Səudiyyə Ərəbistanının müqəddəs şəhərlərinə çəyirtkə hücumu

Müsəlmanların müqəddəs şəhəri basqına məruz qala bilər - Xəbərdarlıq

137
(Yenilənib 19:44 03.05.2019)
Mütəxəssislər hücumdan əziyyət çəkən bölgələrə müdaxilə etmək üçün hazır gözləyirlər

BAKI, 4 may — Sputnik. Səudiyyə Ərəbistanında şəhərlər Qırmızı dəniz üzərindən gələn çəyirtkələrin hücumuna məruz qalıb. Sputnik Azərbaycan xarici mətbuata istinadla xəbər verir ki, daha öncə Misir və Sudana hücum edən çəyirtkələr Qırmızı dəniz üzərindən Səudiyyə Ərəbistanının bir çox şəhərinə doluşub.

Daha əvvəl də çəyirtkə istilasına uğrayan Mədinə şəhərində yenidən çəyirtkələrə qarşı xəbərdarlıq edilib. Mütəxəssislər çəyirtkə hücumundan əziyyət çəkən bölgələrə müdaxilə etmək üçün hazır gözləyirlər.

Çəyirtkələrin kənd təsərrüfatı məhsullarına zərər verə biləcəyi xəbərdarlığı da edilib.

Qeyd edək ki, xüsusilə kənd təsərrüfatı sahələrini yox etdikləri üçün iqtisadiyyata böyük zərbə vuran çəyirtkələr, ölkələr üçün böyük təhlükə kəsb edir.

137
Teqlər:
Səudiyyə Ərəbistanı, şəhər, çəyirtkə
Əlaqədar
Asiya çəyirtkələri Azərbaycana hücum ediblər
"Azərbaycan çəyirtkə təhlükəsinin qarşısını almağa hazırdır"
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

51
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

51
Beyrutdakı partlayışda

Azərbaycan Livana 1 milyon dollar yardım ayırdı

26
(Yenilənib 23:19 05.08.2020)
Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

BAKI, 5 avqust — Sputnik. Baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Azərbaycan Respublikasının Xarici İşlər Nazirliyinə 1 000 000 (bir milyon) ABŞ dollarının manat ekvivalenti məbləğində vəsait ayrılacaq. Sputnik Azərbaycan-ın məlumatına görə, bu barədə Baş Nazir Əli Əsədov Livan Respublikasına maliyyə yardımının göstərilməsi barədə sərəncam imzalayıb. 

Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

Bu Sərəncam imzalandığı gündən qüvvəyə minir.

26