Meşə yanğını, arxiv şəkli

Rusiyadakı meşə yanğınlarını şamanlar söndürəcəklər araq qoçla

65
(Yenilənib 19:45 01.08.2019)
Hər bir şaman avqustun 2-də öz evində ayin keçirəcək

BAKI, 1 avqust — Sputnik. "Araq özündə ilahi qidanı təcəssüm etdirir; onu kişi tanrılara qurban gətirirlər".

Sputnik Azərbaycan xəbər verir ki, bu barədə RİA Novosti-yə məşhur folklorçu və etnoqraf Timofey Moldanov deyib.

Onun sözlərinə görə, hər bir şaman avqustun 2-də öz evində ayin keçirəcək.

"Ayinləri dünən başlamışıq, ali qüvvələrin dəstəyini almışıq. Yağışlar yağacaq", - o deyib.

Moldanov bildirib ki, ayinlərdə dolqanlar, evenklər, nenlər, komilər, marilər, çoxsaylı Yuqra və Yamal xalqları iştirak edəcəklər.

"Moskovski Komsomolets" nəşri isə xəbər verir ki, sibirli şamanlar yanğınların söndürülməsinə kömək etmək üçün Baykal gölünün ən böyük adası olan Olxonda yığışacaqlar. Avqustun 4-də keçiriləcək ayində 40 nəfər iştirak edəcək.

"Tenqeri" şaman təşkilatının rəsmisi Oksana Kim qəzetə bildirib ki, ayin zamanı tanrılara araq və ağ qoç qurban gətiriləcək.

"Şamanizm həmişə qurban gətirmə ilə bağlı olub, bunu başa düşmək lazımdır... Biz, həmçinin arağı, südü, peçenyeni, yağı və konfeti qurban gətiririk. Məhsulların seçilməsi təsadüfi deyil: insan üçün ən dəyərli olan qidadır. Biz evsiz yaşaya bilərik, lakin qidasız yox. Araq da özündə ilahi qidanı təcəssüm etdirir; onu kişi tanrılara qurban gətirirlər. Əvvəllər tarasun içkisi istifadə olunurdu, lakin indi onu tapmaq çətindir", - Kim deyib.

65
Rusiyada tibb işçiləri, arxiv şəkli

COVID-19-a yoluxanların sayı 66 milyonu ötdü - Çin Azərbaycandan da geri pillədə

7
Xəstəliyin ilkin mənbəyi hesab olunan Çin yoluxmaya görə artıq xeyli pillə geriləyərək 75-ci yerdə qərarlaşıb

BAKI, 5 dekabr — Sputnik. Sutka ərzində qeydə alınan rəqəmlərə görə, hazırda dünyada COVID-19-a  yoluxanların sayı 66 milyon 231 min 472-dir. Sputnik Azərbaycan-ın www.worldometers-ə istinadən xəbərinə görə, ümumilikdə bu günədək xəstəlikdən ölənlərin sayı 1 milyon 524 min 972-dir. Son sutkaya olan rəqəmlərə görə, virusdan sağalanların sayı isə 45 milyon 812 min 972-dir. Hazırda dünyada aktiv xəstə sayı 18 milyon 894 min 74-dür.

Qeyd edək ki, hazırda xəstəliyə ən çox yoluxma halı ABŞ, Hindistan və Braziliyada qeydə alınıb. Xəstəliyin ilkin mənbəyi hesab olunan Çin isə yoluxmaya görə artıq xeyli pillə geriləyərək 75-ci yerdə qərarlaşıb. Azərbaycan yoluxma sayına görə dünyada 55-cidir.

7
Teqlər:
Braziliya, Hindistan, ABŞ, dünya, yoluxma, Koronavirus, epidemiya, COVID-19, Uhan
Mövzu:
Dünyanı cənginə almış bəla

Çinli virusoloqdan xəbərdarlıq

14
(Yenilənib 10:26 05.12.2020)
Çjenli bildirib ki, koronavirus infeksiyasının heyvanlar və insanlar arasında nə qədər dövr etdiyi hələ müəyyən edilməyib.

BAKI, 5 dekabr — Sputnik. Çinin Uhan şəhərində Şi Çjenli adlı virusoloq koronavirus infeksiyasının yeni növlərinin yayılması barədə xəbərdarlıq edib.

Sputnik Azərbaycan xarici mətbuata istinadla xəbər verir ki, virusoloq Çinin cənubunda və cənub-qərbində yaşayan yarasaların insanlara keçə bilən digər növ koronavirus daşıyıcıları olduğunu bildirib.

Onun sözlərinə görə, bu növ infeksiyalar Çindən kənar ölkələrə də yayıla bilər.

Çjenli qeyd edib ki, COVID-19 yarasalardan insanlara keçməzdən əvvəl başqa heyvanlarda görülə bilər. Onun fikrincə, panqolinlər COVID-19 daşıyıcısı ola bilər. O bildirib ki, koronavirus infeksiyasının heyvanlar və insanlar arasında nə qədər dövr etdiyi hələ müəyyən edilməyib.

Qeyd edək ki, Sidney Universitetindən virusoloq Edvard Holms da Çjenlinin nəzəriyyəsi ilə razılaşır. Holmsun fikrincə də, koronavirus yarasalardan insanlara keçənə qədər daşıyıcı heyvanda ola bilər.

14
Teqlər:
xəbərdarlıq, virusoloq, yarasa, Çin, Koronavirus, epidemiya, COVID-19
Mövzu:
Dünyanı cənginə almış bəla
Bakıda buludlu hava, arxiv şəkli

Sabah meteohəssas insanlar üçün yaxşı gün olacaq

0
Tibbi-meteoroloji proqnoza görə, dekabrın 6-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir

BAKI, 5 dekabr — Sputnik. Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, gecə və səhər zəif duman olacaq. Mülayim şimal-şərq küləyi əsəcək. Havanın temperaturu Bakıda və Abşeron yarımadasında gecə 5-7, gündüz 7-9 dərəcə isti olacaq. Atmosfer təzyiqi normadan yüksək 772 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Dekabrın 6-da Azərbaycanın rayonlarında arabir yağış, dağlıq və dağətəyi rayonlarda qar yağacağı, ayrı-ayrı yerlərdə intensiv olacağı gözlənilir. Bəzi yerlərdə duman olacaq. Mülayim şərq küləyi əsəcək. Havanın temperaturu gecə 2-6, gündüz 6-9 dərəcə isti, dağlarda gecə 5-10 dərəcə şaxta, gündüz 0-5 dərəcə şaxta olacaq.

Tibbi-meteoroloji proqnoza gəldikdə isə, dekabrın 6-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0
Teqlər:
hava proqnozu, qar, külək, şaxta, yağış, buludlu hava