Kabildə hüquq mühafizə orqanının əməkdaşları

Əfqanıstanda adamla dolu avtobus partladı

15
(Yenilənib 10:53 31.07.2019)
Partlayışla bağlı məsuliyyəti hələ ki heç kəs üzərinə götürməyib

BAKI, 31 iyul — Sputnik. Əfqanıstanın Herat vilayətində yol kənarına yerləşdirilmiş bombanın avtobus keçərkən partlaması nəticəsində ən azı 32 nəfər həyatını itirib.

Sputnik Azərbaycan Anadolu agentliyinə istinadən xəbər verir ki, partlayışda, həmçinin 15 nəfər yaralanıb.

Yaralıların çoxunun ağır vəziyyətdə olduğu bildirilir.

Partlayış Qəndəhar-Herat avtomagistralında baş verib. Avtobus partlayış zamanı Heratdan Fərəh vilayətinə gedirmiş.

"TOLO News" telekanalının verdiyi məlumata görə, ölənlər arasında qadın və uşaqlar var.

Partlayışla bağlı məsuliyyəti hələ ki heç kəs üzərinə götürməyib.

15
Teqlər:
avtobus, partlayış, Əfqanıstan