BAKI, 23 mart – Sputnik. Ermənistanın baş naziri Nikol Paşinyan, ərazidə zibil olduğu üçün İctimai Teatrın yeni binasının təməlatma mərasimində iştirak etməkdən imtina edib. Bu barədə Sputnik Azərbaycan “News.am”-a istinadən xəbər verir.
O bildirib ki, belə vəziyyətdə mərasimdə iştirak edə bilməz. Daha sonra baş nazir süpürgəni götürərək ərazini süpürməyə başlayıb. Mərasimin digər iştirakçıları da ona qoşulub.
“Ətraf təmiz olmalıdır. Bura gəlib, zibilin ortasında mərasim keçirmək olmaz” - deyə Paşinyan bildirib.
Bunun təməlatma mərasiminin təxirə salınması anlamına gəlməsi barədə sualına Paşinyan belə cavab verib: “Hələ ərazini təmizləyək, daha sonra qərar verərək mərasimi keçirək ya yox”.
