektivləri necədir?

Xüsusiyyətləri

Çoxməqsədli ekranoplanlar yaxın gələcəkdə yeni yüksək dəqiqlikli qanadlı və hipersəs raketlərin, pilotsuz zərbə təyyarələrinin, elektromaqnit topların, ağır torpedaların yaradılması və tətbiqi üçün əsas ola bilər.

Zərbə ekranoplanları çevik reaksiya vasitəsi kimi Rusiyanın qütbarxası zonasını səmərəli şəkildə patrul edə bilər.

Desant (yük) modifikasiyasında bu aparatlar hərbi qulluqçuları silah və zirehli texnika ilə birlikdə əhəmiyyətli məsafəyə operativ şəkildə çatdırmağa imkan verəcək. Yeni ekranoplanlar düşmən radarları üçün demək olar ki, görünməzdir, səmərəliyi və yükgötürmə qabiliyyətinə görə təyyarə və helikopterlərdən, sürət baxımından isə hava yastıqlı gəmilərdən üstündür. Ekranoplanlar gücünü münaqişə zonasından uzaq məsafədə ("Çayka-2" – 5000 km-ə qədər) göstərə bilir və döyüşdə Rusiyanın imkanlarını artırmağa kömək olur.

"National Interest" nəşrinin məlumatına görə, yeni A-050 "Çayka-2" ekranoplanı "Xəzər canavarı"nın reinkarnasiyasıdır və Arktika da daxil olmaqla, sahilyanı ərazilərdə sərnişinlərin (100 nəfərə qədər) və yüklərin daşınması üçün (Alekseyev adına Nijni Novqorod Mərkəzi Konstruktor Bürosunda) yaradılır. Müxtəlif yükgötürmə qabiliyyətinə malik "qanadlı gəmilərin" bütöv bir seriyası yaradılır. Onlar 2022-ci ildən gec olmayaraq səmaya qalxacaqlar.

Bir müddət əvvəl isə Çin öz ordusu üçün bir neçə "Çayka" ekranoplanının alınması ilə bağlı danışıqlara başlayıb.

Aerodroma ehtiyacı olmayan aviasiya kimi ekranoplanlar dinc dövrdə də faydalıdır. Belə ki, Rusiyanın "Ekolen" təşkilatı "Xəzər canavarı"nın mülki analoqunu yaradır. Bu ekranoplan təyyarə sürəti ilə uça bilir və 750 tona qədər yükgötürmə qabiliyyətinə malikdir. Ekranoplan dəniz və çaylarda, tundrada və səhrada istismar üçün uyğundur. Ekranoplanın qalxması və oturması üçün yalnız kifayət qədər ölçüləri olan su akvatoriyası və ya düz səthli torpaq sahəsi lazımdır.

İşləmə prinsipi

Ekranoplan işləmə prinsipi belədir: çox aşağı hündürlükdə uçuş zamanı hava axını qanadın altında sıx "hava yastığı" yaradır. Aparat dəniz, buz və qarla örtülmüş ərazi və ya çöl üzərində qalxaraq 500 km/saata qədər sürətlə uçur. "Çayka-2" 10 tona qədər ağırlığı qaldırır.

Alekseyev adına Nijni Novqorod Konstruktor Bürosu həmçinin ekranoplanın ağır versiyasının – 100 tonluq uçuş kütləsi olan A-080 "Çayka-3" üzərində işləyir. Perspektivli maşın Rusiya istehsalı olan müasir avionika və naviqasiya-pilotaj kompleksinə malik olacaq. O, beş dərəcə maili olan sahilə çıxa, suda və aerodromda otura biləcək.

Hətta köhnə "Lun" ekranoplanı texnoloji cəhətdən böyük təəssürat yaradır. O, 450 km/s sürətlə 3 metrdən 500 metrə qədər yüksəklikdə 2000 km-dən çox məsafəni qət edə bilir. Ölçülərinə baxmayaraq bu ekranoplan nəqliyyat təyyarəsindən beş dəfə az yanacaq sərf edir.

"Lun" yalnız görünüşü ilə özünə hörmət yaradır. Onun korpusunun ön hissəsində, pilonda 8 mühərrik yerləşir. Onların ucluqları ekran effektini artırmaq üçün bucaq altında suya istiqamətlənib. Ekranoplanın füzelyajında üç cüt gəmi əleyhinə ZM-80 "Moskit" raketi quraşdırılıb. "Lun"un uzunluğu təxminən 74 metrdir. 44 metr uzunluğu və 550 kvadrat metr sahəsi olan qanadları 380 ton maksimum uçuş kütləsi olan cihazın kosmik görünüşünü tamamlayır.

Döyüş təyinatına gəlincə, onun üç ədəd "Moskit" raketi (yaylım atəşi ilə maksimal sürəti 2,8 Maxdır) bir aviadaşıyıcını məhv etmək üçün kifayətdir.

