İran bayrağı, arxiv şəkli

İrandan ABŞ-ı qıcıqlandıracaq kritik addım - sabahdan başlayırlar

392
(Yenilənib 12:06 07.07.2019)
Hər 60 gündən bir partnyorlarını "dəli etməyi" söz verən cənub qonşumuz nüvə bombası hazırlamağa doğru addımlayır

BAKI, 7 iyul — Sputnik. İran hökuməti uranın zənginləşdirilməsi ilə bağlı qərar qəbul edib.

Sputnik Azərbaycan Rusiya mətbuatına istinadən bildirir ki, cənub qonşumuz bundan sonra öz nüvə obyektlərində uranın zənginləşdirilməsinə görə məhdudiyyətlərə riayət etməyəcək. İran 3.67% səviyyədə uranın zənginləşdirilməsinə başlayacaq. Bu, Birgə Hərtərəfli Fəaliyyət Planının təyin etdiyi limitdən çoxdur.

İran Prezidenti Həsən Ruhani
© AP Photo / Iranian Presidency Office

"Əl-Məyadin" telekanalı bildirir ki, İran XİN rəhbərinin müavini Abbas Əraqçı bu gün Tehranda keçirdiyi mətbuat konfransında bildirib ki, bu addımı öz avropalı partnyorlarının nüvə razılaşması üzrə öhdəliklərini yerinə yetirmədiklərinə görə atıblar.

"Biz Avropa Birliyinə Tehranın Birgə Hərtərəfli Fəaliyyət Planı üzrə öhdəliklərinin bir hissəsini dayandırdığı barədə məlumat göndərəcəyik", - diplomat deyib.

Əraqçı həmçinin vurğulayıb ki, "bu addım nüvə proqramı üzrə razılaşmanın saxlanılması məqsədilə atılıb". Onun sözlərinə görə, əgər iştirakçılar əldə edilmiş razılaşmalara əməl etməsələr, nüvə razılaşması üzrə öhdəliklərin azaldılması hər 60 gündən bir aparılacaq.

"Diplomatiya üçün qapılar əvvəlkitək açıqdır, amma yaranmış situasiyanın həlli üçün yeni təşəbbüslər gərəkdir", - Əraqçı yekunlaşdırıb. 

İranın Atom Enerjisi Təşkilatının rəsmi nümayəndəsi Bəhruz Kamalvəndi bildirib ki, uranın 3.67% səviyyəsində zənginləşdirilməsinə bazar ertəsindən başlanacaq: "Bir neçə saat sonra texniki işlər yekunlaşacaq və 3.67%-dən yuxarı zənginləşdirilməyə başlanacaq". 

İsrailin Energetika naziri Yuval Ştaynits uranın bu cür zənginləşdirilməsini mülayim addım adlandırıb, ancaq onun fikrincə, "İran nüvə silahının yaradılması üçün çətin bir yola baş vurub".  

Xatırladaq ki, İranın az zənginləşdirilmiş uran limitini keçmək qərarından sonra ABŞ Prezidenti Donald Tramp ötən cümə axşamı Tehranı hədələmişdi. O, İranın qərarına tvitlərindən birində reaksiya vermiş, "İran indicə yeni xəbərdarlıq verdi. (İran Prezidenti Həsən) Ruhani deyir ki, yeni nüvə razılaşması olmasa, onlar uranı "istədikləri səviyyədə" zənginləşdirəcəklər. Təhdidlərində ehtiyatlı ol, İran; o təhdidlər geri qayıdıb sənə daha öncə heç kəsin görmədiyi bir zərbəni vura bilər" yazmışdı.

392
Əlaqədar
Tramp özündən çıxdı: "Təhdidlərində ehtiyatlı ol, İran!"
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

15
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

15

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0