Kiril Vışinski, arxiv şəkli

Vışinskinin azadlığı üçün ATƏT-in nümayəndəsi xahiş etdi

14
(Yenilənib 18:39 17.07.2019)
Məhkəmə iclaslarının birində Vışinski kömək üçün Rusiya prezidenti Vladimir Putinə müraciət etmişdi və bildirmişdi ki, Ukrayna vətəndaşlığından imtina edir

BAKI, 17 iyul — Sputnik. Avropada Təhlükəsizlik və Əməkdaşlıq Təşkilatı (ATƏT) rəsmi Kiyevi RİA Novosti Ukrayna portalının rəhbəri Kirill Vışinskini həbsdən azadlığa buraxmağa çağırıb. Sputnik Azərbaycan "RİA Novosti"yə istinadən xəbər verir ki, bunu təşkilatın KİV-in azadlığı məsələləri üzrə nümayəndəsi Harlem Desir bildirib.

Qeyd edək ki, bu gün Bişkekdə ATƏT-in başçılığı altında Mərkəzi Asiya KİV Konfransı keçirilir. Konfransda region ölkələri və Avropadan mətbuat, vətəndaş cəmiyyəti və hüquq-mühafizə sektorundan olan 100-dən çox nümayəndə iştirak edir.

"Mənim bildiyim qədər, Vışinski işi üzrə məhkəmə bu həftənin sonu, iyulun 19-da baş tutacaq. Fürsətdən istifadə edərək biz növbəti dəfə Ukrayna rəhbərliyini jurnalisti azadlığa buraxmağa çağırırıq", - deyə Desir vurğulayıb.

Onun sözlərinə görə, Vışinski ilə bağlı vəziyyət ATƏT-də böyük narahatlıq doğurur və təşkilatın nümayəndələri dəfələrlə bu məsələ ilə bağlı Ukraynada jurnalist bürosunun rəhbərinə müraciət edib.

"Mən daima Ukrayna rəhbərliyi ilə əlaqədəyəm və Kiril Vışinskinin müdafiəsi barədə danışmaq üçün istənilən imkandan istifadə edirəm. Hökuməti onu azad etməyə çağırıram. Çünki belə olmamalıdır. Jurnalistlər peşə fəaliyyətlərinə görə həbs olunmamalıdırlar. O işləyirdi və öz öhdəliklərini dürüstcəsinə yerinə yetirirdi".

Xatırladaq ki, Kiyevin Podolsk rayon məhkəməsi dövlətə xəyanətdə ittiham olunan Vışinskinin işi üzrə məhkəmə prosesini davam etdirməli idi. Lakin hakimlər digər işlə məşğul olduqları üçün məhkəmə iclası iyulun 19-na keçirilib.

Qeyd edək ki, Kirill Vışinski 15 may 2018-ci il tarixində Kiyevdə saxlanılıb. 

Jurnalistə bildiriblər ki, o, özünü "Donbass Respublikası" adlandıran qurumu dəstəkləməkdə və dövlətə xəyanətdə şübhəli bilinir. Onun ittiham edildiyi maddədə 15 ilədək həbs cəzası nəzərdə tutulur. Xerson şəhər məhkəməsi mayın 17-də Vışinski ilə bağlı həbs qərarı çıxarıb. Hazırda jurnalistin həbsi iyulun 22-dək uzadılıb.

Məhkəmə iclaslarının birində Vışinski kömək üçün Rusiya prezidenti Vladimir Putinə müraciət etmişdi və bildirmişdi ki, Ukrayna vətəndaşlığından imtina edir. Putin bu vəziyyəti görünməmiş hal kimi qiymətləndirmişdi və bəyan etmişdi ki, Vışinskini birbaşa peşəkar fəaliyyətinə, jurnalistlik funksiyasını yerinə yetirdiyinə görə həbs ediblər. Moskva Kiyevə etiraz notası göndərərək mətbuat nümayəndələrinə qarşı zorakılığı dayandırmağı tələb etmişdi.

14
Teqlər:
Ukrayna, Rusiya, jurnalist
Biznes  ledi

İllərin sənətçisi yeni biznesə başlayıb

21
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

21
Sputnik Beynəlxalq İnformasiya Agentliyinin loqosu, arxiv şəkli

"Bu, "Sputnik Latviya"ya qarşı ilk qərəz deyil" - Azərbaycanlı media eksperti

16
(Yenilənib 22:03 04.12.2020)
"Azadlıq radiosunun yayımının bloklanması pislənir, amma "Russia Today"-in yayımına məhdudiyyətə heç bir reaksiya verilmir"

Zülfiyyə Quluyeva, Sputnik Azərbaycan

BAKI, 4 dekabr — Sputnik. Latviya Dövlət Təhlükəsizlik xidməti dekabrın 3-də Riqadakı "Sputnik" bürosunun əməkdaşlarına, eləcə də "Baltnews" portalının jurnalistlərinə və digər rusdilli media nümayəndələrinə Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürüb. Jurnalistlər saxlanılıb, dindirilib, axtarışa məruz qalıb və onlar haqqında cinayət işi qaldırılıb. Sputnik Azərbaycan ölkənin tanınmış media ekspertlərinin bu məsələyə münasibət bildirib.

