İndoneziyada seçkilər

Seçki komissiyalarının onlarla üzvü çox işləməkdən öldü

85
(Yenilənib 17:30 23.04.2019)
Səslərin hesablanması davam edir

BAKI, 24 aprel — Sputnik. İndoneziyada seçkilər zamanı seçki məntəqələrində yorğunluqdan ölən işçilərin sayı 92-yə yüksəlib.

Sputnik Azərbaycan xarici mətbuata istinadla xəbər verir ki, bu barədə Antara nəşri məlumat yayıb.

Daha əvvəl Sinxua agentliyi məlumat vermişdi ki, yorğunluq və yol qəzaları 69 nəfərin ölümünə səbəb olub. Onlardan 15 nəfəri polis işçisi, 54 nəfər isə seçki şöbələrinin əməkdaşları olub.

Səslərin hesablanması davam edir.

Aprelin 17-də İndoneziyada bütün səviyyələrdə eyni vaxtda seçki keçirilib. Məlumata görə, ictimai səsvermə nəticələrinə əsasən, seçici fəallığı 82% təşkil edib.

Seçkilərdə səsvermə hüququ olan 193 milyondan çox seçici qeydiyyatdan keçib. Səsvermənin rəsmi nəticələri mayın 22-də İndoneziya Milli Seçki komissiyasl tərəfindən açıqlanacaq.

Qeyd edilir ki, seçki məntəqləinin əməkdaşları seçkilərdə fasiləsiz olaraq bir neçə gün işləməyə məcbur olublar.

Exit-Polun nəticələrinə görə, ölkənin hazırkı prezidenti Coko Vidodo prezident seçikilərində liderliyi özündə saxlayıb. O ölən şəxşlrlə əlaqədar başsağlığı verərək, onları "demokratiyanın qəhrəmanları" adlandırıb.

85
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0