İrandan ABŞ-a xəbərdarlıq: Əvəzini ağır ödəyəcəksiniz

© Vitaly Belousow / Mediabanka keçidİranın xarici işlər naziri Cavad Zərif
İranın xarici işlər naziri Cavad Zərif - Sputnik Azərbaycan
Abunə olmaq
Məhəmməd Cavad Zərif: "Vaşinqton Tehrana hörmət etmədikcə, Prezident Donald Tramp ilə müzakirə aparılmayacaq"

BAKI, 22 may — Sputnik. "Vaşinqton bölgədə gərginliyi artırmağa çalışsa, əvəzini ağır ödəyəcək". Sputnik Azərbaycan İranın "Mehr" agentliyinə istinadən xəbər verir ki, bunu İranın Xarici İşlər naziri Məhəmməd Cavad Zərif CNN kanalına müsahibəsində deyib.

Onun sözlərinə görə, ABŞ Tehrana hörmət etmədikcə, Prezident Donald Tramp ilə müzakirə aparılmayacaq. Zərif ABŞ-ın bölgədə hərbi mövcudluğunu artıraraq təhlükəli bir oyuna başladığını diqqətə çatdırıb.

İranlı nazir ABŞ-ın "USS Abraham Linkoln" aviadaşıyıcısını Fars körfəzinə göndərməsini tənqid edib: "Bu qədər hərbi texnikanın kiçik bir bölgədə olması hadisə üçün zəmin hazırlamaq deməkdir". 

İlqar Vəlizadə - Sputnik Azərbaycan
Politoloq ABŞ-İran gərginliyi haqqında: İran belə vəziyyətə alışıb

O, İranın nüvə razılaşması ilə bağlı dözümlü bir şəkildə hərəkət etdiyini də diqqətə çatdırıb.

Qeyd edək ki, ABŞ Dövlət Departamenti İraqda fəaliyyət göstərən şəxsi heyətə İranla gərginlikdən dolayı dərhal ölkəni tərk etmək üçün təlimat verib. İran nüvə proqramı üzrə imzaladığı Əhatəli Razılaşma Müqaviləsinin bəzi öhdəliklərinin icrasını dayandırdığını rəsmi olaraq elan edib.

İran və "altılıq" ölkələri (ABŞ, Almaniya, Britaniya, Fransa, Rusiya və Çin) arasında razılaşma müqaviləsi 2015-ci il iyulun 15-də imzalanıb. 2018-ci il mayın 8-də ABŞ İranın nüvə proqramı üzrə müqavilədən çıxıb. Bununla bağlı qərarı Prezident Donald Tramp imzalayıb. ABŞ İranla yeni saziş bağlanmayana qədər bu ölkəyə qarşı sanksiya tətbiq edəcəyini bildirib.

Xatırladaq ki, ABŞ İrandan gələn təhdidlərə qarşı tədbir məqsədi ilə "USS Abraham Linkoln" təyyarə gəmisi ilə 4 nüvə tutumlu "B-52" bombardımançı təyyarələrini Fars körfəzinə göndərib.

Xəbər lenti
0