Jurnalistlərin Həmkarlar İttifaqının sədri Müşfiq Ələsgərli Sputnik Azərbaycan-a açıqlamasında bildirib ki, bu hadisələr  jurnalistika prinsipi baxımından həqiqətən də yolverilməzdir: "Bu "Sputnik Latviya"ya qarşı olan ilk hadisə deyil. Çox uzun müddət dünyada belə kampaniyalar aparılırdı ki, Azadlıq radiosunun və digər beynəlxalq KİV-lərin fəaliyyəti bloklanır. Amma məsələ ondadır ki, Avropa ölkələrində, hətta ABŞ-ın özündə bu prinsiplər çox pozulur. Bunlardan qabaq, "Russia Today"-in yayımı bloklanmadı. Pribaltika ölkələrində onların yayımına məhdudiyyət qoyulub. Hələ o vaxt bu məsələ qalxanda bildirilirdi ki, Azadlıq radiosunun yayımının bloklanması pislənir, amma "Russia Today" yayımına məhdudiyyətə heç bir reaksiya verilmir. Çox təəssüf ki, söz azadlığı prinsipləri çox vaxt elə onu yaradan ölkələr tərəfindən pozulur. Müasir mediada baş verən ifadə azadlığı pozuntularının çoxu elə qərb dövlətlərinin özündən gəlir. O cümlədən, Avropa və ATƏT məkanından. Əvvəllər biz danışırdıq ki, bu ikili standartlar əsasən Azərbaycana qarşıdır. Amma son dövrlər görürük ki, bunların özlərinin ifadə azadlığına qarşı münasibətlərində çox ciddi dəyişikliklər var. Məsələn, elə bir neçə gün öncə Fransada baş verən toqquşmalarda media azadlığını götürək. Qlobal təhlükəsizlik haqqında qəbul olunan qanunun bir nömrəli hədəfi medianın azadlığının məhdudlaşdırılmasıdır. Beynəlxalq təşkilatlar tərəfindən belə bir ifadə işlədildi ki, artıq ATƏT-in, Avropa Şurasının ən aparıcı dövlətlərindən olan Fransa kimi ölkə söz azadlığının durumuna görə Somali və Sudanın vəziyyətinə düşüb. Söz və ifadə azadlığına ikili yanaşma var. Bu cür yanaşmalar Qərb dəyərləri haqqında danışanların özünü şübhə altına salır. Media azadlığının qanunvericilik nöqteyi nəzərindən məhdudlaşdırılması, ikili yanaşma jurnalistlərin təhdid olunması ilə bağlı ciddi faktlar ortaya çıxır. "Sputnik Latviya"ya qarşı baş verən hadisələr də kəskin şəkildə qınanılmalı, media, ifadə azadlığına qarşı addım kimi dəyərləndirilməlidir. Mən xarici KİV-lərin, onların əməkdaşlarının fəaliyyətinə baltikyanı dövlətlərdə yaradılmış bu maneəni və təhdidi kəskin qınayıram".

Qeyd edək ki, Rusiya Xarici İşlər Nazirliyi Latviya hakimiyyət orqanlarının "Baltnews" portalı və "Sputnik Latviya"nın rusdilli jurnalistlərinə qarşı hərəkətlərini sərt şəkildə qınayıb. Bildirilib ki, "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririlir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz. Bütün bu uydurma ittihamların, heç şübhəsiz, rusofobiyanın təsiri ilə həyata keçirilən cəzalandırma tədbiri olduğu aydındır. Məsələ ATƏT Nazirlər Şurasında qaldırılacaq", – deyə məlumatda bildirilir. Nazirlik ümid etdiyini bildirir ki, ATƏT-in yeni Media Azadlığı Nümayəndəsi baş verənləri görməzdən gəlməyəcək və Latviyaya qarşı "bu cür hücumların qəbuledilməzliyi", "söz azadlığını təmin edilməsi üçün beynəlxalq öhdəliklərin yerinə yetirilməsinin zəruriliyi" əsasında təzyiq göstərəcək. "Avropa Şurasından da adekvat reaksiya gözləyirik", – deyə məlumatda bildirilir.

Xatırladaq ki, keçən il Estoniyada da analoji hadisə müşahidə olunmuşdu.

16
Teqlər:
Həbs, jurnalistlər, Sputnik Latviya