Vladimir Zelenski

Zelenski Trampdan gözlədiyi dəstəyi ala biləcəkmi? - ekspert şərh edir

27
(Yenilənib 20:16 26.07.2019)
"Mənə elə gəlir ki, Tramp tədricən siyasi təcrübə yığır və bəzi dövlətlərlə münasibətləri daha çox ölçüb-biçir"

BAKI, 27 iyul — Sputnik. ABŞ Prezidenti Donald Tramp ukraynalı həmkarı Vladimir Zelenski ilə keçirdiyi telefon danışığında energetika və iqtisadiyyat sahələrində əməkdaşlığı müzakirə edib.

Sputnik Azərbaycan xəbər verir ki, bu barədə Ağ Evin yaydığı bəyanatda deyilir: "Bu gün Prezident Donald Tramp bu yaxınlarda baş tutmuş seçkilərin nəticələri ilə bağlı Ukrayna Prezidenti Vladimir Zelenskini təbrik etmək üçün ona telefon zəngi edib. Prezident Tramp və Prezident Zelenski ABŞ və Ukrayna arasında münasibətlərin, o cümlədən energetika və iqtisadiyyat sahələrində əməkdaşlığın möhkəmlənməsi yollarını müzakirə ediblər".

"Hər iki lider, həmçinin səbirsizliklə görüşmək imkanını gözlədiklərini bildiriblər", - bəyanatda deyilir.

Zelenskinin mətbuat xidməti isə bildirib ki, hər iki tərəf Ukrayna liderinin Vaşinqtona səfəri zamanı ölkələr arasında qarşılıqlı əlaqələri əyani şəkildə müzakirə etməyə razılaşıb.

Bundan başqa, qeyd olunur ki, ABŞ prezidenti Ukraynanın ərazi bütövlüyünü dəstəklədiyini və islahatların həyata keçirilməsinə kömək etməyə hazır olduğunu bildirib.

Müasir İdeologiyanın İnkişafı üzrə Milli İnstitutun direktor müavini, politoloq İqor Şatrov Radio Sputnik-in efirində iki ölkə başçısının telefon danışığını şərh edib. Onun fikrincə, Zelenski Trampdan açıq dəstək almayacaq.

"Arzular heç də həmişə reallığa uyğun gəlmir. Zelenskinin arzusu, təbii ki, Rusiya ilə qarşıdurmada dəstək almaqdır. Biz görürük ki, Ali Radanın üzvləri seçiləndən və Zelenskinin mövqeyi möhkəmlənəndən sonra Ukrayna xüsusi xidmətlərinin birinci addımı Rusiya tankerini saxlamaq olub. Hazırda Ukraynaya Birləşmiş Ştatların dəstəyi çox lazımdır, buna görə də Zelenski məhz bu haqda Trampla danışmaq istərdi. Bəs Tramp bu barədə danışmağa hazırdırmı? Əmin deyiləm ki, hazırda Trampa açıq qarşıdurma elə də lazım olsun. Hamı bunun Türkiyə ilə münasibətlərdə nəyə gətirib çıxardığını gördü. Mənə elə gəlir ki, Tramp tədricən siyasi təcrübə yığır və bəzi dövlətlərlə münasibətləri daha çox ölçüb-biçir. Düşünürəm ki, Ukrayna ilə də daha çox ölçülüb-biçilmiş münasibətlər qurulacaq və Zelenski Trampdan açıq dəstək almayacaq", - Şatrov deyib.

27
Teqlər:
Rusiya, ABŞ, Ukrayna
Avtomobil tıxacı, arxiv şəkli

Bakı tıxaclarına necə dərman olardı yeniliyi məmurlara təqdim elədilər - VİDEO

19
Mütəxəssislərin fikrincə, sosial məsafənin qorunması tələb olunan bir zamanda uçan taksinin adi taksilərdən üstünlüyü şübhəsizdir

BAKI, 3 avqust — Sputnik. Airbus ötən həftə ilk dəfə CityAirbus (uçan taksi) kimi tanınan eVTOL təyyarəsini Bavariyada dövlət işçiləri və jurnalistlərə təqdim edib.

