BMT toplantısı

Dünya ABŞ-a qarşı birləşdi - BMT-də təcili toplantı

266
(Yenilənib 13:04 28.03.2019)
BMT Təhlükəsizlik Şurası Qolan yüksəklikləri ilə bağlı iclas keçirib

BAKI, 28 mart — Sputnik. BMT Təhlükəsizlik Şurası (TŞ) Qolan yüksəklikləri ilə bağlı iclas keçirib. Sputnik Azərbaycan "Anadolu" agentliyinə istinadla xəbər verir ki, Təhlükəsizlik Şurası ABŞ prezidenti Donald Trampın İsrailin Qolan yüksəklikləri üzərində suverenliyini tanımasından sonra Suriyanın tələbi üzərinə toplaşıb.

ABŞ-ın BMT-dəki daimi nümayəndəsinin siyasi koordinatoru Rodni Hunter iclasda çıxış edərək bildirib ki, Suriya rejimi və İran tərəfindən Qolan yüksəkliklərinə nəzarət edilməsinə icazə verilsə, İsrailə qarşı hücumlara göz yumulmuş olacaq: "Bu qərar İsrailin təhlükəsizliyi üçün həlledici strateji əhəmiyyətə malikdir və ABŞ, regionda sabitliyə töhfə verəcəyinə inanır". 

Ancaq ABŞ iclasda tək qalıb. Belə ki, Şuranın digər 14 üzvü işğal altındakı bölgənin İsrail torpağı olmaması ilə bağlı birləşib.

Rusiyanın BMT-dəki daimi nümayəndəsinin köməkçisi Vladimir Safronkov dünya nizamına qarşı çıxan bu qərarın uğursuzluğa məhkum olduğunu bildirərək ABŞ-ın təktərəfli aldığı bu qərarın heç bir beynəlxalq hüquqi sənədi dəyişməyəcəyini söyləyib.

Şuradakı Avropa İttifaqı üzvü olan ölkələr də ABŞ-ın qərarının TŞ-nin qərarları ilə tərs düşdüyünü bildirib.

Qeyd edək ki, ABŞ prezidenti Donald Tramp İsrailin Qolan yüksəklikləri üzərində suverenliyini tanınmasına dair sənədə imza atıb. ABŞ prezidenti sənədə imzanı İsrailin baş naziri Binyamin Netanyahu ilə görüşü zamanı atıb.

Xatırladaq ki, 1944-cü ildən Suriyaya məxsus olan Qolan yüksəklikləri 1967-ci ildə 6 günlük müharibə zamanı İsrail tərəfindən işğal edilib. 1981-ci ildə İsrail parlamenti Qolan yüksəklikləri üzərində bu ölkənin suverenliyini elan edib. Ancaq BMT Təhlükəsizlik Şurası 17 dekabr 1981-ci ildə qətnamə qəbul edərək İsrailin bu qərarını qanunsuz sayıb.

266
Teqlər:
BMT Təhlükəsizlik Şurası, ABŞ
Əlaqədar
ABŞ-ı məhv edə biləcək dövlətlərin sayı artır
ABŞ rəsmisi: “F-35”lərin Türkiyəyə tədarükü yaxın zamanda təxirə salına bilər
ABŞ Türkmənistan qazının Azərbaycandan nəqlinə “hə” dedi
ABŞ-la Rusiya arasında yeni insident: Nüvə daşıyan qırıclar havalandı
Шторм в Черном море

Qara dənizdə batan gəminin dörd üzvü ölüb, axtarışlar dayandırılıb

5
Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın “Tesero Marine” şirkətidir.

BAKI, 17 yanvar - Sputnik. Qara dənizin Türkiyə sahillərində, Bartın vilayətinin İnkumu sahillərinə yaxın ərazidə batan Palau bayrağı altında üzən “Arvin” quru yük gəmisinin batması nəticəsində dörd nəfər həlak olub və həyatını itirənlərin sayı arta bilər.

Bunu Türkiyənin Bartın vilayətinin valisi Sinan Güner bildirib. Onun sözlərinə görə, “Arvin” gəmisinin batmasına əlverişsiz hava şəraiti səbəb olub:

“Son məlumata görə, 4 nəfər ölüb, 6 heyət üzvü xilas edilib. Yüksək dalğalara görə dənizdə axtarış-xilasetmə işləri dayandırılıb, helikopterlərdən isifadə edilərək havadan axtarışlar davam edir”.

Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın Tesoro Marine LLC şirkətidir. Türkiyə Hərbi Dəniz Qüvvələri axtarış əməliyyatında iştirak etmək üçün freqat göndərmişdi.

Daha öncə gəminin Rusiya bayrağı altında üzdüyü bildirilirdi. Son məlumatlara görə, Palau bayrağı altında üzən gəminin 12 nəfərlik heyətinin 10 üzvü ukraynalı, ikisi isə rusdur. Gəminin sahibi Arvin Shipping LTD-dir (Beliz). Gəmi 1997-ci ildə Rusiyada qeydiyyatdan çıxarılıb.

5

Fevralda Türkiyə Azərbaycan ordusunun ortaq hərbi təlimi olacaq

7
(Yenilənib 15:40 17.01.2021)
"Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

BAKI, 17 yanvar - Sputnik. Fevralın 1-dən 12-dək Türkiyə ilə Azərbaycan ordusu arasında ortaq hərbi təlimlər keçiriləcək.

Bu barədə Türkiyə Müdafiə Nazirliyi məlumat yayıb.

Bildirilib ki, "Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

“Qarabağda Ermənistan Ordusuna qarşı böyük bir qələbə qazanan qardaşlarımızı qürurla qarşılayırıq. "Bir millət, iki dövlət" anlayışımızla "bir ürək, bir bilək, bir yumruq" kimi birləşərək, fəaliyyətlərimizə davam edəcəyik!” - deyə məlumatda bildirilib.

7
Самолет Бе-200, фото из архива

Hirkan Milli Parkında yanğın davam edir - VİDEO

0
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

0