Türkiyə Prezidenti Rəcəb Tayyib Ərdoğan

Ərdoğanın "sonunu gətirəcək" strukturun elan olunacağı məkan bilindi

3650
(Yenilənib 12:12 14.05.2019)
Davudoğlunun daha çox Diyarbəkir, Batman, Bingöl kimi rayonlarda fəal iş apardığı iddia olunur

BAKI, 14 may — Sputnik. Türkiyənin sabiq baş naziri Əhməd Davudoğlunun yaradacağı partiya barədə yeni təfərrüatlar məlum olub. Sputnik Azərbaycan "Haberler"ə istinadla xəbər verir ki, Davudoğlunun Diyarbəkirdə qatılacağı bir iftar süfrəsində yeni partiya ilə bağlı açıqlama verməsi gözlənilir.

Məlumata görə, Davudoğlu partiya yaradılması işlərini başa çatdırmaqdadır və AK Partiyanın əhəmiyyətli şəxsləri ilə danışıqlar aparır. Davudoğlunun görüşdüyü şəxslər arasında keçmiş nazirlərdən Mehmet Şimşək və Cevdet Yılmaz, keçmiş baş nazirin müavini Numan Kurtulmuş da var. AKP-nin sabiq sədr müavini Abdulla Başçı və sabiq deputat Ramiz Altunun da Davudoğlu ilə birlikdə hərəkət etdiyi deyilir.

Davudoğlunun daha çox Diyarbəkir, Batman, Bingöl kimi rayonlarda fəal iş apardığı iddia olunur. Yeni partiyanın embleminin isə yaşıl fon üzərində ağ dörd yarpaqlı yonca olması planlaşdırılır.

Xatırladaq ki, Əhməd Davudoğlu 2014-cü ilin avqustundan 2016-cı ilin mayına qədər Türkiyənin baş naziri olub. 2014-cü ilin avqustundan 2016-cı ilin mayına qədər o, həmçinin AK Partiyasına rəhbərlik edib.

3650
Teqlər:
Numan Kurtulmuş, Batman, Diyarbəkir, AKP, Davudoğlu, Ərdoğan
Əlaqədar
Əhməd Davudoğludan gözlənilməz namizədlik açıqlaması
Türkiyədə AKP-li bələdiyyə üzvü qəribə açıqlama ilə çıxış edib
Türkiyədə AKP parçalanırmı - politoloq son vəziyyəti şərh edir
“Türkiyəsiz Avropa müvəffəqiyyətsizliyə məhkumdur” – Ərdoğan
Aktrisa Alissa Milano, arxiv şəkli

COVID-19 bu amerikalı ulduzdan da yan keçmədi

20
(Yenilənib 22:42 11.08.2020)
"Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Şahpəri Abbasova, Sputnik Azərbaycan

BAKI, 11 avqust — Sputnik. Dünyanı cənginə alan koronavirus (COVID-19) bəlası Amerikanın məşhur aktirisası Alissa Milanodan da yan keçməyib.

Virus nəticəsində aktirisanın saçları tökülüb. Ulduz saçının necə töküldüyünü göstərmək üçün instaqram səhifəsində video paylaşıb. Tanınmış aktirisa izləyicilərini maska taxmağa çağırdı. Milano, xəstəlik simtonlarını aprel ayında hiss etməyə başlayıb. Virusa görə test etdirən aktirasanın nəticələri pozitiv çıxıb. Xəstəliyinin hələ də davam etdiyini bildirən aktirisa bunları deyib: "Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Qeyd edək ki, A.Milano "Kommando", "Alatoranlıq vaxtı", "Şöhrətin parıltısı", "Gəlini öp", "Patologiya", "Köhnə Yeni il", "Qorxu" və s. filmlərində rol alıb.

20
Beyrutda partlayış, arxiv şəkli

Beyrutda ölənlərin sayı yenə artdı

15
(Yenilənib 19:45 11.08.2020)
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

BAKI, 11 avqust — Sputnik. Beyrut limanında baş verən partlayış nəticəsində ölənlərin sayı 171-ə çatıb. Sputnik Azərbaycan "RİA Novosti"-yə istinadən xəbər verir ki, bu barədə Livanın Səhiyyə Nazirliyi məlumat yayıb.

Məlumatda, həmçinin qeyd olunub ki, daha 30-40 nəfər itkin düşmüş hesab olunur.

Qeyd edək ki, avqustun 4-ü Beyrutda güclü partlayışlar baş verib. Biri digərindən güclü olan iki partlayış şəhərin liman hissəsində yerləşən anbar binalarında baş verib.

İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

Güclü partlayışlar nəticəsində həlak olanların sayı artıq 100 nəfəri ötüb, dörd mindən çox adam yaralanıb. Bununla yanaşı, Livan hakimiyyəti çoxlu sayda itkin düşmüş şəxslərin olması səbəbindən qurbanların sayının artacağını gözləyir.

15
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0