ABŞ ordusunun əsgərləri, arxiv şəkli

Regionumuzda böyük fəlakət təhlükəsi reallaşır - SOS

2499
(Yenilənib 12:10 16.05.2019)
Amerikalılar ilk zərbəni endirdilər, İran ABŞ hərbçilərinə hücum üçün hazır olmaq təlimatı verdi

BAKI, 16 may — Sputnik. Son 30 ildə müharibə, işğal və terrorla məhv edilmiş İraq ABŞ-İran münaqişəsində də cəbhəyə çevrilir. Sputnik Azərbaycan Türkiyə mətbuatına istinadla xəbər verir ki, ABŞ Suriyanın Deyr əz-Zor əyalətində İran hərbçilərini daşıyan avtomobil karvanın vurub, ardından isə İraqdakı vətəndaşlarına "İraqı tərk edin" çağırışı edib. 

İran isə İraqdakı "Haşdi Şabi" silahlı qruplaşmasına ABŞ hərbçilərinin olduğu yerlərə hücum üçün hazır olmaq təlimatı verib.

Baş verənləri şərh edən iraqlı general Qalib Salih bunu "müharibə hazırlığı" kimi dəyərləndirib. O, ABŞ ilə İran arasında ilk qarşıdurmaların Suriya və İraqda yaşanacağını söyləyib.

"Haşdi Şabi" silahlı qruplaşmasının komandiri Rıdvan əl-Qanimi İraqda olan bütün ABŞ bazalarını vurmaq gücündə olduqlarını, bunun üçün 130 min əsgərinin hazır vəziyyətdə əmr gözlədiyini bildirib.

İranlı fəal Elyar Makuyi isə İranın Ahvaz, Kirmanşah, Təbriz və Kürdüstan bölgələrində 3 xüsusi təlim düşərgəsi qurduğunu, 20 mindən çox milisə təlim keçərək İraq və Suriyaya göndərdiyini yazıb.

Bu arada, ABŞ Bağdaddakı səfirliyinin və Ərbildəki konsulluğunun diplomatik heyətini İraqdan çıxarır. Bölgədə vəziyyət gərginləşdiyi üçün Almaniya da İraqda hərbçilərin hazırlığı ilə bağlı fəaliyyətini dayandırıb. İraqda 160 Almaniya hərbçisi var. ABŞ və Almaniyanın ardından Niderland da İraqda hərbi fəaliyyətini dayandırıb.

Qeyd edək ki, İran Prezidenti Həsən Ruhani ötən həftə İranla "altılıq" ölkələri arasındakı anlaşmadan danışıb. O bildirib ki, nüvə müqaviləsində iştirak edən tərəflər 60 gün ərzində neft və bankçılıq ilə bağlı öhdəliklərini yerinə yetirməsə, İran yenidən uran zənginləşdirilməsinə başlayacaq.

İranın bu addımından sonra Avropa ölkələri narahat olduqlarını açıqlayıb.

İran və "altılıq" ölkələri (ABŞ, Almaniya, Britaniya, Fransa, Rusiya və Çin) arasında razılaşma müqaviləsi 2015-ci il iyulun 15-də imzalanıb. 2018-ci il mayın 8-də ABŞ İranın nüvə proqramı üzrə müqavilədən çıxıb. Bununla bağlı qərarı Prezident Donald Tramp imzalayıb. ABŞ İranla yeni saziş bağlanmayana qədər bu ölkəyə qarşı sanksiya tətbiq edəcəyini bildirib.

Xatırladaq ki, ABŞ İrandan gələn təhdidlərə qarşı tədbir məqsədi ilə "USS Abraham Linkoln" təyyarə gəmisi ilə 4 nüvə tutumlu "B-52" bombardımançı təyyarələrini Fars körfəzinə göndərib.

2499
Teqlər:
hərbçi, İran, İraq, ABŞ, müharibə, Türkiyə
Əlaqədar
ABŞ-ın sanksiyaları əhəmiyyətini itirə bilər - ekspert İrana qarşı sanksiyalardan danışdı
İranın başı dərddə, ABŞ regiona bombardmançı təyyarələr göndərir
İran ABŞ sanksiyalarına müqavimət göstərə biləcəkmi - politoloq şərh edir
ABŞ-İran qarşıdurması: Milyonlarla qaçqın ölkəmizə girə bilərmi?
Azərbaycan bayrağı, arxiv şəkli

Ərdoğan partiyasına Qarabağla bağlı tapşırıq verdi

4
(Yenilənib 14:53 25.11.2020)
Türkiyə Prezidenti: Kəlbəcər dünən tamamilə boşaldı. 30 ilə yaxın gecikmə ilə də olsa, bu məsələdə haqq yerini tapıb.

 

BAKI, 25 noyabr — Sputnik. Ölkəmizin dəstəyi sayəsində Azərbaycan toprağı olan Qarabağdakı erməni işğalı sona çatıb, münaqişənin uzunmüddətli həlli istiqamətində ümidlər ilk dəfə artıb. 

Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim Ədalət və İnkişaf Partiyasının (AKP) qrup toplantısında çıxışı zamanı bildirib.

O, Kəlbəcərin işağldan azad edildiyini və artıq Qarabağda Azərbaycan bayrağının dalğalandığını da qeyd edib: 

"Kəlbəcər dünən tamamilə boşaldı. 30 ilə yaxın gecikmə ilə də olsa, bu məsələdə haqq yerini tapıb. Qarabağda Azərbaycan bayrağı dalğalanmağa başlayıb".

Türkiyə Prezidenti həmçinin lideri olduğu partiya yetkililərinə tapşırıb ki, hamı Dağlıq Qarabağla bağlı prosesə dəstək verməli və yeni reallıqlara uyğun addımlar atılmalıdır.

4
Teqlər:
AKP, Kəlbəcər, Dağlıq Qarabağ, Qarabağ, Türkiyə prezidenti Rəcəb Tayib Ərdoğan, Rəcəb Tayyip Ərdoğan, Ərdoğan
 Türkiyə Prezidenti Rəcəb Tayyib Ərdoğan, arxiv şəkli

Ərdoğandan müjdə: "Ən geci aprel ayına qədər ..."

50
(Yenilənib 13:55 25.11.2020)
Türkiyə Prezidenti: İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik.

BAKI, 25 noyabr — Sputnik. Türkiyə Prezidenti Rəcəb Tayyib Ərdoğan koronavirus əleyhinə Türkiyə istehsalı olan peyvəndlə bağlı önəmli mərhələyə gəlindiyini açıqlayıb. Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim partiyanın parlament qrup toplantısında çıxışı zamanı bildirib.

"İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik. Maska, məsafə, təmizlik qaydalarına riayət edərsək, digər tədbirlərə ehtiyac qalmaz", - deyə Ərdoğan qeyd edib.

O, həmçinin koronavirus əleyhinə Türkiyə istehsalı olan peyvəndin yaradılmasında da önəmli irəliləyişə nail olunduğunu bildirib:

"Ən gec aprel ayında öz peyvəndimizi tətbiq etmə səviyyəsinə qədər inkişaf etdirməyi planlaşdırırıq. Öz istehsal etdiyimiz peyvəndi bütün insanlığın xidmətinə təqdim etmək düşüncəsindəyik".

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

50
Teqlər:
Ərdoğan, Rəcəb Tayyib Ərdoğan hakimiyyəti, Türkiyə prezidenti Rəcəb Tayyib Ərdoğan, Rəcəb Tayyib Ərdoğan, korona virusu, Koronavirus, epidemiya, COVID-19