Robert Koçaryan

Koçaryan vaxtilə saymadığı qurumdan kömək istəyir

85
(Yenilənib 17:52 07.08.2019)
Robert Koçaryan da daxil olmaqla Ermənistanın heç bir prezidenti BMT-nin Dağlıq Qarabağa dair 1993-cü ildə qəbul etdiyi 4 qətnamədən heç birini indiyədək yerinə yetirməyib

BAKI, 7 avqust — Sputnik. Ermənistanda həbsdə olan ölkənin ikinci prezidenti Robert Koçaryanın vəkilləri BMT-nin İnsan Haqları üzrə Komitəsinə müraciət etməyi nəzərdən keçirir. Sputnik Ermənistan xəbər verir ki, bunu bu gün keçirilən mətbuat konfransında Koçaryanın vəkili Aram Orbelyan bildirib.

Onun sözlərinə görə, elə etmək lazımdır ki, bu müraciət Avropa İnsan Haqlarına edilən müraciətlə üst-üstə düşməsin. Çünki bir insan haqlarına dair məsələyə eyni zamanda iki beynəlxalq instansiya tərəfindən baxıla bilməz.

Orbelyan əlavə edib ki, zaman keçdikdə Koçaryanın işi üzrə pozuntuların sayı artır.

Xatırladaq ki, 2008-ci ilin fevral ayında Ermənistanda prezident seçkiləri keçirilib. O vaxt Mərkəzi Seçki Komissiyası namizədlərdən biri olan və hakimiyyətin dəstəklədiyi Serj Sarqsyanın 52,8 faiz səs topladığını və qalib gəldiyini elan edib. Digər namizəd - Ermənistanın ilk prezidenti Levon Ter-Petrosyan seçkidə saxtakarlıq olduğunu elan edib və nəticələri tanımayıb.

Seçkilərin nəticələrinin saxtalaşdırılmasına etiraz olaraq, martın 1-2-də ölkədə geniş aksiyalar keçirilib. Hakimiyyət mitinqin dağıdılması üçün güc tətbiq edib. Ordu və polisin açdığı atəş nəticəsində 10 nəfər ölüb, xeyli insan yaralanıb. Bu hadisələri törədənlər indiyədək cəzalandırılmayıblar.

Nikol Paşinyan Ermənistanın baş naziri olandan sonra 2008-ci ilin 1-2 mart hadisələrinə görə cinayət işi təzələnib. O zaman prezident olan Robert Koçaryan məsələ ilə bağlı 2018-ci il iyulun 27-də həbs olunub.

Bu ilin mayın 13-də Ermənistanın keçmiş prezidenti Robert Koçaryan, sabiq müdafiə naziri Seyran Ohanyan, müdafiə nazirinin keçmiş müavini, Kollektiv Təhlükəsizlik Müqaviləsi Təşkilatının keçmiş katibi general Yuri Xaçaturov və Ermənistanın baş nazirinin keçmiş müavini Armen Gevorkyanın məhkəməsi başlayıb.

Həmin şəxslər konstitusiya quruluşunu devirmək və külli miqdarda rüşvət almaq, qanunsuz yolla əldə edilən vəsaitləri leqallaşdırmağa görə ittiham edilirlər.

Bu ilin mayın 18-də isə Yerevanın birinci instansiya məhkəməsi Ermənistanın ikinci prezidenti Robert Koçaryanı həbsdən azad edib.

İyunun 25-də Apellyasiya Məhkəməsi keçmiş prezidenti yenidən həbs edib.

Onu da xatırladaq ki, Robert Koçaryan da daxil olmaqla Ermənistanın heç bir prezidenti BMT-nin Dağlıq Qarabağa dair 1993-cü ildə qəbul etdiyi 4 qətnamədən heç birini indiyədək yerinə yetirməyib.

85
Teqlər:
BMT, məhkəmə, Robert Koçaryan, Ermənistan
Əlaqədar
İddiası baha başa gəldi, Koçaryanı yenə tutdular
Koçaryan işi böyüyür: Hakimə “imtina” təklif edildi
Yerevanda ara qarışdı, Koçaryanın tərəfdarları küçələrə axışdılar
Koçaryana Koçaryanla görüşməyə imkan vermədilər
Koçaryanı azadlığa buraxmış hakimin kabinetində axtarış aparıldı
Çap maşını, arxiv şəkli

Çin jurnalistlərini ölkədən çıxaran ABŞ-a "cavab zərbəsi" hazırlayır

5
(Yenilənib 17:02 04.08.2020)
"Global Times" qəzetinin baş redaktoru Xu Sitszin: "ABŞ tərəfinin jurnalistlərin vizasını uzatmadığını nəzərə alan Çin, ən pis ssenariyə hazırlaşır"

BAKI, 4 avqust — Sputnik. Çin Xalq Respublikası "ən pis ssenari"yə hazırlaşır. Çünki çinli jurnalistlərin hamısının ABŞ-ı tərk etməsi lazım gələcək. Bu barədə məlumatı "Global Times" qəzetinin baş redaktoru Xu Sitszin verib. Onun sözlərinə görə, bu halda Pekin cavab tədbirləri, o cümlədən Honkonqda yerləşən amerikalı jurnalistlərə qarşı tədbirlər görəcək.

