ABŞ-ın Rusiyadakı səfiri Con Hantsman

ABŞ səfiri Moskvanı niyə tərk edir? Ekspert danışdı

24
(Yenilənib 17:20 07.08.2019)
Səfirin vəzifəsindən getmək səbəbləri artıq spekulyasiya mövzusuna çevrilib

BAKI, 7 avqust — Sputnik. Bir müddət öncə verilən məlumata görə, ABŞ-ın Rusiyadakı səfiri Con Hantsman istefa verib. Sputnik Azərbaycan "The Salt Lake Tribune" qəzetinə istinadən xəbər verir ki, səfir istefa ərizəsini artıq Prezident Donald Trampa göndərib.

Məlumata görə, diplomat vəzifəsindən oktyabrın 3-də gedəcək. Qəzetin saytında Hantsmanın istefa məktubunun bir nüsxəsi yerləşdirilib. Məktubunda siyasətçi qeyd edib ki, ailəsi ilə əlaqələri bərpa etmək üçün xanımı ilə Amerikaya qayıtmaq niyyətindədir.

Hantsman məktubunda, həmçinin göstərilmiş etimada və Moskvada səfir vəzifəsini tutmaq imkanına görə Trampa təşəkkürünü bildirib.

O, 2017-ci ildə ABŞ-ın Moskvadakı diplomatik missiyasına başçılıq etməyə başlayıb.

Qeyd edək ki, səfirin vəzifəsindən getmək səbəbləri artıq spekulyasiya mövzusuna çevrilib. Belə ki, "Atlantic" nəşrinin mənbələrə istinadən verdiyi xəbərə görə, diplomat Yuta ştatının qubernatoru seçkilərində iştirak etməyə hazırlaşır. O, 2004-2009-cu illərdə bu ştata başçılıq edib.

Radio Sputnik-ə danışan amerikaşünas alim, politoloq Dmitri Drobnitski səfirin istefası səbəbləri ilə bağlı öz fikirlərini paylaşıb: "Hesab edirəm ki, burada söhbət hər hansı bir təcili istefadan getmir. Çox güman ki, bu planlaşdırılmış şəkildə baş verib".

Drobnitskinin fikrincə, Vaşinqtonun Moskvadakı təmsilçisini dəyişməsinin iki səbəbi var.

"Birinci səbəbi çox yaxşı bilirik: Con Hantsman əvvəllər Atlantik Şura beyin mərkəzində əsas şəxs olub. Bu təşkilat isə Rusiya Federasiyası ərazisində arzuolunmaz təşkilat kimi tanına bilər (Baş Prokurorluq Amerikanın bu qeyri-hökumət təşkilatının fəaliyyətinin Rusiya ərazisində arzuolunmaz olduğunu tanıyıb və qərarı Ədliyyə Nazirliyinə göndərilib – red.)", - o deyib.

Drobnitski deyib ki, ikinci səbəb də var: "Hantsmanın təyinatı özlüyündə Rusiya diplomatiyası ilə müəyyən bir körpü qurmaq üçün edilmiş bir aralıq təyinat kimi qəbul edilirdi.

 Hantsman qismən bu işin öhdəsindən gələ bilib. Lakin bəllidir ki, Tramp daha çoxunu istəyir. Bu aydın faktdır".

"Təbii ki, bu vəzifəni başqa kimsə tutmalıdır. Bu elə bir adam olmalıdır ki, avroatlantizm ideologiyasını təmsil etməsin. Hantsman öz nazirliyinə və vəzifəsinə loyal olsa da, onu avroatlantizm siyasətindən döndərmək mümkün deyil. Bu gün başqa adamlara ehtiyac var – başqa zəmanə yaxınlaşır", - Drobnitski deyib.

Lakin onun fikrincə, digər ABŞ səfirləri ilə müqayisədə Hantsman öz vəzifələrini olduqca ləyaqətlə yerinə yetirib.

Bildirək ki, artıq ABŞ-ın Rusiyadakı səfirliyi Con Hantsmanın vəzifəsini oktyabrın 3-də tərk edəcəyini təsdiqləyib.

24
Teqlər:
istefa, səfir, Rusiya, ABŞ

Ərdoğan Qarabağa görə Putinə zəng vurdu

43
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

43
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ
Buludlar arasında ay, arxiv şəkli

Dünyanın başına yeni Ay dolanır

21
(Yenilənib 23:34 24.11.2020)
Yer kürəsində tez-tez belə miniatür "Aylar" olur. Ancaq, bir qayda olaraq, onlar doqquz aydan çox olmamaq şərtilə planetin ətrafında fırlanaraq, Günəş sistemi ilə "səyahətə" çıxır

BAKI, 24 noyabr — Sputnik. Dünyanın ətrafına üç ildir ki, dövr edən miniatür peyk aşkar edilib. Sputnik Azərbaycan xarici mətbuata istinadla xəbər verir ki, alimlər bu obyekti planetimizin yaxınlığında olarkən aşkar edə biliblər.

Göydəki zəif bir nöqtəni 2020-ci ilin fevralında Arizonadakı "Catalina Sky Survey"dən olan astronomlar görə biliblər. Onlar obyekti "2020 CD3" adlandırıblar. Peykin təbiətini müəyyən etmək dərhal mümkün olmayıb. Əvvəlcə alimlər onun bir qaya parçası, bir peyk və ya raket parçası ola biləcəyini düşünüblər.

Daha sonra kiçik peyk yaxından araşdırılıb, onun təbii mənşəli olduğu qənaətinə gəliblər. Diametri yalnız 1,2 metr olan peyk Günəş sisteminin asteroid qurşağındakı əksər obyektlər kimi silikatlardan ibarətdir.

Tədqiqatçılar onun trayektoriyasını müşahidə edərək, müəyyən ediblər ki, peyk Yerin orbitində 2,7 il əvvəl görünüb. Yer kürəsində tez-tez belə miniatür "Aylar" olur. Ancaq, bir qayda olaraq, onlar doqquz aydan çox olmamaq şərtilə planetin ətrafında fırlanaraq, Günəş sistemi ilə "səyahətə" çıxır. "2020 CD3" həqiqi Aya çox yaxın uçub və bu onu daha sabit bir orbitə çıxarıb.

2020-ci ilin martında peyk Yer kürəsinin yaxınlığını tərk edib. Ancaq elm adamlarının dediyi kimi, Çilidə Vera Rubin Rəsədxanası işə düşdükdən sonra çox sayda belə miniatür obyekt tapa biləcəklər. Ən yaxşı halda, komanda iki-üç ayda bir yeni "mini Ay" kəşf edəcək. Bu tip asteroidlər haqqında çox az şey bilinir və onların Yerin orbitinə yaxınlaşması müşahidə üçün misilsiz imkanlar yaradır.

21
Teqlər:
kosmos, Yer, peyk, Ay
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

75
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

75
Teqlər:
Azərbaycan ordusu, Qarabağ, Kəlbəcər rayonu