Sputnik Azərbaycan bildirir ki, bu barədə Travel and Leisure yazıb.

“Uçan taksi” dörd sərnişini  100 km məsafəyə 120 km/saat sürətlə daşıya bilir. eVTOL məsafədən idarə olunur və elektrik enerjisi ilə işləyir.

​Onun yaradıcıları ümid edirlər ki, gələcəkdə böyük şəhərlərdə tıxaclardan qurtulmaqda bu taksilərin rolu böyük olacaq. Hər nəqliyyat vasitəsinin dörd propelleri var. Uçan taksiyə sürücü gərək deyil. Mütəxəssislərin fikrincə, sosial məsafənin qorunması tələb olunan bir zamanda uçan taksinin adi taksilərdən üstünlüyü şübhəsizdir. Əlavə olaraq, uçan taksi, demək olar ki, səssizdir.

Uçan taksini ilk dəfə elə Almaniyada, ötən ilin dekabrında test ediblər. Onun nə vaxt kütəvi istifadəyə veriləcəyi isə hələ bilinmir.

 

19
 Ciyərin rentgeni, arxiv şəkli

Şar üfürmək olmaz pulmonoloq ciyərlərin bərpasından danışır

98
(Yenilənib 23:01 03.08.2020)
Иronxların “dezinfeksiyası” üçün yağlı inhalyasiyalar etməyə gərək yoxdur. Efir yağı respirator boruya düşdükdə alveolit başlaya bilər

BAKI, 3 avqust — Sputnik. Koronavirusdan sonra ciyərləri bərpa etməyin bir neçə yolu var, amma internetdə dərc olunmuş bəzi məsləhətlər təhlükəli ola bilər.

Sputnik Azərbaycan Rusiya KİV-ə istinadən bildirir ki, bunu Sankt-Peterburqun 2 saylı çoxprofilli xəstəxanasının pulmonoloqu İrina Kroşkina deyib.

Onun sözlərinə görə, xəstəlikdən sağalandan sonra şar üfürmək olmaz, çünki bu, ağciyərləri gücə salır. Ağciyər toxuması zəifləmiş olduğundan pnevmotoraks (havanın plevra boşluğunda yığılması, ağciyərin tam və ya qismən kollapsına səbəb olur) əmələ gələ bilər. Həmçinin bronxların “dezinfeksiyası” üçün yağlı inhalyasiyalar etməyə də gərək yoxdur. Efir yağı respirator boruya düşdükdə alveolit başlaya bilər (ağciyər alveollarının iltihablaşması ilə fibroz əmələ gəlməsinə meyllilik).

“Tibbi ədəbiyyatda “yağlı pnevmoniyalar” təsvir olunub, bunlar, yeri gəlmişkən, çox ağır keçirilir. Nəfəs yollarına havadan başqa heç nə keçməməlidir”, - pulmonoloq qeyd edib.

O, ağciyərlərin bərpasında müsbət nəticə verə biləcək metodları açıqlayıb. Həkimin sözlərinə görə, rahat templə piyada gəzmək çox xeyirdir. Bu zaman çubuqdan (əsadan) da istifadə etmək olar. Tədricən isə həm yerişin intensivliyini artırmaq, həm də marşrutu uzatmaq gərəkdir. Həmçinin saman çöpü ilə suyun üzərinə üfürmək olar: “Ləng surətdə hava alın, dördəcən sayıb nəfəsinizi saman çöpüylə verin – nəfəs verməyiniz almağınızdan 1,5 dəfə uzun olmalıdır, yəni nəfəs verərkən 6-dək saymaq lazımdır”. 

 

98
Mövzu:
Dünyanı cənginə almış bəla
Əlaqədar
Koronavirus öləcək: maskanı benzinə batırın...
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Əvvəl risk qrupundakılar, sonra isə hamı - kütləvi peyvəndin başlama tarixi uzaqda deyil
Ağciyəri təmizləməyin ən yaxşı 7 üsulu

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0