ABŞ dollarının simvolu, arxiv şəkli

Tramp dollara görə qorxdu müharibə elan etdi

166
(Yenilənib 20:59 23.07.2019)
Tramp dolları qorumaq üçün müharibə elan etdi

BAKI, 24 iyul — Sputnik. Kriptovalyutalara maraq səngimək bilmir. Vəziyyət elə bir səviyyəyə çatıb ki, kriptovalyuta biznesinə artıq "Facebook" şirkəti də qoşulub. Lakin görünür, siyasətçilər bitkoin, "Libra" və bu kimi digər kriptovalyutaları nəinki dəstəkləmək fikrində deyillər, hətta onlara qarşı müharibə elan etməyə hazırlaşırlar.

Sputnik Azərbaycan-ın məlumatına görə, RİA Novosti-nin şərhçisi İvan Danilov mövzu ilə bağlı məqaləsində bildirir ki, ideoloji yönümündən asılı olmayaraq bütün siyasətçilər kriptovalyutaları dövlətlərə və milli valyutalara, o cümlədən Amerika dollarına təklülə kimi qiymətləndirirlər.

Müəllif Donald Trampın "sevimli informasiya silahı" olan rəsmi "Twitter" səhifəsindən "iqtisadi reallığı manipulyasiya aləti" kimi istifadə etdiyini bildirərək, ABŞ prezidentinin bir müddət öncə kriptovalyutalar haqqında paylaşdığı tənqidlə dolu tvitini sitat gətirib. Qeyd edək ki, Tramp kriptovalyutalara dair aşağıdakıları yazıb:

"Mən bitkoin və digər kriptovalyutaların tərəfdarı deyiləm; onlar pul deyil və onların dəyəri dəyişkəndir, havadan asılı vəziyyətdədir... Tənzimlənməyən kriptoaktivlər qanunsuz hərəkətlər, o cümlədən narkotik vasitələrin ticarəti və digər qanundankənar fəaliyyət üçün münbit şərait yaradır. Elə "Facebook" şirkətinin "Libra" adlı "virtual valyutası"nın da reputasiyası və ya etibarlılığı aşağı olacaq. Əgər "Facebook" və digər şirkətlər bank olmaq istəyirlərsə, onlar digər banklar kimi yeni bank lisenziyası almalı və ümumi bank qanunvericiliyinin obyektinə çevrilməlidir. ABŞ-da bizim yeganə həqiqi valyutamız var və o, daha əvvəl olmadığı qədər güclü, stabil və etibarlıdır. O, dünyada ən dominant valyutadır və həmişə də belə olaraq qalacaq. Onun adı isə Birləşmiş Ştatlar dollarıdır!"

Müəllif bildirir ki, ABŞ prezidentinin bu tvitindən sonra bitkoinin dəyəri aşağı düşüb.

"Bu baxımdan hələ ki, ən azından, hesab etmək olar ki, Tramp bitkoinin dəyərinə neftin dəyərindən daha asan təsir edə bilir", - Danilov qeyd edir.

Məqalədə həmçinin bildirilir ki, bu yaxınlarda ABŞ maliyyə naziri qeyri-adi addım ataraq "Libra" ilə bağlı ehtiyatlandığını deyib, belə ki, onun fikrincə, bu kriptovalyuta qanundankənar fəaliyyətdə istifadə oluna bilər. Buna görə də "Facebook" hələ ki "Libra"nı dövriyyəyə buraxmayacaq, çünki nazirin bu bəyanatından sonra ortaya çıxmış bir sıra normativ məsələlər həll edilməlidir.

Müəllifin fikrincə, kriptovalyutalara qarşı tənqidi yanaşma texnofobiya və ya kriptovalyutanın nə olduğunun başa düşülməməsi ilə bağlı deyil.

"Əksinə, öz suverenliyinin (o cümlədən iqtisadi suverenliyinin) qayğısına qalan hər bir dövlət özünün tənzimləmədiyi "paralel valyutalar"ın ölkə ərazisində dövriyyəsinin qarşısını almağa çalışacaq", - Danilov bildirir.

