Amerika qırıcıları - F-15E Strike Eagles

ABŞ İrana zərbə endirməyə hazırlaşır: Amerika KİV-ləri işarə verir

806
(Yenilənib 20:38 05.08.2019)
Şərqşünas İqor Pankratenko ABŞ mediasının İran kampaniyası barədə həqiqətləri yazmadığını, İranın isə "qırmızı xətt"i keçməyə hazırlaşmadığını deyir

Aleksandra Zuyeva, Sputnik Azərbaycan

BAKI, 5 avqust — Sputnik. Fars körfəzi üzərində peyda olan Amerika eskadrilyası İranla müharibəyə hazırlıq əlaməti olmayan hərbi əməliyyatlar səhnəsinin öyrənilməsi ilə məşğuldur. Bunu Sputnik Azərbaycan-a şəqrşünas İqor Pankratenko deyib.

Bu günlərdə Amerikanın "The Drive" onlayn nəşri xəbər verib ki, Fars körfəzi üzərində yüksək dəqiqliyə malik silahlarla təchiz edilmiş Amerika qırıcıları - "F-15E Strike Eagles"-lar keşik çəkir. Qeyd olunur ki, onlar regionda İranın neft tankerinə hücumları fonunda peyda olub və bölgədəki yük daşımalarına mane ola biləcək kiçik İran gəmilərinin kütləvi şəkildə məhv edilməsi üçün göndərilib.

Pankratenko qeyd edib ki, "The Drive"-ın məqaləsində hər şey yazılıb, lakin bir əhəmiyyətli nüans buraxılıb: baş verən hər şey təlimlərlə əlaqədardır. Mütəxəssisin izahatına görə, əgər hansısa hərbi bölmələr bir bölgəyə təşrif buyurursa, onlar taktiki kəşfiyyat təlimi keçməli, hərbi əməliyyat səhnəsi təşkil edərək kəşfiyyat işləri aparmalıdırlar.

"Bu, sabah müharibənin olub-olmayacağından asılı olmayaraq baş verir", - ekspert deyib.

Hazırda sözügedən məqalədə adı çəkilən eskadrilya hərbi əməliyyatlar səhnəsinin öyrənilməsi ilə məşğuldur. Bu isə İranla müharibəyə hazırlığın əlaməti deyil, zərbə endirmək üçün bir məşqdir.

Sputnik Azərbaycan-ın həmsöhbətinin fikrincə, bu, nəinki təkcə təlimdir, həm də Amerika silahlı qüvvələrinin imkanlarını Tehrana nümayiş etdirmək məqsədi daşıyır ki, əgər İran tərəfi "həddini aşsa", Birləşmiş Ştatlar Hörmüz Boğazını ciddi şəkildə təmizləməyə başlayacaq.

Tehranın hərəkətlərinə gəlincə, Pankratenko deyib ki, bu ərəfədə İran tərəfinin qaçaqmalçılıq yolu ilə dizel yanacağı daşıyan İraq tankerini saxlaması çox diqqətçəkən məqamdır.

"Həmin tanker saxlanandan dərhal sonra İran İslam İnqilabı Keşikçiləri Korpusunun komandanlığı bəyan edib ki, bu insidenti vəziyyəti gərginləşdirmək cəhdi kimi qəbul etmək lazım deyil. Qaçaqmalçılıq və ona himayədarlıq edən korrupsiya bürokratiyasına qarşı mübarizə sırf İranın tarixi vəzifəsidir və buna görə də komandanlıq "uşaqlar, xahiş edirik, kəskin reaksiya verməyin" eyhamını vurub, - deyə şərqşünas əlavə edib.

"İran mövcud "qırmızı xətti" yaxşı görür. Hazırda onun bu xətti keçməkdə və onsuz da ağır olan vəziyyəti daha da ağırlaşdırmaqda heç bir marağı yoxdur", - ekspert belə hesab eləyir.

Sputnik Azərbaycan-ın həmsöhbətinin fikrincə, hazırda iranlılarla amerikalılar arasında "sülh, dostluq, uşaq başı aldatmaq" vəziyyəti hökm sürür, amma bunun nə qədər belə davam edəcəyini heç kəs deyə bilməz. Hələlik mövcud status-kvo qorunub saxlanılır və yaxşı olardı ki, bu, uzun müddət davam etsin. Ən azından, indi amerikalılarla İran tərəfi arasında danışıqlar gedir. Vəziyyətin ağırlaşmadan beləcə davam etməsi arzuolunandır.

806
Teqlər:
eskadra, KİV, zərbə, tanker, ABŞ, İran
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

21
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

21
Xoruz

Xoruz polis şefini öldürdü

25
(Yenilənib 23:34 28.10.2020)
Filippində polislər xoruz döyüşlərinə qarşı reydlər keçiriblər. Bu zaman döyüş xoruzu yerli polis şefini öldürüb.

BAKI, 28 oktyabr — Sputnik. Filippində olduqca qəribə qətl hadisəsi baş verib. Belə ki, xoruz yerli polis şefini öldürüb. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Filippində polislər xoruz döyüşlərinə qarşı reydlər keçiriblər. Belə reydlərdən biri zamanı döyüş xoruzu yerli polis şefini öldürüb. Belə ki, xoruzun caynağına ülgüc bağlanıbmış.

25
Teqlər:
Filippin
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0