Ekranoplanlar SSRİ donanması üçün düşmən gəmilərini məhv etməyin vasitəsi kimi yaradılıb. "Lun"un ilk uçuşu 1985-ci ildə baş tutub. Böyük yükgötürmə, quru və buz üzərində uçmaq (həmçinin böyük yüksəkliklərdə uçmaq) qabiliyyəti ilə birlikdə yüksək sürəti və çevikliyi onun inanılmaz imkanlarını təmin edir.

"Lun" və "Orlenok" ekranoplanları raketlərin və desant qüvvələrinin çatdırılması üçün uyğunlaşdırılıb. "Orlenok" desant ekranoplanı kiçik ölçülü olub qoşunların və texnikanın sürətli daşınması üçün nəzərdə tutulub. SSRİ-nin dağılmasından sonra bu aparatların istehsalı dayandırılıb (həmin vaxta qədər 903 layihəsinin ikinci "Lun"u 95 faiz hazır idi) və döyüş qabiliyyətli "aviadaşıyıcı qatili" Xəzər sahilində yan aldı.

2
ABŞ Dövlət Departamentinin binası, arxiv şəkli

Rusiya səfirliyi ABŞ-ın "təbliğat" ilə bağlı məruzəsini şərh edib

1
(Yenilənib 18:14 06.08.2020)
Rusiya səfirliyi "ABŞ-ı tənqid etməyə cürət edən" Rusiya və xarici mediaya "ciddi araşdırma predmeti ola biləcəklərini" nəzərə almağı tövsiyə edib

BAKI, 6 avqust — Sputnik. ABŞ Dövlət Departamentinin "Rusiya təbliğatı" haqqında məruzəsi Moskvanın ABŞ-la əməkdaşlığın bərpası ilə bağlı təkliflərini "susdurmağa" yönəlib.

Sputnik Azərbaycan RİA Novosti-yə istinadən xəbər verir ki, bu barədə Rusiyanın Vaşinqtondakı səfirliyi bildirib.

Bir qədər əvvəl Dövlət Departamenti yanında Qlobal Əməkdaşlıq Mərkəzi "Rusiya Dezinformasiyasının Sütunları" adlı məruzə dərc edib. Məruzədə "Rusiya təbliğatı" anlayışı sistemləşdirilir. Bu anlayışa əsasən dövlət maliyyələşməsi olan Rusiya mediası aid edilib. Dezinformasiyaya misal olaraq Sputnik, RİA Novosti, RT, Birinci Kanal, "Rossiya 24" və digərlərinin xəbər başlıqları göstərilir.

Rusiya səfirliyi "ABŞ-ı tənqid etməyə cürət edən" Rusiya və xarici mediaya "ciddi araşdırma predmeti ola biləcəklərini", onların ABŞ sosial şəbəkələrində resurslarının səbəbi açıqlanmadan bağlana biləcəyini nəzərə almağı tövsiyə edib.

Səfirlikdən bildiriblər ki, Dövlət Departamenti "alternativ informasiya mənbələrinin mövcudluğunu qətiyyən bəyənmir". Diplomatik missiya qeyd edib ki, onların nüfuzdan salınması üçün "ciddi resurslardan istifadə olunur".

"Vaşinqtona zidd istənilən səs Kreml və Rusiya xüsusi xidmət orqanlarına xidmət edən "dezinformasiya" elan edilir", - rusiyalı diplomatlar "Facebook"da dərc edilmiş şərhdə qeyd ediblər.

Səfirlik məruzədə yazılmış cəfəng fikirləri açıqlayıb. Belə ki, ABŞ Dövlət Departamenti "rəsmi hökumət kommunikasiyaları" hissəsinə Rusiyanın Liberal-Demokrat Partiyasının lideri Vladimir Jirinovskini və "Qovorit Moskva" özəl radiostansiyasını daxil edib.

"Əgər bu, amerikalı həmkarlarımızın bu qədər diqqətlə qurduqları bütün konstruksiyanın zirvəsidirsə, onda o, daha çox kartdan düzəlmiş evə oxşayır", - səfirlikdən bildiriblər.

ABŞ Dövlət Departamenti 2021-ci ildə "Rusiya tərəfindən dezinformasiyanın və təbliğatın qarşısının alınması" üçün 138 milyon dollar istəyib. Kreml və Rusiya Xarici İşlər Nazirliyi əvvəllər dəfələrlə Rusiyaya ünvanlanan dezinformasiya ittihamlarını təkzib ediblər.

ABŞ-da xarici yayım üzrə dövlət agentliyi mövcuddur ki, o da Rusiya Ədliyyə Nazirliyinin digər media ilə birlikdə xarici agentlər siyahısına daxil etdiyi "Amerikanın Səsi" və "Azadlıq/Azad Avropa" radiosunun ana strukturudur. 1994-cü ildən Yayım Məsələləri Üzrə İdarəetmə Şurası (BBG) adlanan təşkilat 2018-ci ildə ABŞ-ın Qlobal Media Agentliyi (USAGM) adlandırılıb. Onun çərçivəsində televiziya proqramları buraxılır, lakin demək olar ki, yalnız internet yayım üçün. Agentlik bütünlüklə ABŞ büdcəsindən maliyyələşdirilir. 2017-ci ildə onun xərcləri 748 milyon dollar təşkil edib.

1