Tbilisidəki aksiyalarda 240 nəfər yaralanıb

© REUTERS / IRAKLI GEDENIDZEПротесты у здания парламента в Тбилиси. 20 июня 2019
Протесты у здания парламента в Тбилиси. 20 июня 2019 - Sputnik Azərbaycan
Abunə olmaq
Yaralılardan 80-i polis əməkdaşlarıdır

BAKI, 21 iyun — Sputnik. Gürcüstan parlamentinin binası önündə baş verən qarşıdurma zamanı yaralıların sayı 240-a çatıb. Sputnik Gürcüstan xəbər verir ki, bunu Gürcüstanın Səhiyyə nazirinin müavini Zaza Boxua bildirib.

Onun sözlərinə görə, yaralılardan 80-i polis əməkdaşlarıdır. O, qeyd edib ki, hazırda 102 pasiyent Tbilisi xəstəxanalarındadır. 

Tbilisidə etiraz aksiyası, 20 iyun 2018 - Sputnik Azərbaycan
Tbilisidə olanlar Bakıdakı beynəlxalq tədbirə də təsir etdi
Nazir müavini İnqorovka adına Universitet klinikasına gedərək orada olan xəstələrə baş çəkib: "Konkret olaraq bu müəssisəyə 46 pasiyent gətirilib. Onlardan 35-i evə buraxılıb, 11 nəfər hələ də buradadır. Onlardan birinin vəziyyəti ağırdır, iki nəfər isə əməliyyat olunur".

Qeyd edək ki, Gürcüstan müxalifəti iyunun 20-də parlament qarşısında toplaşaraq dünən Bakıya səfərə gələn parlament spikeri İrakli Kobaxidzenin istefasını tələb edib. Etirazçılar və hüquq-mühafizə orqanları əməkdaşları arasında qarşıdurma baş verib.

Gürcüstan Baş Naziri Mamuka Baxtadze isə bəyan edib ki, Tbilisinin mərkəzində kütləvi qarşıdurmanın təşkilatçıları, bu insidentlə bağlı buraxılan səhvlərə görə həm müxalifət, həm də hakim komandanın üzvləri məsuliyyətə cəlb olunacaqlar.

Xəbər lenti
0