S-400 Triumf (Zəfər) zenit-raket kompleksi, arxiv şəkli

Türkiyənin yeni silahı ABŞ-ı niyə qorxudur?

59
(Yenilənib 21:06 11.07.2019)
"S-400"lərin tədarükü artıq bu həftə başlayacaq

BAKI, 11 iyul — Sputnik. ABŞ hər vəchlə Türkiyənin "S-400" zenit-raket komplekslərini almasına mane olmağa çalışır. Vaşinqton artıq Ankaranı sanksiyalarla və "F-35" qırıcısına dair müqaviləyə xitam veriləcəyi ilə təhdid edib.

Buna baxmayaraq Rusiya və Türkiyə arasında razılaşma plana uyğun olaraq yerinə yetirilir.

Sputnik Azərbaycan RİA Novosti-yə istinadən xəbər verir ki, "S-400"lərin Türkiyəyə tədarükü artıq bu həftə başlayacaq.

Bəs ABŞ niyə "S-400"lərin Türkiyəyə satışından belə narahatdır? Onu qorxudan nədir?

NATO-da artıq bu sualın cavabını verməyə çalışıblar. Şimali Atlantika Alyansı belə bir qənaətə gəlib ki, Türkiyənin həm "S-400" sistemlərini, həm də "F-35" qırıcı təyyarələrini eyni vaxtda istifadə etməsi nəticəsində təyyarənin gizli saxlanılan texniki və döyüş xüsusiyyətləri aşkara çıxacaq.

Rusiya Hərbi Elmlər Akademiyasının müxbir üzvü Sergey Sudakov bunu belə izah edib: "Türkiyə bir tərəfdən NATO üzvü kimi "F-35" təyyarələrini, o biri tərəfdən isə elə bu təyyarələrin məhvi üçün nəzərdə tutulmuş "S-400" sistemlərini alır".

"ABŞ "F-35" qırıcı-bombardmançı təyyarələrini "S-300" və "S-400" sistemlərini məhv etməyə qadir müasir silah növü kimi qələmə verir. Lakin onun bu iddiası sübut olunmayıb. Amerikalılar çox qorxurlar ki, yeni zenit-raket komplekslərinin köməyi ilə Türkiyə "F-35"lərdə tətbiq olunmuş innovasiyaları dəf etməyi bacaran bir sistem yaradacaq. Yəni Türkiyə ilə NATO arasında hər hansı bir münaqişə başlasa, Amerika təyyarələri effektivliyini tamamilə itirəcək", - Sudakov RİA Novosti-yə deyib.

Vaşinqton isə təbii ki, bunu istəmir.

"S-400" sisteminin ABŞ-ı narahat edən daha bir üstünlüyü də var – bu onun "çəkindirici" faktor olmasıdır.

Bu komplekslər artıq Suriyada öz effektivliyini nümayiş etdirib. Keçən ilin sentyabrında "İl-20" kəşfiyyatçı təyyarəsi ilə bağlı baş vermiş insidentdən sonra Suriya ordusu bir neçə "S-300V4" komplekslərini əldə edib. 

Bundan dərhal sonra ABŞ-ın başçılıq etdiyi koalisiyanın, o cümlədən İsrail təyyarələrinin Suriya üzərində uçuşları kəskin şəkildə azalıb. Bir sözlə, bu sistemlər koalisiyanı hava hücumlarından çəkindirən bir faktora çevrilib.

"S-400"lərin birinci alıcısı Pekin olub. Çin ordusu artıq neçə ildir ki, bu sistemlərdən uğurla istifadə edir.

Türkiyədən sonra isə "S-400"lərin növbəti müştərisi Hindistandır. Rusiya bu komplekslər üçün avansın bu ilin sonuna qədər ödəniləcəyinə ümid edir. Avans bu il ödənilsə, komplekslərin Hindistana tədarükü 2020-ci ildə başlaya və 2025-ci ildə başa çata bilər.

Rusiya istehsalı zenit-raket komplekslərinin daha bir potensial müştərisi də İrandır. Tehrandan hələ rəsmi təklif gəlməsə də, Moskva danışıqlara hazırdır.

59
Teqlər:
Türkiyә, ABŞ, "F-35" qırıcıları, S-400
Əlaqədar
Ərdoğanın mətbuat katibi: "S-400"-dən sonra "S-500"-ləri almağı düşünürük
Ərdoğan anons etdi: "S-400-lər yüklənir, təyyarə ilə gətiriləcək"
102-я российская военная база

Gümrü şəhərində rusiyalı hərbçinin cəsədi tapıldı

23
Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə hərbi qulluqçusunun həlak olmasından sonra yoxlamaya başlayıb.

BAKI, 4 iyul - Sputnik. Bu gün günorta saatlarında Ermənistanın Gümra şəhərində Rusiyanın 20 yaşlı vətəndaşı, bu ölkənin 102 saylı Hərbi Bazasının hərbi qulluqçusunun cəsədi tapılıb. Onun meyiti yataq otağında tapılıb, yerdə həmçinin məktub aşkarlanıb.

