Razdan İstilik Elektrik Stansiyası

Ermənistanda elektrik kollapsı Qonşuya şübhə ilə baxırlar

68
(Yenilənib 13:30 11.07.2019)
Əgər cərəyanın artıb-azalması qəza rejiminə keçsə, onda bəzi stansiyalar avtomatik sönə bilər

BAKI, 11 iyul — Sputnik. Ermənistanın paytaxtı Yerevanda və ölkənin bir sıra vilayətlərində ötən gün elektrik verilişində fasilə yaranıb. Sputnik Ermənistan xəbər verir ki, paytaxt metrosu da öz işini dayandırıb və meteostansiyalara giriş belə, məhdudlaşdırılıb. Bu müddət ərzində ölkədə rabitə və internetdə də problem olub. Vəziyyət o yerə çatıb ki, Ermənistanın iki böyük istilik elektrik stansiyası söndürülüb. Bu stansiyaların işi yenidən axşam saatlarında bərpa olunub.

Lakin Ermənistanda birdən-birə qazla işləyən Yerevan İstilik Elektrik Stansiyası və Razdan İstilik Elektrik Stansiyasını öz işinin dayandırması sosial şəbəkələrdə müzakirələrə səbəb olub. İstifadəçilər bunu qəribə təsadüf kimi dəyərləndiriblər.

Məlum olub ki, Rusiya və İrandan gələn qaz kəmərləri normal işləyib, stansiyalar isə elektrik şəbəkəsinin yüklənməsini azaltmaq üçün söndürülüb. Çünki elektrik şəbəkələrində yüklənmə olduqda cərəyanın tezliyi dəyişə bilər. Əgər cərəyanın artıb-azalması qəza rejiminə keçsə, onda bəzi stansiyalar avtomatik sönə bilər. Məhz Ermənistanda da bu baş verib.

Hələlik Ermənistan elektrik şəbəkələrində baş verən yüklənmənin səbəbi dəqiqləşdirilir. Ola bilər ki, bu yüklənmə Ermənistanın yüksəkgərginlikli elektrik şəbəkələrinin qarşılıqlı bağlı olduğu İranda baş verib. Yayda məhz İranda kondisioner və soyutma sistemləri ilə bağlı elektrik şəbəkələrdə yüklənmə artır. Yüklənmə Ermənistan ərazisində də baş verə bilər. Hələlik baş verən yüklənin səbəbi sona qədər dəqiqləşdirilməyib.

68
Əlaqədar
Moskva qərar verdi, Ermənistan satılan qazın qiyməti artırılır
Ermənistanda böyük qəza, stansiyaların işi dayandırılıb
Türkiyənin Xarici İşlər naziri Mövlud Çavuşoğlu, arxiv şəkli

Mövlud Çavuşoğlu: "O boyda Avropa İttifaqı bir kresloya görə dava etməməlidir"

11
(Yenilənib 16:25 06.05.2021)
"Biz protokol qaydalarının nə olduğunu bilirik. Bu günə kimi heç vaxt bu cür problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmamışdı".

BAKI, 6 may — Sputnik. Bu gün Türkiyənin xarici işlər naziri Mövlud Çavuşoğlu almaniyalı həmkarı Hayko Maasla keçirdiyi birgə mətbuat konfransında Avropa Komissiyasının rəhbəri Ursula Von der Lyayenin Türkiyəyə səfəri zamanı yaşanan protokol böhranına da toxunub. Sputnik Azərbaycan xəbər verir ki, mətbuat konfransı hər iki ölkənin nümayəndə heyətlərinin iclasından sonra baş tutub.

"Biz protokol qaydalarının nə olduğunu bilirik. Bu günə kimi heç vaxt belə bir problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmayıb. Bu, Avropa Komissiyası ilə Avropa İttifaqı arasındakı rəqabət və mübahisələrdən doğan problemdir. O boyda Avropa İttifaqı bir kresloya görə davam etməməlidir. Öz aralarındakı problemləri Türkiyəyə sirayət etdirməsinlər", - Çavuşoğlu deyib.

Qeyd edək ki, Avropa İttifaqı Komissiyasının rəhbəri Ursula Von der Lyayen Türkiyə səfərindən sonra "qadın olduğum için mənə kreslo vermədilər" – deyə şikayət etmiş və məsələ protokol böhranı səviyyəsinə gəlib çatmışdı.

 

11
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

9
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

9
Xırdalanda uşaqlar, arxiv şəkli

Hər iki valideyni naməlum uşaq Azərbaycan Respublikasının vətəndaşı hesab edilir

0
Hər iki valideyni vətəndaşlığı olmayan şəxs olan uşaq və Azərbaycan Respublikasının ərazisində olan, hər iki valideyni naməlum olan uşaq Azərbaycan Respublikasının vətəndaşı hesab edilir.

 

BAKI, 6 may — Sputnik. “Azərbaycan Respublikasının vətəndaşlığı haqqında” qanunun 12-ci maddəsinin üçüncü hissəsinə əsasən Azərbaycan Respublikasının ərazisində doğulmuş və hər iki valideyni vətəndaşlığı olmayan şəxs olan uşaq və 13-cü maddəsinə əsasən Azərbaycan Respublikasının ərazisində olan, hər iki valideyni naməlum olan uşaq Azərbaycan Respublikasının vətəndaşı hesab edilir.

Sputnik Azərbaycan-ın xəbərinə görə, Dövlət Miqrasiya Xidməti, Vətəndaşlıq məsələləri baş idarəsinin rəisi, III dərəcəli dövlət miqrasiya xidməti müşaviri Rza Talıbov bu barədə müsahibəsində deyib. O, bunu belə izah edib: "Bu isə o deməkdir ki, mövcud qanunvericilik vətəndaşsızlıq halında doğulma hallarına yol açmır".

0