Müəllif onu da qeyd edir ki, çətin ki, yaxın günlərdə kriptoaktivlər real maliyyə alətinə çevrilərək, istiqrazlar, qızıl və valyutalarla rəqabət apara biləcək.

166
Teqlər:
bitkoin, kriptovalyuta, Donald Tramp
Əlaqədar
Trampdan "Facebook"a böyük təklif
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

24
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

24
Teqlər:
anlaşma, Rusiya, Türkiyə, Qarabağ
Neft buruğu, arxiv şəkli

Azərbaycan nefti ucuzlaşıb

4
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

4
Teqlər:
barel, birja, qiymət, neft
Rusiya sülhməramlıları Laçında, arxiv şəkli

Prezident Laçın dəhlizi ilə bağlı maraqlı təfərrüatları açıqlayıb

0
"Bəyanatın ilkin versiyasında bizə təklif edilirdi ki, Laçın dəhlizinin eni 30 kilometr olsun. Mən buna qəti etiraz etdim və dedim ki, Ermənistan tərəfinin bu iddiası tamamilə əsassızdır".

BAKI, 1 dekabr — Sputnik. Laçın rayonunun strateji əhəmiyyəti, eyni zamanda, ondan ibarətdir ki, rayon ərazisindən və Laçın şəhərinin içi ilə Laçın dəhlizi keçir. Dəhliz uzun illər erməni silahlı qüvvələrinin, işğalçıların nəzarətində idi. Noyabrın 10-da imzalanmış birgə Bəyanatın ilkin versiyasında bu dəhlizin erməni silahlı qüvvələrinin nəzarətində qalması ilə əlaqədar müddəa var idi. Mən buna etiraz etdim və nəticədə bu dəhliz Rusiya sülhməramlı qüvvələrinin nəzarətinə verilib. Laçın dəhlizi erməni işğalçı qüvvələrindən təmizlənib.

Sputnik Azərbaycan xəbər verir ki, bu fikirləri Prezident İlham Əliyev xalqa müraciətində üçtərəfli Bəyanatla bağlı bəzi təfərrüatlardan danışarkən bildirib.

"Bəyanatın ilkin versiyasında bizə təklif edilirdi ki, Laçın dəhlizinin eni 30 kilometr olsun. Mən buna qəti etiraz etdim və dedim ki, Ermənistan tərəfinin bu iddiası tamamilə əsassızdır. Dəhliz çərçivəsində təhlükəsizlik tədbirlərini təmin etmək üçün bu qədər geniş dəhlizə ehtiyac yoxdur. Ona görə mən bunu tamamilə qəbuledilməz təklif kimi hesab etdim və öz fikrimi bildirdim. Ondan sonra ikinci variantda Laçın dəhlizinin eni 10 kilometr nəzərdə tutulurdu. Buna da mən razılıq vermədim və nəticədə 5 kilometr eni olan dəhliz haqqında razılıq əldə edildi. Beş kilometr həm bizim üçün, həm Dağlıq Qarabağda yaşayan ermənilər üçün və təhlükəsizliyi təmin etmək üçün kifayət qədər məsafəni əhatə edir", - deyə dövlətimizin başçısı bildirib.

Prezident qeyd edib ki, 30 ilə yaxın aparılan danışıqlarda Laçın rayonunun Azərbaycana qaytarılması, xüsusilə Laçın dəhlizi ilə bağlı olan məsələ həmişə çox önəmli və ayrı bir mövzu kimi müzakirə olunurdu: "Ermənistan tərəfi, ümumiyyətlə, hesab edirdi ki, bütün Laçın rayonu onlara dəhliz kimi verilməlidir. Bəzi Qərb dairələri bu mövqeyi dəstəkləyirdi. Bunun nəticəsində Laçın rayonunda çox ciddi məskunlaşma siyasəti aparılırdı. Orada minlərlə, bəzi məlumatlara görə, bəlkə də 10 minə yaxın insan yaşayırdı. Belə bir fikir həmişə var idi ki, Laçın rayonu hansısa formada Ermənistana qalmalıdır".

0
Teqlər:
Prezident İlham Əliyev, xalqa müraciət, dəhliz, Laçının azad olunması