SEPAH: ABŞ ilə müharibənin astanasındayıq

© AFP 2023 / ATTA KENARETehran küçələrində, arxiv şəkli
Tehran küçələrində, arxiv şəkli - Sputnik Azərbaycan
Abunə olmaq
SEPAH-ın komandanı İslam inqilabının heç olmadığı qədər həssas bir dönəmdən keçdiyini bildirib

BAKI, 16 may — Sputnik. İran İslam İnqilabı Keşikçiləri Korpusunun (SEPAH) komandanı general Hüseyn Səlami ABŞ və müttəfiqləri ilə müharibə astanasına gəldiklərini açıqlayıb.

Sputnik Azərbaycan "Haber7"ə istinadla xəbər verir ki, hərbi mərasimdə çıxış edən general İslam inqilabının heç olmadığı qədər həssas bir dönəmdən keçdiyini bildirib: "Düşmən bütün gücünü bizimlə qarşı-qarşıya gəlmək üçün istifadə etməkdədir. Bu proses İslam inqilabının taleyini müəyyənləşdirəcək".

ABŞ-ın "qırmızı xətt"i keçdiyini söyləyən general onların “içi boş sümük yığınından” ibarət olduğunu deyib.

Девушка в хиджабе проходит мимо фрески с изображением пистолета с американским флагом на стене бывшего посольства США в Тегеране  - Sputnik Azərbaycan
SİYASƏT
ABŞ-İran qarşıdurması: Milyonlarla qaçqın ölkəmizə girə bilərmi?

Qeyd edək ki, ABŞ Dövlət Departamenti İraqda fəaliyyət göstərən şəxsi heyətə İranla gərginlikdən dolayı dərhal ölkəni tərk etmək üçün təlimat verib.

İran nüvə proqramı üzrə imzaladığı Əhatəli Razılaşma Müqaviləsinin bəzi öhdəliklərinin icrasını dayandırdığını rəsmi olaraq elan edib.

İran və "altılıq" ölkələri (ABŞ, Almaniya, Britaniya, Fransa, Rusiya və Çin) arasında razılaşma müqaviləsi 2015-ci il iyulun 15-də imzalanıb. 2018-ci il mayın 8-də ABŞ İranın nüvə proqramı üzrə müqavilədən çıxıb. Bununla bağlı qərarı Prezident Donald Tramp imzalayıb. ABŞ İranla yeni saziş bağlanmayana qədər bu ölkəyə qarşı sanksiya tətbiq edəcəyini bildirib.

Xatırladaq ki, ABŞ İrandan gələn təhdidlərə qarşı tədbir məqsədi ilə "USS Abraham Linkoln" təyyarə gəmisi ilə 4 nüvə tutumlu "B-52" bombardımançı təyyarələrini Fars körfəzinə göndərib.

Xəbər lenti
0