Rusiyanın Ermənistandakı səfirliyindən Sputnik Ermənistan-a bildirildiyinə görə, hərbçinin ölümündə cinayət izi yoxdur. Səfirlik hərbi qulluqçunun əsəb pozuntusu nəticəsində vəfat etdiyini güman edir.

Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə hərbi qulluqçusunun həlak olmasından sonra yoxlamaya başlayıb.

Rusiya hərbi qulluqçusunun meyidi Gümrüdəki evlərdən birində aşkar edilib.

23
 Amerikalı müğənni Canet Cekson, arxiv şəkli

Canet Cekson azərbaycanlı müğənniyə təşəkkür edib: Mahnımı gözəl oxuyursan

607
Azərbaycanlı müğənni Ceksonun repertuarından oxuduğu mahnını sosial şəbəkədə paylaşıb və amerikalı pop ulduzu onun ifasını bəyənərək təşəkkür edib.

BAKI, 4 iyul – Sputnik, Kəmalə Əliyeva. Pop musiqisinin kralı Maykl Ceksonun bacısı, müğənni Canet Cekson azərbaycanlı müğənni Emin Eminzadəyə onun mahnısını yaxşı oxuduğu üçün müsbət rəy verib.

Eminzadə Sputnik Azərbaycan-a bildirib ki, o, Ceksonun repertuarından “Together Again” (Yenidən bir yerdə) mahnısını oxuyub.

Azərbaycanlı müğənni çoxdan Canet Cekson yaradıcılığının pərəstişkarıdır. Lakin bütün dünyada məşhur olan amerikalı həmkarının hitini ilk dəfə oxumaq qərarına gəlib.

Eminzadə Instagram profilində öz çarxını paylaşıb və postunda Ceksonu işarələyib.

Посмотреть эту публикацию в Instagram

Публикация от EMIN EMINZADA (@emineminzada)

Müğənni etiraf edib ki, Ceksonun ifaya reaksiya verməsi onun üçün gözlənilməz olub. O, Eminzadəyə onun kompozisiyasını çox gözəl səsləndirdiyinə görə təşəkkür edib.

Xatırladaq ki, bundan əvvəl Canet Cekson Eminzadənin ABŞ-da irqçilik təzahürlərinə qarşı etirazını dəstəkləmişdi.

Canet Cekson amerikalı müğənni, mahnılar müəllifi, prodüser, rəqqasə, kino və televiziya aktrisası, dünya şöhrətli pop ulduzu Maykl Ceksonun bacısıdır. O, Ceksonlar ailəsinin ən kiçik övladıdır. İlk dəfə səhnəyə yeddi yaşı olanda, 1976-cı ildə "The Jacksons" serialına çəkilərkən çıxıb. "Billboard" jurnalının məlumatına görə, Canet müasir pop musiqisi tarixində albomları ən çox satılan sənətçilər siyahısındadır. Onun indiyədək bütün dünya üzrə 100 milyon nüsxədən çox albomu satılıb.

Emin Eminzadə Qazaxıstanda keçirilən "Qızıl mikrofon" müsabiqəsinin qalibidir. İtaliyada keçirilən Elia Catalano və 2012-ci İspaniyada təşkil olunan Opus müsabiqələrində iştirak edib.

O, Bakıda məşhur İtaliya müğənnisi Robertino Loretti ilə eyni səhnəni bölüşərək onunla "Jamayka" və "O Sole Mio" kompozisiyasını duet oxuyub. Dünya şöhrətli ulduz bu ifadan sonra Eminzadəni "Azərbaycanın Robertinosu" adlandırıb.

O, hətta ABŞ-da tələbə mübadiləsi proqramı üzrə təhsil almaq üçün təqaüd qazanmağa müvəffəq olub və Texasda təhsil alıb. Emin Eminzadə daha sonra Amerika Musiqi və Dram Akademiyasına daxil olub və oranı bitirib. Hazırda gənc müğənni Azərbaycanda, Türkiyə və ABŞ-da karyerasını davam etdirir. Müğənninin adı "Azərbaycanın gənc ifaçılarının qızıl kitabı"na düşüb.

607

Yevlaxda baba dəryazla 13 yaşlı nəvəsinin ayağını kəsib

0
Sol ayaq nahiyəsinin topuq hissəsindən xəsarət alan 2007-ci il təvəllüdlü Nurlan Vəkirov xəstəxanaya yerləşdirilib.

BAKI, 5 iyul - Sputnik. Yevlaxda bədbəxt hadisə baş verib.

Belə ki, baba ot kəsən mexaniki dəryazla ehtiyatsızlıqdan nəvəsinin ayağını kəsib. 

APA-nın məlumatına görə, hadisə Əkşəm kəndində qeydə alınıb. 

Sol ayaq nahiyəsinin topuq hissəsindən xəsarət alan 2007-ci il təvəllüdlü Nurlan Vəkirov xəstəxanaya yerləşdirilib. Ona ilkin tibbi yardım göstərildikdən sonra Bakıdakı klinikalardan birinə göndərilib.

0