"ABŞ tərəfinin Çin jurnalistlərinin vizasını uzatmadığını nəzərə alan ÇXR tərəfi ən pis ssenariyə hazırlaşır. Çünki Çin jurnalistlərinin hamısının ABŞ-ı tərk etməsi lazım gələcək. Bu halda Çin cavab zərbəsi endirəcək və Honkonqda yerləşən amerikalı jurnalistlərlə bağlı müvafiq tədbirlər görəcək", - deyə baş redaktor "Twitter"-də yazıb.

RİA Novosti xəbər verir ki, ABŞ-la Çin arasında ziddiyyətlər koronavirus epidemiyasının KİV-də işıqlandırılması ilə əlaqədar kəskinləşib.

ABŞ Çinin bir sıra dövlət KİV-dən Amerika ərazisində fəaliyyət göstərən jurnalistlərin sayını azaltmağı tələb edib ki, bu da 60 jurnalistin faktiki olaraq ölkədən çıxarılmasına səbəb olub.

Çin isə öz növbəsində "New York Times", "Wall Street Journal" və "Washington Post" qəzetlərinin ÇXR ərazisində fəaliyyət göstərən amerikalı müxbirlərinə qarşı jurnalist vəsiqələrini təhvil vermək tələbini irəli sürüb. Həmçinin ABŞ-dan olan jurnalistlərin ölkəni tərk etməsi tələb olunub.

5
 Koronavirus qarşı peyvənd, arxiv şəkli

COVID-19 vaksininin uşaqlar üzərində sınaqlarının tarixi məlum olub

131
(Yenilənib 16:00 04.08.2020)
Sınaqlar qışda başlayacaq çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

BAKI, 4 avqust — Sputnik. Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

Sputnik Azərbaycan RİA Novosti-yə istinadən xəbər verir ki, bu barədə mərkəzin direktoru Aleksandr Gintsburq bildirib.

"Biz bu sənəd paketini işləyib hazırlamağa başlamışıq, çünki institut heç vaxt uşaqlar üzərində sınaq aparmayıb. Pediatrlar bu xüsusiyyətləri bilirlər və biz onlarla birlikdə Səhiyyə Nazirliyinə təqdim edəcəyimiz sənədlər paketini yazırıq ki, uşaqlar üzərində bunu həyata keçirə bilək – amma yalnız böyüklər üzərində bütün tədqiqatları bitirdikdən sonra", - Ginsburq bildirib.

Onun sözlərinə görə, sınaqlar qışda başlayacaq, çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

Koronavirusa qarşı Rusiya peyvəndinin sınaqları

Bundan əvvəl Rusiya Səhiyyə naziri Mixail Muraşko Qamaleya adına Milli Epidemiologiya və Mikrobiologiya Tədqiqat Mərkəzi tərəfindən hazırlanmış peyvəndin klinik sınaqlarının başa çatdığını elan edib.

O, hökumətin oktyabrda kütləvi peyvəndləmə aparmaq niyyətində olduğunu vurğulayıb. Peyvəndlər ilk növbədə "xüsusi qruplar"nın nümayəndələrinə – tibb işçilərinə və müəllimlərə veriləcək.

Mütəxəssislər preparatı Müdafiə Nazirliyi ilə birgə işləyib hazırlayıblar. İyulun sonunda hərbi hospitaldan sınaqlarda iştirak etmiş 20 könüllünün ikinci qrupu buraxılıb. Onların hər birində immun reaksiya yaranıb, heç bir yan təsir və ya ağırlaşma aşkar edilməyib.

"Vektor" mərkəzi də öz vaksininin klinik sınaqlarını həyata keçirməyə başlayıb. Bu vaksinin istehsalı noyabrda başlaya bilər.

131
Пульты дистанционного управления телевизором, фото из архива

MTRŞ: “Space” telekanalının yayımı 3 saat dayandırılacaq

0
(Yenilənib 18:28 04.08.2020)
“Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edilib.

BAKI, 4 avqust — Sputnik. Milli Televiziya və Radio Şurasının (MTRŞ) videoformatda iclası keçirilib.

MTRŞ-dan APA-ya verilən məlumata görə, iclasda 20 – 31 iyul 2020-ci il tarixlərində ümum-ölkə televiziya kanallarının monitorinqinin nəticələri müzakirə olunub.

23 iyul 2020-ci il tarixdə “Space” televiziya kanalının efirində saat 19.00 – 20.00 arası müddətdə 20 dəqiqə 48 saniyə reklam yayımlanması ilə “Televiziya və radio yayımı haqqında” Azərbaycan Respublikasının Qanununun 35.7-ci maddəsinin tələbləri pozulub.

Qanunun 23.1-ci maddəsini rəhbər tutaraq “Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edib.

0