Брови, фото из архива

Qadın canlı yayımda şoka düşdü

95
(Yenilənib 18:43 05.05.2019)
Britaniyalı qadın öz başına elə oyun açıb ki...

BAKI, 6 may — Sputnik. İngiltərəli "Youtube" fenomeni Poppi Qasson canlı yayında qaşlarını itirib. Sputnik Azərbaycan axsam.az-a istinadən xəbər verir ki, qadın Çindən qaş boyası sifariş edib.

Poppi Qasson
© Sosial şəbəkə
Poppi Qasson

O, canlı yayımda izləyicilərə aldığı boyanın nə cür təsirli olduğunu göstərmək istəyib. Rəngi çəkdikdən 30 dəqiqə sonra silən qadın heyrətə düşüb. Onun qaşları, tamamilə tökülüb.

Çin dilində bilməyən Poppi vaxtı düzgün seçmədiyi üçün qaşlarından olub. İzləyicilər ona döyməni 30 dəqiqə deyil, 5 dəqiqə boyunca saxlamalı olduğunu bildiriblər.

95
Teqlər:
canlı yayım, qadın, boya
UNO, arxiv şəkli

Uçan naməlum obyektin fotosu yayıldı

4
(Yenilənib 17:58 05.12.2020)
ABŞ Müdafiə Nazirliyinin (Pentaqon) uçan naməlum obyekt hesabatı mətbuata sızdırılıb. Fotoşəkildə Atlantik Okeanından 35.000 fut yüksəklikdə üçbucaq şəklində bir cisim görülür

BAKI, 5 dekabr — Sputnik. ABŞ qırıcı təyyarəsinin pilotu tərəfindən çəkilən uçan naməlum obyektin (UNO) fotosu yayılıb.

Sputnik Azərbaycan Türkiyə mətbuatına istinadla xəbər verir ki, bu günlərdə ABŞ Müdafiə Nazirliyinin (Pentaqon) uçan naməlum obyekt haqda hesabatı mətbuata sızdırılıb. Belə ki, 2018-ci ildə bir ABŞ qırıcı təyyarəsinin pilotu tərəfindən çəkilən uçan naməlum obyektin fotosu mediada dərc olunub.

Fotoşəkildə Atlantik Okeanından 35.000 fut yüksəklikdə üçbucaq şəklində bir cisim görülür.

Pentaqon hesabatlarında fotoşəkli çəkən pilotun verdiyi ifadəyə görə, naməlum obyektin yüksək sürətlə hərəkət etdiyi və ona görə də təqibinin mümkün olmadığı deyilib. Onun sözlərinə görə, bu cisim anidən gözdən itib.

Ancaq Pentaqon mətbuatda səsləndirilən iddialarla bağlı rəsmi bir açıqlama verməyib.

Qeyd edək ki, bundan öncə Pentaqon UNO görüntülərini araşdırmaq üçün yeni bir müşahidə qurumu yaradıb, 6 ayda bir UNO araşdırmalarını və əldə edilən məlumatları ictimaiyyətlə paylaşacaqlarını bildirib. 

Xatırladaq ki, bu ilin aprel ayında Pentaqon əvvəllər gizli sənədlər olaraq xarakterizə etdiyi UFO görüntülərini gözlənilmədən ictimaiyyətə açıqlamış və bu, ABŞ-da gündəm olmuşdu.

4
Teqlər:
media, foto, Pentaqon, UNO

Antalyada güclü zəlzələ olub

10
NTV telekanalının məlumatına görə, yeraltı təkanların hiss olunduğu Antalyada dağıntı və xəsarət alanlar yoxdur

BAKI, 5 dekabr - Sputnik. Türkiyənin Antalya şəhərində 5.2 maqnitudalı zəlzələ olub.

Sputnik Azərbaycan bildirir ki, bu barədə Türkiyənin Fövqəladə Hallar və Təbii Fəlakətlərin İdarə Olunması İdarəsindən (AFAD) məlumat verilib. 

Bildirilir ki, yeraltı təkanların episentri Antalya vilayətinin Qazipaşa şəhəri yaxınlığında, Aralıq dənizində olub. NTV telekanalının məlumatına görə, yeraltı təkanların hiss olunduğu Antalyada dağıntı və xəsarət alanlar yoxdur. Həmçinin bildirilir ki, küçələrdə də sakitlikdir, insanlar panikaya düşməyiblər.

10
Teqlər:
Aralıq dənizi, Antalya, Türkiyə, zəlzələ