Həbs

Türkiyədə nəhəng əməliyyat: 1608 nəfər tutulub

38
Cari ilin 3 ayında polis və jandarma tərəfindən 141 əməliyyat keçirilib

BAKI, 16 aprel — Sputnik. Türkiyədə son 4 ayda mütəşəkkil cinayətkarlığa qarşı genişmiqyaslı əməliyyatlar keçirilib. Sputnik Azərbaycan "Anadolu" agentliyinə istinadən xəbər verir ki, 1 yanvar – 15 aprel 2019-cu il tarixlərində polis və jandarma tərəfindən 141 əməliyyat keçirilib.

Ümumilikdə bu əməliyyatlar zamanı 1608 nəfər şübhəli şəxsdən 630-u həbs olunub.

Ötən il Türkiyə hüquq-mühafizə orqanları tərəfindən mütəşəkkil cinayətkarlığa qarşı 332 əməliyyat keçirilib. 47-si beynəlxalq/regional, 250-si yerli olmaqla, 297 terror təşkilatı və cinayətkar qrup çökdürülüb, 4565 nəfər qanunsuz qruplaşma rəhbəri barəsində cinayət işi açılıb, onlardan 810-u yaxalanıb.

Türkiyə polisi və jandarması tərəfindən terror təşkilatlarına qarşı ötən il keçirilən əməliyyatların sayı 33% artıb. 1 yanvar - 15 aprel 2019-cu il tarixlərində mütəşəkkil cinayətkarlığa qarşı keçirilən əməliyyatlar zamanı 183 ədəd tapança, 150 ədəd ov tüfəngi, 10340 ədəd fişəng ələ keçirilib.

38
Teqlər:
əməliyyat, jandarma, polis
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

17
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

17
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

16
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

16