Qız qaçırmağa görə cəzalar sərtləşdirildi

© Sputnik / Vladimir Pirogov / Mediabanka keçidQırğız nikah mərasimi
Qırğız nikah mərasimi - Sputnik Azərbaycan
Abunə olmaq
Qırğızıstanda hər gün 30-a yaxın azyaşlı qız qaçırılır və onlardan 6-sı təcavüzə məruz qalır

BAKI, 7 aprel — Sputnik. Qırğızstanda qızların ailə qurmaq məqsədilə qaçırılmasına görə cəzalar sərtləşdirilib.

Sputnik Azərbaycan xarici mətbuata istinadla xəbər verir ki, indi qız qaçırlanları 7 ildən 10 ilə qədər azadlıqdan məhrumetmə cəzası gözləyir. Eyni zamanda, həmin şəxslər 200 min som (3000 dollardan çox) cərimə ediləcək.

Əlləri qandallanmış adam, arxiv şəkli - Sputnik Azərbaycan
“Azərbaycan Universitetinin” məzunu 55 il cəza aldı

"Dünya qadın bankı" hüquq təşkilatının lideri Gülsən Abıtovanın sözlərinə görə, gənc qızların ailə qurmaq məqsədilə qaçırılması davam edir: "Hətta elə faktlar olub ki, qızlar qaçırıldıqdan sonra intihar ediblər".

Abıtovanın sözlərinə görə, çox zaman qaçırılan qızların yaxınları bu barədə hüquq mühafizə orqanlarına xəbər vermir.

Hüquq müdafiəçilərinin məlumatına görə, hər gün 30-a yaxın azyaşlı qız qaçırılır və onlardan 6-sı təcavüzə məruz qalır. Ölkədə hər 5 nikah qızların qaçırılması nəticəsində baş tutur. Kəndlərdə isə bu hal 60 faiz-i keçib.

Qeyd edək ki, ölkədə sonuncu dəfə qız qaçırmaya görə cəzalar 2013-cü ildə sərtləşdirilib.

Xəbər lenti
0