Şanxay limanında yük konteynerləri, arxiv şəkli

İki nəhəng arasında buzlar əriyir - milyonlarla ton məhsul yolda

91
(Yenilənib 20:37 28.07.2019)
"Əgər Amerika kənd təsərrüfatı mallarının qiyməti ağlabatan, keyfiyyəti də yaxşı olsa, o zaman yeni müqavilələr bağlanacaq"

BAKI, 28 iyul — Sputnik. Milyonlarla ton soya Amerikadan Çinə göndərillib.

Sputnik Azərbaycan RİA-Novosti-yə istinadən bildirir ki, bu barədə məlumatı Sinxua agentliyi Kommersiya nazirliyinə istinadən yayıb.

İyulun əvvəlində Tramp bəyan etmişdi ki, Çin verdiyi sözə əməl etməyərək kənd təsərrüfatı mallarını almır və ABŞ-ı pis vəziyyətdə qoyur. Çin öncə bildirmişdi ki, ticarətdəki disbalansı aradan qaldırmaq üçün Amerikanın kənd təsərrüfatı məhsullarının ixracını aktiv şəkildə artırmağa hazırdır. 

"İki ölkənin liderlərinin Osakadakı görüşündən sonra milyonlarla ton Amerika soyası Çinə göndərilib", - agentliyin yaydığı məlumatda deyilir.

Bildirilir ki, iyulun 19-dan etibarən Çin şirkətləri amerikalı tədarükçülərə soya, pambıq, donuz əti və s. kənd təsərrüfatı mallarının qiyməti üçün sorğu göndərib. Müvafiq şirkətlər Amerika mallarının bu hissəsi üçün ixrac rüsumlarının ləğv edilməsi üçün hökumətə müraciət edib. Tariflər üzrə dövlət şurası qanunvericiliyə uyğun qərar verəcək.

"Bundan sonra da, daxili bazarın tələblərindən çıxış edərək Çin şirkətləri Amerikanın kənd təsərrüfatı malları üçün qiymətlərə görə sorğu göndərəcək. Əgər Amerika kənd təsərrüfatı mallarının qiyməti ağlabatan, keyfiyyəti də yaxşı olsa, o zaman yeni müqavilələr bağlanacaq", - agentlik bildirir.

Xatırladaq ki, Sinxuanın bu məlumatı ticari məsələlər üzrə Çin-ABŞ danışıqlarının növbəti mərhələsi ərəfəsində yayılıb. Danışıqların iyulun 30-31-də Şanxayda keçirilməsi nəzərdə tutulur.

91
Teqlər:
danışıqlar, ticarət, ABŞ, Çin
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

1
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

1
London, arxiv şəkli

Fərdi sanksiyalar! Britaniya rusiyalılara səudiyyəlilərə qarşı "müharibəyə" başlayır

1
(Yenilənib 23:01 06.07.2020)
Bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq.

BAKI, 6 iyul — Sputnik. Böyük Britaniyanın Xarici İşlər naziri Dominik Raab bazar ertəsi "Maqnitski düzəlişi" çərçivəsində insan hüquqlarının pozulmasına görə barəsində sanksiyalar tətbiq ediləcək Rusiya və Səudiyyə Ərəbistanı vətəndaşlarının adlarını açıqlayacaq.

Sputnik Azərbaycan xəbər verir ki, bu barədə "Financial Times" qəzeti nazirin özünə istinadən məlumat yayıb.

Nəşrin məlumatına görə, bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq. "Financial Times" yazır ki, sanksiya siyahısında "işgəncə icraçılarının, qatillərin və təcavüzkarların" adları olacaq.

Raabın qara siyahısına, Londonun fikrincə, 2009-cu ildə hüquqşünas Sergey Maqnitskinin ölümündə əli olan şəxslərin adları da daxil ediləcək. Nəşrin məlumatına görə, sanksiyalar dərhal qüvvəyə minəcək.

Qəzetin yazdığına görə, siyahıda müxalifətçi jurnalist Camal Qaşıqçının öldürülməsində əli olduğu şübhəli bilinən Səudiyyə Ərəbistanı təbəələrinin də adları olacaq.

1