Qaçış, arxiv şəkli

Fiziki aktivlik ölüm riskini azaldır

56
(Yenilənib 20:41 19.03.2019)
Həftədə 2,5-5 saat fiziki aktivlik bu riski 31 faiz, 25 saat isə 50 faiz azaldır

BAKI, 20 mart — Sputnik. Həftədə bir dəfə gəzinti ürək çatışmazlığı, insult və xərçəng səbəbindən baş verə biləcək erkən ölüm riskini azaldır.

Sputnik Azərbaycan xarici mətbuata istinadla xəbər verir ki, aparılan araşdırma zamanı 90000 insan barədə məlumatlar öyrənilib. Məlum olub ki, həftədə bir dəfə 10 dəqiqə təmiz havada gəzmək 18 faiz erkən ölüm riskini azaldır. Həftədə 2,5-5 saat fiziki aktivlik bu riski 31 faiz, 25 saat isə 50 faiz azaldır.

Araşdırmanın müəllifləri qeyd edib ki, uzun müddətli, ancaq çox da aktiv olmayan hərəkətləri qısa müddətli aktiv hərəkətlərlə əvəz etmək olar. Ancaq elə etmək lazımdır ki, orqanizm yetərli qədər yüklənsin. Alimlərin fikrincə, qaçış, piyada gəzmək, velosiped sürmək və müxtəlif məşqlər daha effektlidir.

56