Государственный департамент США

Vaşinqtonun yeni "Tehran planı" açıqlandı

83
ABŞ İranın tələblərini müzakirə etməyə hazır olduğunu bildirib

BAKI, 11 iyun — Sputnik. Tehranla münasibətlərdə yaranmış gərginliyin yeganə həlli İrandan qaynaqlanan təhdidlərin bütün aspektlərini əhatə edən yeni və daha yaxşı razılaşmanın əldə edilməsidir.

Sputnik Azərbaycan RİA Novosti-yə istinadən xəbər verir ki, bunu mətbuat konfransında çıxış edən ABŞ Dövlət Departamentinin sözçüsü Morqan Ortaqus deyib.

"Bu təhdidlər 12 tələbdə qeyd olunub. Prezident Trampın və Dövlət Katibinin bildirdiyi kimi, bu tələbləri müzakirə etməyə hazırıq. İran liderləri bizimlə necə əlaqə saxlayacaqlarını bilirlər", - deyə Ortaqus bildirib. 

O, həmçinin deyib ki, İran çoxsaylı təhdidlərinə görə məsuliyyətə cəlb edilməlidir və onun Birgə Hərtərəfli Fəaliyyət Planından çıxmaq vədi "səhv istiqamətdə atılmış addımdır".

ABŞ-ın 2018-ci il mayın 8-də nüvə razılaşması kimi tanınan Birgə Hərtərəfli Fəaliyyət Planından çıxmasının ildönümü ilə əlaqədar olaraq İran razılaşma çərçivəsində könüllü şəkildə üzərinə götürdüyü bir sıra öhdəlikləri yerinə yetirməyəcəyini bəyan etmişdi. Bu öhdəliklər zənginləşdirilmiş uran və ağır su ehtiyatlarını əhatə edir.

Görülən tədbirləri İran ABŞ-ın nüvə razılaşmasını pozması, Tehrana qarşı sanksiyalar tətbiq etməsi, həmçinin razılaşmada qalan digər üzvlərin (Almaniya, Fransa, Böyük Britaniya, Çin və Rusiya) yaranan problemləri lazımi qaydada həll edə bilməməsi ilə izah edib. Bununla bağlı İran həmin ölkələrə onun maraqlarını təmin etmək üçün 60 gün verərək, Birləşmiş Ştatların qərarlarından irəli gələn problemləri həll edə biləcəkləri halda sözügedən öhdəliklərin yerinə yetirilməsini bərpa edəcəyini vəd verib.

Eyni zamanda, nüvə razılaşmasına üzv ölkələrin İranın maraqlarını müəyyən edilmiş müddətdə təmin edə bilməyəcəyi halda, Tehran Ərak şəhərindəki reaktorun modernləşdirilməsini dayandırmağa və uranın zənginləşdirmə səviyyəsinə qoyulmuş məhdudiyyətlərdən imtina etməyə hazır olduğunu elan etmişdi.

83
Teqlər:
siyasət, nüvə sazişi, İran, ABŞ
Əlaqədar
İran nüvə silahı ilə bağlı bəyanat verdi
İran hədələdi: İlk güllə neftin qiymətini 100 dollara qaldıracaq
ABŞ-İran danışıqları başlayacaq, yoxsa müharibə - politoloq şərh edir
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

0
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

0
Шторм в Черном море

Qara dənizdə batan gəminin dörd üzvü ölüb, axtarışlar dayandırılıb

7
Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın “Tesero Marine” şirkətidir.

BAKI, 17 yanvar - Sputnik. Qara dənizin Türkiyə sahillərində, Bartın vilayətinin İnkumu sahillərinə yaxın ərazidə batan Palau bayrağı altında üzən “Arvin” quru yük gəmisinin batması nəticəsində dörd nəfər həlak olub və həyatını itirənlərin sayı arta bilər.

Bunu Türkiyənin Bartın vilayətinin valisi Sinan Güner bildirib. Onun sözlərinə görə, “Arvin” gəmisinin batmasına əlverişsiz hava şəraiti səbəb olub:

“Son məlumata görə, 4 nəfər ölüb, 6 heyət üzvü xilas edilib. Yüksək dalğalara görə dənizdə axtarış-xilasetmə işləri dayandırılıb, helikopterlərdən isifadə edilərək havadan axtarışlar davam edir”.

Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın Tesoro Marine LLC şirkətidir. Türkiyə Hərbi Dəniz Qüvvələri axtarış əməliyyatında iştirak etmək üçün freqat göndərmişdi.

Daha öncə gəminin Rusiya bayrağı altında üzdüyü bildirilirdi. Son məlumatlara görə, Palau bayrağı altında üzən gəminin 12 nəfərlik heyətinin 10 üzvü ukraynalı, ikisi isə rusdur. Gəminin sahibi Arvin Shipping LTD-dir (Beliz). Gəmi 1997-ci ildə Rusiyada qeydiyyatdan çıxarılıb.

7