Роберт Кочарян

Ermənistanda yeni siyasi təlatüm baş qaldırır

4596
(Yenilənib 19:36 08.05.2019)
Sabiq prezident "məxməri inqilabı" "cəmiyyətdə narazılığın artması və dəyişikliklərə cəhdi"nin nəticəsi kimi dəyərləndirib

BAKI, 8 may — Sputnik. Ermənistan rəhbərliyi ilə mübarizə aparmaq üçün güclü müxalif qüvvələr birləşəcək. Sputnik Ermənistan xəbər verir ki, bunu Ermənistanın sabiq prezidenti Robert Koçaryan həbsxanadan "Reuters"-ə yazılı müsahibəsində bildirib.

Koçaryan ona qarşı qaldırılan cinayət işini "siyasi" adlandırıb və Paşinyan hökumətini seçici ədalətdə ittiham edib.

Ermənistanın sabiq prezidenti eyni zamanda qeyd edib ki, Ermənistanda yeni siyasətçilər meydana çıxır və müxalif partiyalar yaranır.

"Bu proses, şübhəsiz çox tezliklə hakimiyyətlə mübarizə apara bilmək qabiliyyətinə malik güclü siyasi qüvvələrin yaranması ilə nəticələnəcək", - deyə Koçaryan vurğulayıb.

Koçaryan "bu müxalif qüvvəyə qoşulacaqsızmı" sualını "təbii ki" cavablandırıb.

Sabiq prezident "məxməri inqilabı" "cəmiyyətdə narazılığın artması və dəyişikliklərə cəhdi"nin nəticəsi kimi dəyərləndirib. O, eyni zamanda baş verənləri inqilab adlandırmayıb: "Mən bunu inqilab adlandırmazdım. Cəmiyyətdə aqressiya, populizm və rəhbərlikdə diletantizmin meydana gəlməsi istisna olmaqla ölkədə heç bir şey dəyişməyib".

4596
Teqlər:
Prezident, Ermənistan, Nikol Paşinyan, Robert Koçaryan
Əlaqədar
Paşinyana gözlənilməz zərbə: İyun onun "son ayı" ola bilər
Amanda Pol: “Qarabağ danışıqlarının gedişi Paşinyanın niyyətindən asılıdır”
Paşinyan gözlənilən tarixi açıqladı
Paşinyan və Medvedyev gecə klubunda rəqs ediblər
Ermənistan parlamenti

Ermənistan parlamentində dava düşdü, qadın kişi deputatlar bir-birinə qarışdı - VİDEO

12
(Yenilənib 20:04 26.11.2020)
"Çiçəklənən Ermənistan" Partiyasının deputatı Naira Zohrabyan: "Paşinyan Azərbaycanda cizgi filmlərinin qəhrəmanına çevrilib".

BAKI, 26 noyabr - Sputnik. Ermənistan parlamentinin bugünkü iclasında dava düşüb.

Sputnik Ermənistan-ın məlumatına görə, hadisə “Mənim addımım” fraksiyasının deputatı Amazasp Danielyanın çıxışı zamanı olub.

Danielyan “Çiçəklənən Ermənistan” Partiyasının deputatı Mikael Melkumyanın “nəvələrimizə müharibədə məğlub olduğumuzu necə başa salaq?” sualına kobud cavab verib.

Son nöqtə "Çiçəklənən Ermənistan"ın deputatı Naira Zohrabyana ünvanlanan irad olub. Zohrabyan Paşinyanın Azərbaycanda cizgi filmlərinin qəhrəmanı olduğunu söylədikdə, Danielyan ona irad tutub: "Siz də Azərbaycanda superulduzsunuz."

Bundan sonra zalda gərginlik yaranıb, deputatlar bir-birinin üstünə gedib. Zala mühafizəçilərin çağırılması ilə gərginlik aradan qalxıb.

 

12
Teqlər:
Azərbaycan, Ermənistanın baş naziri Nikol Paşinyan, baş nazir Nikol Paşinyan, Nikol Paşinyan, Ermənistan
Nurlan İbrahimov, arxiv şəkli

"Qarabağ" klubu onun mətbuat katibinə qarşı UEFA-dan ağlasığmaz qərar

19
Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə, UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırıb.

BAKI, 26 noyabr — Sputnik. UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırmaq barədə qərar verib.

Sputnik Azərbaycan UEFA-nın rəsmi saytına istinadla xəbər verir ki, İbrahimov Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə bu cəzaya məruz qalıb.

Bununla yanaşı, qurum Ağdam klubunu da 100 000 avro məbləğində cərimələyib.

UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.

"Qarabağ" klubu da öz növbəsində Nurlan İbrahimovla bağlı UEFA-nın yekun qərarına etiraz edəcək.

Bu barədə "Report"a Ağdam təmsilçisinin direktoru Emrah Çelikel məlumat verib.

Çelikel bildirib ki, klub bu yöndə lazımi tədbirləri görəcək: "Xəbər hələ çox yenidir, cəmi 15 - 20 dəqiqə əvvəl almışıq. Nə cür addım atacağımıza rəhbərliklə müzakirələrdən sonra qərar verəcəyik".

Çelikəl qərardan apellyasiya veriləcəyini də söyləyib: "Klubun mövqeyindən və Nurlan tərəfdən baxanda cəza çox ağırdır. UEFA-nın tabeliyində olan klub kimi onların qərarlarına hörmət etmək borcumuzdur. Ancaq haqsızlıq olduğunu düşündüyümüz halda lazımi etirazları edəcəyik. Qərarla bağlı UEFA-ya mütləq müraciət olunacaq".

19
Teqlər:
ermənilər, Ermənistan, UEFA, "Qarabağ", Qarabağ FK

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0