Çili istiotu, arxiv şəkli

Çin ABŞ-a güclü zərbə endirdi

1118
(Yenilənib 23:03 05.08.2019)
Çin hökuməti ölkəyə Amerikanın kənd təsərrüfatı məhsullarının ixracının dayandırılmasına göstəriş verib

BAKI, 6 avqust — Sputnik. Çin hökuməti ölkəyə Amerikanın kənd təsərrüfatı məhsullarının idxalının dayandırılmasına göstəriş verib. Şirkətlər artıq idxalı dayandırıblar və indi iki ölkənin ticarət danışıqlarının irəliləməsini gözləyirlər.

Sputnik Azərbaycan xarici mediaya istinadla xəbər verir ki, bu barədə Bloomberg nəşri məlumat yayıb.

Pekinin qərarı ABŞ prezidenti Donald Trampın avqustun 1-də 300 milyard dollar dəyərində qiymətləndirilən Çin məhsullarının idxalına 10 faizlik rüsum tətbiq etmək niyyətində olduğunu açıqlamasından sonra verilib.

"Çin ticarət müharibəsində daha yumşaq diplomatik strategiyadan imtina edir və ABŞ üçün "boks kisəsi" rolunu icra etmək istəmir. Trampın yeni ticarət rüsumu ilə bağlı təhdidləri vəziyyəti yalnız pisləşdirir və tammiqyaslı ticarət müharibəsinə aparır", - Maybank Kim Eng Research Pte şirkətinin analitikləri bildiriblər.

İki nəhəng arasında buzlar əriyir - milyonlarla ton məhsul yolda>>

Çin öz milli valyutasının məzənnəsinin son 10 ildə ən aşağı səviyyəsinə enməsinə icazə verib. Avqustun 5-də 2008-ci ildən bəri ilk dəfə olaraq bir dollar yeddi yuan psixoloji həddini aşaraq bir dollar üçün 7,02 yuana qədər yüksəlib. Bu hal Çin Xalq Bankı 2018-ci ilin dekabr ayından bu yana Çin valyutası üçün ən aşağı səviyyəni - bir dollar üçün 6.9225 yuan - müəyyən etdikdən sonra baş verib.

Trampın rəsmi Pekinə iradlarından biri də onunla bağlıdır ki, onun fikrincə, Çin ixracatçılara kömək etmək üçün öz milli valyutasının məzənnəsini ədalətsiz şəkildə idarə edir. Bununla yanaşı, Çin iyun ayında G20 sammitində tərəflərin əldə etdiyi barışıqdan sonra Amerika kənd təsərrüfatı məhsullarının idxalını artırmaqla bağlı vədini yerinə yetirməyib.

Çin ABŞ-dan alınan soya və qarğıdalı kimi məhsulların dünya üzrə əsas idxalatçısıdır. Lakin 2018-ci ildə başlanan ticarət qarşıdurmasından sonra Pekin ABŞ-dan alınan kənd təsərrüfatı məhsullarına tətbiq edilən rüsumları artırıb və idxalın həcmini ixtisar edib.

ABŞ və Çin arasındakı ticarət əlaqələrinin növbəti kəskinləşməsi, Vaşinqton və Pekin arasındakı ticarət danışıqlarının 12-ci raundundan sonra baş vermişdi. Bundan əvvəl, 2019-cu ilin may ayında, məsləhətləşmələrin uğursuz olduğu ortaya çıxan 11-ci raundundan sonra tərəflər qarşılıqlı ticarət rüsumlarını tətbiq etməyə başlayıblar. ABŞ Çindən 200 milyard dollarlıq, Çin isə ABŞ-dan 60 milyard dollarlıq idxal mallarına rüsum tətbiq etməyə başlayıb.

1118
Teqlər:
qadağa, idxal, ticarət, ABŞ, Çin
Nurlan İbrahimov, arxiv şəkli

"Qarabağ" klubu onun mətbuat katibinə qarşı UEFA-dan ağlasığmaz qərar

18
Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə, UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırıb.

BAKI, 26 noyabr — Sputnik. UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırmaq barədə qərar verib.

Sputnik Azərbaycan UEFA-nın rəsmi saytına istinadla xəbər verir ki, İbrahimov Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə bu cəzaya məruz qalıb.

Bununla yanaşı, qurum Ağdam klubunu da 100 000 avro məbləğində cərimələyib.

UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.

"Qarabağ" klubu da öz növbəsində Nurlan İbrahimovla bağlı UEFA-nın yekun qərarına etiraz edəcək.

Bu barədə "Report"a Ağdam təmsilçisinin direktoru Emrah Çelikel məlumat verib.

Çelikel bildirib ki, klub bu yöndə lazımi tədbirləri görəcək: "Xəbər hələ çox yenidir, cəmi 15 - 20 dəqiqə əvvəl almışıq. Nə cür addım atacağımıza rəhbərliklə müzakirələrdən sonra qərar verəcəyik".

Çelikəl qərardan apellyasiya veriləcəyini də söyləyib: "Klubun mövqeyindən və Nurlan tərəfdən baxanda cəza çox ağırdır. UEFA-nın tabeliyində olan klub kimi onların qərarlarına hörmət etmək borcumuzdur. Ancaq haqsızlıq olduğunu düşündüyümüz halda lazımi etirazları edəcəyik. Qərarla bağlı UEFA-ya mütləq müraciət olunacaq".

18
Teqlər:
ermənilər, Ermənistan, UEFA, "Qarabağ", Qarabağ FK
Erməni əsgərlərin dəbilqələri, arxiv şəkli

Ermənistanda müharibədən sonra gizlədilən sirr - altından çıxa bilməyəcəklər

62
Türkiyə KİV-i yazır ki, "CNN", "Al Jazeera" və "The Guardian" kimi prestijli media qurumlarında müxbir olan Neil Hauer Ermənistanda bu rəqəmin 10 minə çata biləcəyinin də istisna olunmadığını qeyd edir.

BAKI, 26 noyabr — Sputnik. Ermənistanın Qarabağda gedən müharibə zamanı itkilərinin sayı 10 minə qədər yüksələ bilər. Bu barədə Sputnik Azərbaycan Türkiyənin "Milliyet" nəşrinə istinadən xəbər verir.

Nəşr qeyd edir ki, Ermənistan tərəfi hələ xeyli sayda hərbçinin itkin düşdüyünü bildirir. Artıq bu ölkədə Qarabağ müharibəsi zamanı erməni hərbçilər arasında itkilərin 8 min ola biləcəyinə dair fikirlər irəli sürülür.

Türkiyə KİV-i yazır ki, "CNN", "Al Jazeera" və "The Guardian" kimi prestijli media qurumlarında müxbir olan Neil Hauer Ermənistanda bu rəqəmin 10 minə çata biləcəyinin də istisna olunmadığını qeyd edir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

62
Teqlər:
Qarabağ müharibəsi, müharibə, Ermənistan
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

2
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

2
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19